Author: team-dhimsa-viz

మన లౌకిక వాదం నీటిమÖటలేనా?

దేశంలో ఈనాడు మత వ్యాపార సంస్కృతి పెరుగుతున్నది. గుడులు, మఠాలు, బాబాల ఆశ్రమా లకు పర్యాటకం విపరీతంగా పెరుగుతున్నది. సాధార ణంగా ఒక ప్రాంతం నుంచి మరో ప్రాంతానికి విజ్ఞా నశాలలు,విశ్వ విద్యాలయాలు, విస్తృతమైన గ్రంథా లయాలు, సముద్ర తీరాలు,నదీ తీర ప్రాంతాలు, చారిత్రక కట్టడాలను చూడడానికి వెళ్ళాలి. కాని మత కేంద్రాలైన దేవాలయాలను సందర్శించడానికి లక్షలు లక్షలు ఖర్చు పెడుతున్నారు. మత క్షేత్రాల సందర్శనకు టూరిస్ట్ బస్‌లు,విమాన సర్వీసులు,ప్రత్యేక రైళ్ళు ప్రభు త్వాలు ఏర్పాటు చేస్తున్నాయి.అదే ఒకచారిత్రక కట్ట డానికి ప్రభుత్వాలు ఇటువంటి ప్రయాణ సౌకర్యం కలిగించటం లేదు. నిజానికి రెండు తెలుగు రాష్ట్రాల్లో అత్యు న్నతమైన అంబేద్కర్ స్మృతివనాల రూపకల్పన జరిగింది. విజయవాడ నడిబొడ్డులో 125 అడుగుల డా.బి.ఆర్.అంబేద్కర్ విగ్రహాన్ని గత ప్రభుత్వం ఏర్పర చింది. ఆ వనంలో అంబేద్కర్ జీవిత చరిత్రను చక్కగా రూపొందించారు.వివిధ స్కూళ్లు,కాలేజీల నుండి టూరిస్ట్ బస్సులు ఏర్పాటు చేసి ఆ స్మృతి సందర్శన ద్వారా విద్యార్థుల్లో విద్యాసక్తిని రూపొందించాల్సిన బాధ్యత ప్రభుత్వానిది.పోయిన ప్రభుత్వం మీద ద్వేషం తో ఇప్పటి వరకు ఒక్కసారి కూడా వెళ్ళి ఆ విగ్రహాన్ని సందర్శించి పూలమాలాంకృతి చేయలేదు. అలాగే హైదరాబాద్‌లో డా||బి.ఆర్.అంబేద్కర్ 126 అడు గుల విగ్రహాన్ని మాజీ ముఖ్యమంత్రి నిర్మించగా ప్రస్తుత సి.ఎం ఆగేట్లు కూడా తెరవలేదు. మొన్న జయంతికి నామమాత్రంగా తెరిచారు. దాని వలన విద్యార్థుల్లో అంబేద్కర్ స్ఫూర్తి రావటం లేదు.
దేశ స్థూల జాతీయోత్పత్తి (జిడిపి)లో పర్యా టక ఆదాయం వాటా 9.6 శాతం. ఇందులో దేశీయ పర్యాటకం 88 శాతం. గతేడాది ఇండియా సందర్శిం చిన విదేశీ పర్యాటకులు కేవలం 90లక్షలు కాగా, స్థానిక యాత్రికుల సంఖ్య కళ్లు చెదిరేలా 14కోట్లను దాటింది. కేంద్ర ప్రభుత్వాలు పర్యాటక రంగాన్ని ప్రోత్సహించడానికి ఢిల్లీ-ఆగ్రా-జైపూర్ ‘స్వర్ణ త్రిభు జం’ మీద అధిక శ్రద్ధ పెడుతుంటాయి. వాస్తవానికి తమిళనాడు సందర్శించేవారు అత్యధికంగా 20 శాతం ఉన్నారు. ఢిల్లీ పర్యాటకులు వారిలో సగం ఉంటారు. దక్షిణాది రాష్ట్రాలు దేశవిదేశాల టూరిస్టు లను ఆకర్షించడంలో ముందు వరుసలో నిలుస్తాయి. కారణం మతపరంగా ప్రముఖమైన తిరు పతి, మదురై వంటి ప్రదేశాలు వీటిలో ఎక్కువగా ఉండటమే. తిరు పతి వల్ల ఆంధ్రప్రదేశ్ ఇండియాలోనే అతి పెద్ద దేశీ య పర్యాటక ప్రదేశంగా రూపొందింది. రెలిజియస్ టూరిజం ఇప్పుడు అతిపెద్ద వ్యాపారం.గడచిన నాలు గైదేళ్లలో గతంలో కంటే అధికంగా మతం మీద మమ కారం పెంచుకున్న భారతీయులు 25 శాతం పైగానే ఉన్నారని ‘వ్యూ’ సంస్థ నిర్వహిం చిన ‘గ్లోబల్ యాటి ట్యూడ్ సర్వే’ తేల్చింది.ఇది ఏ ఒక్క మతానికో పరిమి తం కాదు.అన్ని మతాల్లోనూ ఈ ధోరణి కనబడు తున్నది. ఎనఎసఎసఓ (నేషనల్ శాంపుల్ సర్వే ఆఫీస్) నివేదిక ప్రకారం,మత ప్రదే శాల సందర్శనలపై చేసిన సగటు వ్యయం ఇదే కాలం లో రెట్టింపు కంటే ఎక్కు వైంది. మత వ్యాపారానికి ఆకాశమే హద్దు (ఇందులో శ్లేష లేదు). సంతోషమే! మరి మత భావన పెరుగుతూ పోవడం వల్ల తలెత్తే ఇతర పరిణామాల మాటేమిటి? సమాజం లో మÖఢనమ్మకాలు, అంధ భక్తి, మత పిచ్చి పెచ్చరిల్లు తాయి. ఒక ఆధునిక సమాజంగా ఇండియా ఆవిర్భ వించకుండా ఇవి అడ్డుపడే ప్రమాదం ఉంది.
క్రైస్తవం,ఇస్లాంలో కూడా విపరీతమైన వ్యా పార సంస్కృతి వుంది.ముఖ్యంగా శాస్త్రీయ అధ్యయ నానికి వ్యతిరేకంగా ప్రార్థనల ద్వారా జ్వరాలు పోతా యి అనటం,గృహ సందర్శనాల పేరుతో బలహీ నులను దోచుకోవటం, రోజుల తరబడి ఉపవాసాలు వుంచి ఆరోగ్యాలు పాడుచేయడం వంటివన్నీ అశాస్త్రీ యమైన కార్యక్రమాలు.ఇవి మÖడు మతాల్లోను విపరీతంగా జరుగుతున్నాయి.వీటిని ప్రభుత్వాలు ప్రోత్సహిస్తున్నాయి. మక్కా ప్రయాణాల తొక్కిళ్ళల్లో వందల మంది చనిపోతున్నారు. ఇటీవల తిరుపతిలో పదుల సంఖ్యలో చనిపోయారు.జిల్లా పరిషత్ స్కూళ్లలో కూడా విద్యార్థినులకు బురఖాలు తప్పనిసరి చేసి వారిలో లౌకికవాద దృక్పథాన్ని దెబ్బతీస్తున్నారు. క్రైస్తవ స్కూళ్లలో అయితే భారత రాజ్యాంగం ప్రకారం 40 శాతం రిజర్వేషన్ కల్పించకుండా ఫీజులు విపరీతంగా దండుకుంటున్నారు.పేద పిల్లలకు అక్కడ చోటు లేదు. భారత జాతీయ గీతాన్ని ఆలపించకుండా ప్రార్థనలతో అసెంబ్లీలు నడిపిస్తున్నారు.అన్ని రేడి యోలలో,టీవీలలో మతప్రచారం ముమ్మరం అయిం ది.ఉదయ కాలాన్నే రకరకాల దేవుళ్ళ స్తుతులు, కీర్తనలు పాడుతూ జ్ఞానబోధను తగ్గించారు.వ్యక్తిత్వ నిర్మాణబోధలుబాగా తగ్గిపోయాయి.కవిత్వం, నవల, పాట,జానపదం బహు జనం స్త్రీ విముక్తి సంబంధిం చిన ఆశయాలు టీవీలలో మృగ్యమైనాయి.
ఇప్పుడు రోడ్డు మలుపుల్లో మత కేంద్రాలు, గుడులు నిర్మించడం పెద్ద వ్యాపారంగా మారింది. ముఖ్యంగా ప్రతి మలుపులోనూ ఒకదేవాలయం దర్శన మిస్తుంది. ఇక వాటిని కదిలించడానికి వీలు లేదు. చివరికి రోడ్డు విశాలపరిచేటప్పుడు కూడా వాటి ని తప్పించి రోడ్లు వేసుకోవాలి. నిజానికి నెహ్రూ, డా.బి. ఆర్.అంబేద్కర్ వంటి వారు గుడులను సంద ర్శించ లేదు.ఇప్పుడు ముఖ్యమంత్రులు లౌకిక దృక్ప థాన్ని కాపాడాల్సిన వారు మత రాజకీయాలు నడుపు తున్నారు. కొందరైతే కాషాయ వస్త్రాలతో తిరుగుతు న్నారు.ఈసందర్భంలో లౌకిక, ప్రజాస్వామ్య, ప్రగతి శీల వాదులందరూ కలిసి మతం పేరుతో జరుగుతున్న మÖఢ భావజాల ఆర్థిక దోపిడీ విధానాలను అడ్డుకో వాలి. కారల్‌మార్క్స్, అంబేద్కర్ ఆలోచనా విధానా లతో నూతన సాంస్కృతిక విప్లవాన్ని విజయవంతం చేస్తారని ఆశిద్దాం. (వ్యాసకర్త : డా.కత్తి పద్మారావు)

తెలుగు రాష్ట్రాల్లో భానుడు భగభగలు

భానుడు నిప్పులు కురిపిస్తూనే ఉన్నాడు. మధ్యలో ఒకసారి పలుచోట్ల జల్లుల పడి కాస్త ఉపశమనం ఇచ్చినా మళ్లీ బాదుడు కొన సాగుతూనే ఉన్నది. మే నెలంతా ఈ మండే ఎండలు తప్పవని, ఆతర్వాత కాస్త మళ్లీ జల్లులు కురిసే అవకాశం ఉన్నదని ఐఎండీ అంచనా వేసింది. ఈ వేసవిలో ఉష్ణోగ్రతలు 50 డిగ్రీల సెల్సియస్ మార్క్‌ను దాటొచ్చని పేర్కొంది. వేసవి ఎండలు మండిపోతున్నాయి. సూర్యుడు ఉదయించిన గంటల వ్యవధిలోనే తన ప్రతాపాన్ని చూపిస్తున్నాడు. మధ్యాహ్నం కాకముందే మాడు పగిలిపోయే నిప్పులు కురిపి స్తున్నాడు. వీటికితోడు వడగాలులు కూడా వీయడంతో దప్పికలు,నీరసం,డీహైడ్రేషన్‌లు వెంటనే చుట్టుముడుతున్నాయి. అందుకే అవసరం ఉంటే తప్పితే గడప బయట కాలు పెట్టొద్దని హెచ్చరికలు చేస్తున్నారు. మరీ ముఖ్యంగా వృద్ధులు,చిన్నారులు ఇంటి పట్టునే ఉండటం మంచిది. తాజాగా,వాతావరణ శాఖ మరో హాట్ న్యూస్ చెప్పింది. ఈఏడాది టెంపరేచర్‌లు రికార్డులు బ్రేక్ చేస్తాయని ఐఎండీ అంచనాలు వేసింది. ఈఏడాది వేసవి తాపం 40 డిగ్రీల సెల్సియస్‌లు దాటొచ్చని పేర్కొంది. ఇప్పటికే ఉష్ణోగ్రతలు దారుణంగా పెరిగాయని,పలు ప్రాంతాల్లో 45డిగ్రీల సెల్సి యస్‌లు క్రాస్ చేసి టెంపరేచర్‌లు రికార్డు అవుతున్నాయని ఐఎండీ తెలిపింది. వడగా లులు కూడా భయంకరంగా వీస్తున్నాయి. సాధారణంగా మే నెలలో అత్యధిక ఉష్ణోగ్రతలు నమోదు అవుతాయని, ఐఎండీ డైరెక్టర్ జనరల్ ఆఫ్ మెటీయరాలజీ డాక్టర్ ఎం మోహపాత్రా తెలిపారు. కాబట్టి,పశ్చిమ రాజస్తాన్‌లోఉష్ణోగ్ర తలు 50డిగ్రీల సెల్సి యస్‌లను తాకొచ్చని వివరించారు. ఓప్రెస్ కాన్ఫరెన్స్‌లో మోహపాత్రా మాట్లాడుతూ,పశ్చిమ మధ్య భారతం, వాయవ్య భారతంలోనూ సాధారణానికి మించి టెంప రేచర్‌లు రికార్డు అవుతాయని తెలిపారు.ఉత్తర, ఈశాన్య భారతంలోనూ సాధారణానికి మించి వేడిగా రోజులు గడవచ్చని వివరించారు. మన దేశంలో పలుచోట్ల ఉష్ణోగ్రతలు 46డిగ్రీల సెల్సియస్ మార్క్‌ను దాటేశాయి. కాగా,ఏప్రిల్ నెలలో యÖపీలో అలహాబాద్ (46.8డిగ్రీలు), ఝాన్సీ(46.2డిగ్రీలు), లక్నో (45.1డిగ్రీలు)లు ఆల్ టైం గరిష్ట ఉష్ణోగ్రతలు నమోదయ్యాయి. వీటితోపాటు హర్యానాలోని గురుగ్రామ్ (45.9 డిగ్రీలు), మధ్యప్రదేశ్ సత్నా (45.3 డిగ్రీలు)లు ఆల్ టైం హై టెంపరేచర్‌లు ఈ నెలలో రికార్డ్ చేశాయి. ఇక మే నెలలో అంచనాలు చూస్తే.. మే నెలలో దేశంలో చాలాచోట్ల సాధారణం నుంచి సాధారణాని కంటే గరిష్టంగా వర్షాలు పడే అవకాశాలు ఉన్నాయని అంచనా.దేశాన్ని భారీ ఉష్ణోగ్రతలు వణికిస్తున్నాయి. ఏప్రిల్‌లో సగటు ఉష్ణోగ్రతలు122ఏళ్ల రికార్డును బ్రేక్ చేసి నట్టు భారత వాతావరణశాఖ వెల్లడించింది. మే నెలలో ఉత్తర భారతంలో ఉష్ణోగ్రతలు 50డిగ్రీలు దాటిపోయే అవకాశం ఉందని పేర్కొంది. హీట్‌వేవ్ నేపథ్యంలో ఏప్రిల్ నెల ఉష్ణోగ్రతలు రికార్డుల మోత మోగించాయి. వాయువ్య భారతం,మధ్య భారతంలో ఉష్ణోగ్రతలు సగటున 35.90డిగ్రీలు,37.78డిగ్రీలు నమోదయ్యాయి. అధిక ఉష్ణోగ్రతల కారణంగా విద్యుత్ డిమాండ్ భారీగా పెరిగిందని, ఫలి తంగా దేశంలో పవర్ కట్‌లు పెరిగాయని పేర్కొంది. దేశరాజధాని ఢిల్లీలోఉష్ణోగ్రతలు భారీగా పెరిగాయని,72ఏళ్ల రికార్డు..దేశంలో హీట్‌వేవ్ పరిస్థితులపై యÖఎన్ ఏజెన్సీ డబ్ల్యూఎంఓ ఆందోళన వ్యక్తం చేసిందని వివరించింది.
మునుపెన్నడూ లేనంత వేడిగాలు
మానవుని కార్యకలాపాలవల్ల ఏర్పడిన గ్లోబల్ వార్మింగ్‌తో ప్రాణహాని సంభవిస్తోంది. ఇది ఇప్పటికే రుజువైన సత్యం కూడా. గ్లోబల్ వార్మింగ్ వల్ల ప్రపంచవ్యాప్తంగా పక్షులు, జంతువుల మనుగడ కష్టతరమౌతోంది. దీంతో యావత్ జీవరాశి దెబ్బతినడంతో పాటు… మనుషుల మీద కూడా ఆ ప్రభావం పడుతుంది. గ్లోబల్ వార్మింగ్ కారణంగానే.. మన దేశంలో మే నెల రాకముందే అత్యంత తీవ్రమైన వేడిగాలులు వీస్తున్నాయి. ప్రధానంగా దక్షిణాది రాష్ట్రాల కంటే.. ఉత్తరాది రాష్ట్రాల్లో మునుపెన్నడూ లేనివిధంగా తీవ్రస్థాయిలో వడగాలులు వీస్తున్నాయని భారత వాతావరణ శాఖ వెల్లడించింది. ఇప్పటికే దేశరాజధాని ఢిల్లీలో ఎల్లో అలర్ట్ అమల్లో ఉంది. ఎండ తీవ్రత ఏస్థాయిలో ఉందో దీన్నిబట్టే అర్థం చేసుకోవచ్చు. వాతావరణ మార్పుల వల్ల.. ప్రపంచంలోని మిగతా దేశాలకంటే.. భారతదేశమే మరిన్ని సమస్యల్ని ఎదుర్కోవాల్సి వస్తుందని పర్యావరణ నిపుణులు హెచ్చరిస్తు న్నారు. ఇక భారత వాతావరణ శాఖ (ఐఎండి) తెలిపిన వివరాల ప్రకారం.. రాబోయే రోజుల్లో సగటు గరిష్ట ఉష్ణోగ్రత 4.5-6.4 డిగ్రీల సెల్సియస్ నమోదవుతుందని అంచనా వేసింది. బహుశా మైదాన ప్రాంతాల్లో 40 డిగ్రీల సెల్సియస్, తీర ప్రాంతాల్లో 37 డిగ్రీల సెల్సియస్ కంటే ఎక్కువగా వేడిగాలులు వీస్తాయని ఐఎండి పేర్కొంది.గత కొన్ని సంవత్సరాలుగా దేశ రాజధాని ఢిల్లీ ఉష్ణోగ్ర తలను పరిశీలిస్తే..1981-2010ల మధ్య గరిష్టంగా 39.5 డిగ్రీల సెల్సియస్ ఉష్ణోగ్రత నమోదయితే…ఈ సంవత్సరం ఏప్రిల్ 28 నుండే.. అత్యధిక ఉష్ణోగ్రత నమోదవుతోంది. రోజువారీగా సగటున 44 డిగ్రీల సెల్సియస్ ఉష్ణోగ్రత నమోదవుతున్నదని, ఇలా కొద్దిరోజులపాటు అత్యధిక ఉష్ణోగ్రత నమోదయ్యే అవకాశముందని ఐఎండి తెలిపింది. అందుకే ఢిల్లీలో ఎల్లో అలర్ట్‌ను ప్రభుత్వం జారీ చేసింది. ఇక 1979 నుండి 2017 వరకు సేకరించిన వాతావారణ సమాచారం మేరకు..’తూర్పు తీర ప్రాంత భారతదేశం, వాయువ్య భారతదేశంలోని కొన్ని ప్రాంతాల్లో అత్యధికంగా 31 డిగ్రీల సెల్సియస్ ఉష్ణోగ్రత నమోదైనట్లు న్యూయార్క్‌లోని కొలంబియా యÖనివర్సిటీ పరిశోధకులు గుర్తించారు. ప్రపంచవ్యాప్తంగా వాతావరణ పరిస్థితిని పరిశీలిస్తే.. ఇప్పటికే మధ్య అమెరికా, ఉత్తర ఆఫ్రికా, మధ్యప్రాచ్య, వాయువ్య-ఆగేయ భారతదేశంలోని కొన్ని ప్రాంతాల్లో 35 డిగ్రీల సెల్సియస్ ఉష్ణోగ్రత నమోదైంది. 2010 కంటే.. 2023 తర్వాతి సంవత్సరాల్లో ఉష్ణోగ్ర తల్లో తీవ్రమైన మార్పులు చోటుచేసు కుంటు న్నాయని స్పష్టమవుతున్నది. ఇది భవిష్యత్ లో మరింత పెరిగే అవకాశముందని పరిశోధ కులు అంచనా వేస్తున్నారు. మన దేశంలో గ్లోబల్ వార్మింగ్ ప్రభావంతో అత్యధిక ఉష్ణోగ్రతలు నమోదవ్వడం వల్ల ప్రజల ప్రాణాలకు ముప్పు సంభవిస్తోంది. పనికి వెళ్తే గాని పూట గడవని పేదలు ఎండల్లో కూడా బయటకు వెళ్లడం వల్ల.. ప్రాణాలు కోల్పోతున్నారు. అందుకే ప్రజల ప్రాణాల్ని కాపాడే విధంగా కేంద్ర, రాష్ట్ర ప్రభుత్వాలు తగు చర్యలు తీసుకోవాలని వాతావరణ శాఖ హెచ్చరిస్తోంది.
మే నెలలో 40డిగ్రీలు…!
వేసవి కాలంలో సాధారణంగా మే నెలలో అధిక ఉష్ణోగ్రతలు నమోదవుతూ ఉంటాయి. కానీ ఈసారి మార్చి నుంచే భానుడి భగభగలకు ప్రజలు అల్లాడిపోతున్నారు. ఇక ఏప్రిల్‌లో ఎండలు మరింత తీవ్రంగా ఉన్నా యి. ఇప్పుడు..మే నెలంటనే ప్రజలు బెంబేలెత్తి పోతున్నారు. “వాయువ్య భారతదేశంలోని చాలా ప్రాంతాలు హిమాచల్,పంజాబ్, హైర్యానా,రాజస్థాన్గుజరాత్-మేలో సాధారణ ఉష్ణోగ్రతల కంటే ఎక్కువగా నమోదయ్యే అవకాశం ఉన్నట్లు అంచనా.“దేశంలో 2022 మేలో సగటు వర్షపాతం సాధారణం కంటే ఎక్కువగా ఉంటుంది” అని మోహపాత్ర చెప్పారు.అయితే, వాయువ్య మరియు ఈశాన్య భారతదేశంలోని కొన్ని ప్రాంతాలతో పాటు తీవ్ర ఆగ్నేయ ద్వీపకల్పంలో మేలో సాధారణం కంటే తక్కువ వర్షపాతం నమోదయ్యే అవకాశం ఉందని మోహపాత్ర చెప్పారు. పశ్చిమ రాజస్థాన్‌లోని కొన్ని ప్రాంతాలలో 40డిగ్రీల సెల్సియస్ కంటే ఎక్కువ ఉష్ణోగ్రతలు నమోద వడాన్ని కూడా మోహపాత్ర తోసిపుచ్చలేదు.– జి ఎన్ వి సతీష్ 

‘ఏఐ’..తో పర్యావరణానికి ప్రమాదం

కృత్రిమ మేధ(ఏఐ) రంగంలో పైచేయి సాధించేందుకు బహుళజాతి సంస్థలు పోటీ పడుతున్నాయి.వందల కోట్లు ఖర్చుచేసి కొత్త ఫీచర్ల తో ఉచితంగా ఏఐ చాట్‌బోట్‌లను అందు బాటులోకి తెస్తున్నాయి. వినియోగ దారులు కూడా ఏఐని ఇష్టారీతిన వాడేస్తున్నారు. చిన్న మెయిల్ చేయ డానికి కూడా ఏఐపైనే ఆధారపడు తున్నారు. ఫోటోలను,వీడియోలను సృష్టిస్తున్నారు.చిత్ర విచిత్రమైన ప్రశ్నలు అడుగు తూ టైమ్‌పాస్ చేస్తున్నారు. అయితే, ఏఐ కూడా అమూల్యమైన వనరేనని,దీనిని బాధ్యతగా, పొదుపుగా వాడుకోవాలని నిపుణులు సూచిస్తున్నారు. ఏఐ ఉచితంగానే సేవలు అందిస్తున్నప్పటీ పర్యావరణంపై మాత్రం భారం వేస్తున్నదని చెప్తున్నారు.అయితే శక్తివంతమైన జనరేటివ్ ఆర్టిఫిషియల్ ఇంటెలిజెన్స్ మోడళ్ల వేగవంతమైన అభివృద్ధి,వినియోగం ప్రపంచా నికి కొత్త అవకాశాలు తెస్తున్నప్పటికీ, దీని వల్ల విద్యుత్ వినియోగం,నీటి అవసరం కార్బన్ ఉద్గా రాలు భారీగా పెరుగుతున్నాయని నిపుణులు హెచ్చరిస్తున్నారు. – గునపర్తి సైమన్ 
పర్యావరణానికి ప్రమాదమేంటి?
డాటా సెంటర్లలోని సూపర్ కంప్యూటర్ల ద్వారా ఏఐ పని చేస్తుంది. మనం ఏఐని అడిగే ప్రతి ప్రశ్నను ప్రాసెస్ చేసి సమాధానం ఇచ్చేది సూపర్ కంప్యూటర్లే. సూపర్ కంప్యూటర్లు పర్యావరణానికి హానికరంగా మారిన శిలాజ ఇంధనాలతో పని చేస్తున్నాయి. వీటి కోసం అణు ఇంధనాన్ని కూడా వినియోగిస్తుంటారు. దీనిపై ఇటీవల హగ్గింగ్ ఫేస్ అనే ఓసంస్థ అధ్య యనం చేసింది.కేవలం చాట్‌జీపీటీకి చెందిన జీపీటీ3 మాడల్‌కు శిక్షణ ఇచ్చే క్రమంలో 500 మెట్రిక్ టన్నుల కార్బన్ డయాక్సైడ్ ఉత్పత్తి అయ్యిందని ఈ అధ్యయనంలో తేలింది.ఒక పెట్రోల్ కారు 10లక్షల కిలోమీటర్లు నడిస్తే ఉత్పత్తయ్యే కార్బన్ డయాక్సైడ్‌కు ఇది సమానం.
నీటి కొరత తప్పదా ?
డాటా సెంటర్లు, సూపర్ కంప్యూటర్లు పని చేసేట ప్పుడు విపరీతమైన వేడి ఉత్పత్తి అవుతుంది. ఈ వేడిని తగ్గించేందుకు భారీగా మంచినీరు అవసరమవు తుంది. దీంతో ఏఐ వినియోగం ఎంతగా పెరిగితే నీటి కొరత కూడా అంతగా పెరిగే ప్రమాదం ఉం దని నిపుణులు హెచ్చరిస్తున్నారు. డాటా సెంటర్లలో వినియోగించే నీటిపై అనేక విమర్శలు ఉన్నాయి. ఏ కంపెనీ కూడా డాటా సెంటర్‌లకు ఎంత నీటిని వినియోగిస్తున్నాయని వెల్లడించడం లేదు. అయితే,అమెరికాలోని ఒరెగాన్ రాష్ట్రంలో ఉన్న డల్లెస్ పట్టణంలో గూగుల్‌కు ఒక డాటా సెంటర్ ఉంది.ఈ మొత్తం పట్టణానికి సరఫరా అవుతున్న నీటిలో పావు వంతు ఈడాటా సెంటర్‌కు అవస రమవుతున్న విషయం ఓ కేసు ద్వారా వెలుగులోకి వచ్చింది. ఏఐ అందుబాటులోకి రావడం వల్ల సాంకేతికంగా కొన్నిలాభాలు ఉన్నాయి. ఇదే సమ యంలో పర్యావరణానికి ఏఐ మరింత భారంగా మారింది. సాంకేతికతను బాధ్యతాయుతంగా వినియోగించుకోవడంవల్ల డాటా సెంటర్లు, సూపర్ కంప్యూటర్లపై భారం తగ్గుతుందని, ఇది పర్యావరణానికి మరో నష్టం చేసేదిగా మార కుండా ఉంటుందని పర్యావరణవేత్తలు అప్రాయ పడుతున్నారు.ఏఐ వినియోగం పెరిగే కొద్దీ విద్యు త్ బిల్లులు తడిసిమోపెడు అవుతాయని జోహో కార్పొరేషన్ ఫౌండర్ శ్రీధర్‌వెంబు తాజాగా హెచ్చ రించారు. విద్యుత్ గ్రిడ్స్‌పై కూడా తీవ్ర ప్రభావం పడుతుందని తెలిపారు. ఈ మేరకు ఎక్స్ వేదికగా హెచ్చరించారు.
2023తో పోలిస్తే ఏథెన్స్,జార్జియాలో ప్రస్తుతం విద్న్యత్ బిల్లులు ఏకంగా 60శాతం మేర పెరిగా యని శ్రీధర్ వెంబు అన్నారు.ఏఐ డాటా సెంటర్లు పెరగడమే ఇందుకు కారణమని అన్నారు. డాటా సెంటర్ల జీపీయూ ఖర్చులు భరించగలిగినా విద్న్య త్ బిల్లులను తట్టుకోవడం మాత్రం ఎవ్వరి తరం కాదని చెప్పారు.చివరకు ఈభారం సామాన్య కుటుంబాలు,పరిశ్రమలపై పడుతుందని హెచ్చ రించారు.ఇంధన వినియోగంలో ప్రస్తుతం అందు బాటులో ఉన్న ఏఐ సాంకేతిక ఏమాత్రం సమర్థ వంతమైనది కాదని ఆయన అన్నారు.కాబట్టి, భారత్ తన డిజిటల్ మౌలిక వసతుల ఏర్పాటుపై లోతుగా ఆలోచించాలని సూచించారు. శక్తివనరు లను మరింత సమర్థవంతంగా వినియోగించుకునే ఏఐ వ్యవస్థల అవసరం ఉందని అన్నారు. ఏఐ కంప్యూటేషన్‌లో మౌలిక మార్పులు రావాలని అభి ప్రాయపడ్డారు.నిపుణుల అంచనా ప్రకారం, భారత్‌లో 2030 నాటికి ఏఐ విద్యుత్ వినియోగం ఏటా 40 నుంచి 50టెర్రావాట్ అవర్‌కు చేరుకుం టుంది.గృహ వినియోగానికి,పారిశ్రామిక అవసరాలకు విద్యుత్ సరఫరా చేయలేక ఇబ్బంది పడే గ్రిడ్స్‌పై ఇది భారం మరింత పెంచుతుంది. భారత్ అప్పటికి 777 జీడబ్ల్యూ విద్యుత్ ఉప్పత్తికి ప్రయత్నిస్తోంది. అయితే, పర్యావరణ ఇంధన ఉత్పత్తి టార్గెట్స్‌లో ఏమాత్రంలోటు తలెత్తినా ప్రాంతీ యంగా విద్యుత్ కొరత తలెత్తే అవకాశం ఉంది. ముఖ్యంగా ఏఐడాటా సెంటర్స్ ఎక్కువగా ఉన్నా ప్రాంతాలపై ప్రభావం పడుతుంది.ప్రాంతాల వారీగా కొరత వస్తుంది. చివరకు ఇది విద్యుత్ కోతలకు దారి తీసే అవకాశం కూడా ఉంది. ఇది చాలదన్నట్టు ప్రాంతీయ గ్రిడ్స్ విద్యుత్ డిమాం డ్‌ను తట్టుకోలేక కోతలకు తెరతీయవచ్చని నిపుణు లు హెచ్చరిస్తున్నారు.
గూగుల్ డేటా సెంటర్లకు ఇచ్చిన పర్యావరణ అనుమతులు రద్దు చేయాలి` కేంద్రానికి ఈ.ఏ.ఎస్. శర్మ విజ్ఞప్తి.
విశాఖపట్నం పరిసర ప్రాంతాల్లో ప్రతిపాదిత గూగుల్ డేటా సెంటర్ ప్రాజెక్టులకు ఆంధ్రప్రదేశ్ రాష్ట్ర పర్యావరణ ప్రభావ మూల్యాంకన సంస్థ (APSజుIAA) జారీ చేసిన పర్యావరణ అనుమతు లను వెంటనే రద్దు చేయాలని భారత ప్రభుత్వ మాజీ కార్యదర్శి ఈ.ఏ.ఎస్. శర్మ కేంద్ర పర్యావ రణ, అటవీ మరియు వాతావరణ మార్పుల మంత్రిత్వశాఖ (వీజుఖ్పు్పుీ)ను కోరారు. ఆనందపురం మండలంలోని విజాగ్ మెగా డేటా సెంటర్ పార్క్ లిమిటెడ్ (Vవీణ్పుPL), రాంబిల్లి ప్రాంతంలోని వైజాగ్ రాంబిల్లి డేటా సెంటర్ పార్క్ లిమిటెడ్ (V=ణ్పుPL)లకు రాజకీయ ఒత్తిడిలో తొందరపాటుగా అనుమతులు ఇచ్చారని ఆయన ఆరోపించారు.గూగుల్ సంస్థ తన అను బంధ సంస్థ రైడెన్ మరియు అదానీ గ్రూప్ భాగస్వా మ్యంతో విశాఖపట్నం పరిసరాల్లో 600 ఎకరాలకు పైగా మూడు ప్రాంతాల్లో భారీ డేటా సెంటర్ ప్రాజెక్టు ను అభివృద్ధి చేస్తోందని శర్మ పేర్కొన్నారు. అయితే మొత్తం ప్రాజెక్టును సమగ్రంగా పరిశీలించకుండా, భాగాలుగా విభజించి విడివిడిగా పర్యావరణ అను మతులు ఇవ్వడం చట్ట విరుద్ధమని అన్నారు. రాంబిల్లి డేటా సెంటర్ ప్రాజెక్టు సమీపంలో ఆరు రిజర్వ్ అడ వులు ఉన్నాయని,ఆ ప్రాంత భూగర్భ జలాలు ఇప్పటికే పరిశ్రమల కాలుష్యంతో తీవ్రంగా దెబ్బతిన్నాయని ఆయన తెలిపారు. అయినప్పటికీ, పర్యావరణ ప్రభావ మూల్యాంకన (జుIA) నివేదికలో ఈఅంశాలను పరిగ ణనలోకి తీసుకోలేదని విమర్శించారు. 2006 జుIA నోటిఫికేషన్ ప్రకారం,రక్షిత అడవులు లేదా కాలుష్య ప్రభావిత ప్రాంతాలకు 10కి.మీ పరిధిలో ఉన్న ప్రాజెక్టులను “కేటగిరీ’గా పరిగణించి కేంద్ర పర్యా వరణ మంత్రిత్వ శాఖ పరిశీలనకు పంపాల్సి ఉంటుందని శర్మ గుర్తు చేశారు. అయితే APSజుIAA వాటిని తప్పుగా “కేటగిరీ-డీ” ప్రాజెక్టులుగా పరిగ ణించి స్వయంగా అనుమతులు మంజూరు చేసిందని ఆరోపించారు.రాజకీయ నాయకులు ప్రాజెక్టులను త్వరగా ప్రారంభించాలనే ఉద్దేశంతో చట్టపరమైన నిబంధనలను పక్కనబెట్టారని ఆయన అన్నారు. Vవీణ్పుPL,V=ణ్పుPLలకు ఇచ్చిన పర్యావరణ అనుమతులను రద్దు చేసి,సమగ్ర పర్యావరణ పరిశీలన కోసం కేంద్రమంత్రిత్వశాఖకు పంపాలని ఈ.ఏ. ఎస్.శర్మ విజ్ఞప్తి చేశారు.
పొంచి ఉన్న రిస్క్‌లు
ఇది కృత్రిమ మేధ (ఏఐ) యుగం.ఆర్టిఫిషియల్ ఇంటెలీజెన్స్ టెక్నాలజీ అత్యంత వేగంగా అన్ని రంగాల్లో వేళ్లూనుకుంటోంది. ఏఐ టూల్స్ చాలా పనులను మనుషుల కంటేఅత్యంత వేగంగా పూర్తి చేస్తున్నాయి.దీంతో ఇప్పటికే చాలారంగాల కంపెనీలు వీటి వినియోగాన్ని మొదలుపెట్టాయి. నాణేనికి బొమ్మా,బొరుసు ఉన్నట్టే,ఏఐ టెక్నాలజీకి ప్లస్ పాయింట్లు, మైనస్ పాయింట్లు ఉన్నాయి. పక్షపాతం:ఏఐ టెక్నాలజీని,ఏఐ టూల్స్‌ను తయా రు చేసేది మనుషులే. అందుకే వాటిపై మనిషి ఆలోచనా విధానం ప్రభావం ఉంటుంది. మనుషు లు పక్షపాత ధోరణితో ఆలోచిస్తారు. అందుకే మనుషుల చేతిలో పురుడు పోసుకున్న ఏఐ టూల్స్ కూడా పక్షపాతంతోనే పనులు చేస్తాయి.ఉదాహరణల్లోకి వెళితే, దరఖా స్తుదారులను ట్రాక్ చేసే ఏఐ టూల్ అనేది ‘మహి ళల’పై వివక్ష చూపొ చ్చు. ‘ప్రెడిక్టివ్ పోలీసింగ’ టూల్ అన్యాయంగా అణగారిన వర్గాలనులక్ష్యంగా చేసుకునే ముప్పు ఉం టుంది.ఏఐ ఫలితాలపై సంస్థలు, వాటిలోని ఉద్యో గులు గుడ్డిగా తుది నిర్ణయానికి రాకూడదు. వాటిని తనిఖీ చేసేందుకు ప్రత్యేక టీమ్‌లను ఏర్పాటు చేసుకో వాలి.పారదర్శక ఏఐ ఫలితాలకు నిర్దిష్ట ప్రమాణాలను నిర్దేశించు కోవాలి.వాటికి అనుగుణంగా ఏఐ ఫలితాలు వచ్చాయా లేదా అనేది చెక్ చేయాలి.ఏఐ ఫలితాల వల్ల ఏఒక్క వ్యక్తి లేదా వర్గం నష్టపోకుండా జాగ్రత్త పడాలి.సరైన ఏఐ లెర్నింగ్ మోడల్స్‌ను కంపెనీలు వినియోగించాలి.
సైబర్ సెక్యూరిటీ ముప్పులు : ప్రస్తుతం విని యోగంలో ఉన్న జనరేటివ్ ఏఐ టూల్స్‌లో 24శాతమే సురక్షిత మైనవి.ఏఐ టూల్స్‌పై సైబర్ దాడులకు పాల్పడేందుకు హ్యాకర్లు యత్నించే ముప్పు ఉంటుంది. ఆటూల్‌ను హ్యాక్ చేసి, అందులోని విలువైన సమాచారాన్ని దొంగిలిం చడం వారి లక్ష్యంగా ఉంటుంది. అదే జరిగితే కంపెనీ వద్దనున్న వ్యక్తులు, ఇతరత్రా సంస్థల సమా చారం గోప్యత, భద్రతలకు భంగం వాటిల్లు తుంది. సంస్థలకు ముందస్తుగా ఏఐసేఫ్టీ, సెక్యూ రిటీ వ్యూహం ఒకటి ఉండాలి. ఇందులో భాగం గా ఏఐ టూల్స్‌ను టెస్టింగ్ చేసి, వాటిలో ఉన్న రిస్కీ విభాగాలను తొలుత గుర్తించాలి. ‘సెక్యూర్ బై డిజైన’ పద్ధతిలో ఏఐ ట్రైనింగ్ డాటాను భద్రంగా ఉంచుకోవాలి.తద్వారా ఏఐ టూల్స్ వినియోగంలో రిస్క్ తగ్గుతుంది.ఒకవేళ సైబర్ దాడి జరిగితే సమర్ధంగా ఎదుర్కొనే సంస్థాగత టీమ్‌ను సమాయత్తం చేసుకోవాలి.
డాటా ప్రైవసీ సమస్యలు : చాలా జనరేటివ్ ఏఐ యాప్‌లలో లార్జ్ ల్యాంగ్వేజ్ మోడల్స్ (ఎల్ ఎలఎంలు) ఉంటాయి. వర్చువల్ అసిస్టెంట్లు, కన్వర్జేషనల్ ఏఐ ఛాట్‌బోట్ వంటి వాటిలోనూ ఎలఎలఎం ఏఐ మోడల్సే ఉంటాయి. చాలా భారీ ట్రైనింగ్ డాటాను క్రోడీకరించి ఎలఎలఎంలను తయారు చేస్తారు. ‘వెబ్ క్రాలర’ అనే టూల్స్‌చాలా వెబ్‌సైట్లలోకి వెళ్లి ఈ డాటాను సేకరిస్తుంటాయి. ఈక్రమంలో కొన్ని వెబ్ సైట్ల అనుమతిని పొంద కుండానే,వాటిలోని సమా చారాన్ని వెబ్ క్రాలర్లు తీసుకుంటాయి. ఇలాంటప్పుడు ఆ సమాచారం లోకి వ్యక్తిగత వివరాలు చేరిపోవచ్చు. దీనివల్ల ఆయా వ్యక్తుల గోప్యతకు భంగం కలుగు తుంది. డాటాను ఏపద్ధతిలో సేకరించారు?ఎప్పుడు సేక రించారు? అనే సమాచారాన్ని వినియోగ దారు లకు తెలియజేయాలి. ఆసమాచారాన్ని ఎలా స్టోర్ చేయాలి?ఎలా వినియోగించాలి? అనే దానిపైనా యూజర్లకు సరైన సలహాలు ఇవ్వాలి.

ఏకలవ్య కాలనీ ఎరుకల జీవన గాధలు

మానవజాతికి మూలాలుగా చెప్పే మూలవాసుల్లోని ఒక అటవిక తెగగా,మహాభారత గాథలో తిరుగులేని బాణవిద్యలో సవ్యసాచి అర్జునుడికి సాటిగా ప్రతిభ చూపటమే గాక,అనిర్వచనీయమైన గురుభక్తి, అంతులేని త్యాగనిరతి,చాటిన ఏకలవ్యుడు వారసులైన ఎరుకల జాతి జీవన వేదన పొది, ఈ “ఏకలవ్య కాలనీ ఎరుకల జీవన గాథలు”కథా సంపుటి,రచయిత పలమనేరు బాలాజి. ఈ కథ రచయిత ప్రకటించినట్టు తెలుగు సాహిత్యములో తొలి ఎరుకల కథా సంపుటి ఇదే! అంతేగాక రచయిత తన జనజాతి ఈతి బాధలను అనుభవించిన స్వానుభవంతో వ్రాసిన కథా సంపుటి,అచ్చంగా ఇది నేటి ఆధునిక స్వానుభవ గిరిజన సాహితీ శ్రేణిలో కలుస్తుంది, రచయిత ఆశించినట్టు ఏకలవ్యుడు వారసులుగా మరి కొంతమంది సృజన కారులు వెలుగొందాలని కోరుకుంటూ…ఈ కథా సంపుటిలోకి నడుద్దాం…!! – డా. అమ్మిన శ్రీనివాసరాజు
కథా రచయిత బాలాజి గారు ఉన్నతమైన ప్రభుత్వ అధికారిగా వృత్తి ధర్మాన్ని నిర్వహిస్తూనే… ప్రవృత్తిగా మూడు దశాబ్దాలుగా తెలుగు కథాక్షేత్రంలో వీరవిహారం చేస్తూ వచ్చి,ఇటీవలే సొంత జన జాతీయుల ఆస్తిత్వం,అవమానాలు,కష్టాలు,సంస్కృతి,బాహ్య ప్రపంచానికి తెలిపే క్రమంలో తాను నేర్చిన కథాప్రక్రియ సాయంగా అక్షర కృషి చేస్తున్నారు. ఇక ఏకలవ్య కాలనీ విషయానికి వస్తే ఇది 18కథలతో వెలువరించిన కథా సంపుటి.ఈ కథలన్నీ రచయిత అనుభవాల నుంచి ఆవిష్కరించబడ్డ అక్షర దొంతర్లు,అన్ని కథలకు కేంద్రం ఏకలవ్య కాలనీనే! రచయిత జీవితంలో జరిగిన సంఘటనలే కథలుగా జీవం పోసుకున్న జీవితగాధలు, కథకు కథకు సంబంధం లేకుండా సమ్మిళితం చేసినా బాహ్యంగా చూస్తే ఇది ఒకకథా సంపుటిలా గాక, ఒక ఎరుకల కుటుంబం తన జన జాతి వారి కోసం చేసిన త్యాగం సాయం చేయూతల తాలూ కా చిరు నవల,లా ఆగుపిస్తుంది.ఈనవలా నాయకుడు కూడా బాలాజి అనబడే ఏకలవ్యుని వారసుడే…పుట్టిన గ్రామం పేరే ఇంటిపేరుగా మార్చుకున్న జన్మభూమి ప్రేమికుడు.అంత పేదరికంలో తోటి వారి అవమానాలు, హేళనలు లెక్కచేయకుండా జాతి వికాసానికి విద్య ఒక్కటే సాధనం ఆయుధం అని నమ్మిన బాలాజి తల్లిదండ్రులు,బాలాజి,తన భార్య పిల్లలు చదువుల సాయంగా ఎదిగిన వైనం,ఇందులో మనం ప్రత్య క్షంగా పరిశీలించవచ్చు.
విద్యా కుటుంబానికి చెందిన‘జయమ్మ’ చదువుకుని ఉద్యోగం చేయకపోయినా చక్కని సంస్కారంతో తన పిల్లలను సాకి తద్వారా తన కాలనీ వాసులందరికీ ఆదర్శంగా నిలిచింది.ఆసరాగా ఉండింది. పొరుగు వారికి సాయం చేయడంలో ఆమె మన కాలపు మదర్ థెరీసా గా నిలిచింది.చిన్న చదువుతో అదృష్టంగా తనదైన సేవాభావం పుణ్యంకొద్దీ అటవీశాఖలో చిరు ప్రభుత్వ ఉద్యోగం సంపాదించిన జయమ్మ భర్త నాగయ్య ఏనాడూ ఇతరులను కష్టపెట్టని సౌశీల్య పరుడు.ముఖ్యంగా తన ఎరుకలజాతి యావత్ కష్టా లను తన కష్టాలుగా భావించి అన్నివిధాల సాయం చేస్తూ ఉద్యోగ జీవితం కొనసాగించి,11నెలల జీత గాడుగా పేరు పడ్డ నాగయ్య ఉద్యోగ జీవితం నేటి తరానికి ఆదర్శం.ఈ ఇద్దరు రచయిత అమ్మ అయ్యలు కావడం ఒక విశేషం!
ఈసంఘటనల కథనాలు తొలి కథ‘11 నెల ల జీతగాడి కథ’.మలికథ ‘ఆయమ్మ అంతే ఆమె ఒక మదర్ థెరిసా’కథల్లో మనం ప్రత్యక్షంగా మరి కాస్త వివరంగా గమనించవచ్చు.11నెలల జీతగాడి కథ మొదలు‘ఏకలవ్య కాలనీ’ వరకు సాగిన ఈకథల బండిలోని ప్రతికథఆధునికకాలంలో ఎరుకలవాళ్ళు ఎదుర్కొంటున్న సామాజిక అవమానాలు, నష్టాలు, కష్టాలు,కళ్ళకు కట్టినట్టుఆవిష్కరించబడ్డాయి.కథా వస్తువులు అన్నీ ఎరుకుల వారి కష్టాలే! కానీ ఎత్తు గడ,ముగింపు,కథనం,అన్ని ఆసక్తిదాయ కంగా నవ్య నూతనంగా సాగి ఒకవైపు కథా రచయిత ప్రతి భాపా ఠవం ఆవిష్కృతం అవుతూనే…మరో వైపు ఎరుకల సామాజిక వర్గానికి స్ఫూర్తిని, భరోసాను, అందిస్తూ జాతి అస్తిత్వాన్ని పారద్రోలే మార్గంలో నడుస్తూ… గతంలో తమ జాతీయలు చేసిన సేవ,పోరాటాల గాథలు,అందిస్తూ మార్పు వెనువెంటనే రాదని, నిరు త్సాహపడకుండా…లక్ష్యం వీడకుండా ముందుకు సాగాలని,ఫలితాలు మన తర్వాతతరం వారికైనా అందుతాయి అనే సత్యం చాటుతూ, చేయూతలోని సఫలతను ఎంతో చక్కగా ఆవిష్క రించారు బాలాజి తన జాతిజీవన గాథల్లో. అమర జీవి మా కాంతమ్మత్త, ఉడుకోడు,అనే ఈ రెండు కథలు ఎరుకల సామాజిక వర్గానికి చెందిన సామాజిక యోధులు చేసిన త్యాగాల తాలూకు వ్యధలు ఆవిష్క రించిన అద్భుత కథలు. చదువు విలువచాటుతూ నిజాయితీ గొప్పతనం చెబుతూ,మనం ఇతరులకుచేసిన సేవతాలూకు సేవా ఫలం మన మరణం అనంతరం మనలను సజీవు లుగా నిలుపుతుందనే గొప్పవిషయం చెబుతూ.,నిజా న్ని నిజంగా చెబుతూ చివరికి తన ప్రభుత్వ ఉద్యోగం కూడా వదులు కొని తనకంటూ ఏమీ ఆశించకుండా తన కాలనీ అభివృద్ధి,తమ ఎరుకలజాతి యువత ఉన్నతి కోసం నిర్విరామంగా కృషిచేసి,అధర్మంపై ఆగ్ర హం చూపిస్తూనెత్తురు ఉడికిపోయే ఆవేశంతో ఊగి పోతూ…ఊరందరిచేత ఉడుకోడు అని ముద్దుగా పిలి పించుకునే ఎరుకల నరసింహులు చనిపోయాక అత ని సేవాగుణం అభిమానంగా ఎలా రూపాంతరం చెందిందో! వివరంగా తెలియాలి అంటే‘ఉడుకోడు’ కథ ఆసాంతం చదవాలి.ఎరుకల జాతిస్త్రీలలో చైత న్యం కలిగించిన స్వజాతి స్త్రీమూర్తి కాంతమ్మ,చైతన్యపు వైనం ఆమెచేసిన సేవలకు అద్దం పట్టిన కరుణ రసా త్మక కథ ‘అమరజీవి మా కాంతమ్మత్త’.కాలాలు ఎన్ని మారి నా ఆధునికత ఎంత తరుముకు వచ్చిన,కాలా లకు తగ్గట్టుగానే అణచివేతలు,అవమానాలు, దోపి డీలు,రూపాంతరం చెంది వెనుకబడ్డ కులాల వారు ఎప్పుడు వెనకే ఉంటున్నారు.ఎవరో ఒకరిద్దరు కష్టపడి చదివి ఉద్యోగాలు సంపాదించిన,అక్కడ ఉండే వివ క్షత అక్కడ పుష్కలంగా ఉంటుంది.ఆర్థికభౌతిక రూపా ల్లో అభివృద్ధి సాధిం చిన న్యాయస్థానాలు రాజ్యాంగం సాయంగా ఎన్ని రక్షణ చట్టాలు చేసినా,ఉన్నత కులాలు వర్గాల వారి మనసుల్లో మార్పులురాక, ఆచర ణ లేక,అణగారిన వర్గాల వారిబ్రతుకులు సదా అణగ దొ క్కబడుతూనే ఉన్నాయి అనే ఆత్మాభిమానపు అస్తిత్వ వేదనను రచయిత పలమనేరు బాలాజి ఈకథల్లో ఆవిష్కరించే ప్రయత్నం చేసి శతశాతం సఫలం చెం దారు.ఉన్నత వర్గాల వారు నిమ్నవర్గాల వారిని అణగ తొక్కడం సాధారణం.కానీ ఒకేజాతి వారు తమలో తామే అణగదొక్కుకునే అనాగరికస్థితి ఈ సమాజం నుంచి పోవాలన్న ఆశ ఆశయం ఈరచయిత తన కథల్లో చూపించారు, పేరుకే గిరిజనులకు రిజర్వేషన్లు కానీ పెత్తనం మొత్తం ధనికులైన గిరిజనేతరులదే అన్న బాధను‘చప్పుడు’కథలో గొప్పగా ఆవిష్కరించారు, శ్రీను అనే ఎరుకల జాతిగిరిజన సర్పంచ్‌రెడ్డిగారి చెప్పు చేతల్లో తన సర్పంచ్ హోదాను ఎలా నిర్వీర్యం చేసుకున్నాడు?చివరికి తనలోఎలాంటి చైతన్యం కలి గింది ఈ కథలో చదవవచ్చు.అగ్రకులాల వాళ్ళు పేరు చివర కులం పేరు తగిలించుకుని ఊరేగు తుంటే, కొన్నినిమ్న కులాల వారు తమకులం పేరు చెప్పు కోవడానికే భయపడుతున్న నేటికాలంలో అతి త్వరలో కులాల అసమానతలు సమసి పోవాలని, సమ భావన కోసం ఆశిస్తాడు రచయిత.మనుషుల పేర్లకే కాదు చివరికి కాలనీ పేరుకు కూడా కులంపేరు పెట్టుకో వడానికి భయపడ్డ నేటి తరం యువత మనోవేదన కూడా మనం ఇందులో చదువుతాము.
ఎరుకల సామాజికవర్గం వారిని అణగదొ క్కడంలో భూస్వాములు ఎలాంటి కుట్రలు పన్నుతు న్నారు? కళ్ళకు కడుతూ వారు చేసిన అకృత్యాలను మూగజీవాలైన ఏనుగుల మీదనెడుతూ చేస్తున్న మోసా లు,సాయం చేస్తున్నట్టు నటిస్తూసాయం ముసు గులో చేస్తున్న మోసం,దగా,వంచనలను,తెలుసుకొని తెలి విగా బ్రతకాలని ధైర్యం అందిస్తూ…మద్యపానం లాంటి అనారోగ్య అలవాట్లకు బానిసలు కాకుండా ఉండాలని,తాగిన మత్తులో భార్యలను బాదడం మగత నం కాదనే హెచ్చరిక చేస్తూ…తన పిల్లల బాగు కోరి భార్య మాటలకు విలువ నిస్తూ…తన జీవితాంతం ఇంట్లో బీడీ కాల్చకుండా నిగ్రహించుకున్న ఎరుకల నాగయ్య ఆదర్శ గుణాన్ని ఉన్నతంగా ఆవిష్కరిస్తూ… వ్యసనాలతో తమ జీవితాలను కోల్పోతున్న ఎరుకల పురుషుల ను ఎద్దేవా చేస్తారు రచయిత ఈ కథల్లో. ఎరుకల స్త్రీలకు కావలసిన ధైర్యం, చదువు, చైతన్యం, గురించి వివరిస్తూ రాసిన ‘వెదుర్లు’ ‘ఏనుగుల రాజ్యం’ కథల్లో ఎరుకుల దొర స్వామి భార్య నీలమ్మ, సందర్భో చిత గుణం,ఆదెమ్మలోని ధైర్యగుణం, ఆవిష్కరించి యావత్ ఎరుకల స్త్రీ సమాజానికి స్ఫూర్తిని పంచారు రచయిత.కేవలం ఎరుకల జాతి ఈతి బాధలకే పరి మితం కాకుండా,తమ కుటుంబాలలో విధిగా చేసు కునే ‘మునిదేవర పండుగ’కు పాటించే సంస్కృతి కట్టుబాట్లను కళ్ళకు కడుతూ ఎరుకల లోని సంస్కృతి పరిరక్షణ తత్వాన్ని ఆవిష్కరించారు.ఆర్థిక అసమానత లను దాటిన నేటిజనం కులంకట్టుబాట్లు అంటే లేని భయం దేవుడి ద్వారా కలిగి భయంతో అయినా అంద రూ…పండుగలు జాతర్లరూపంలో కలిసి ఒకటి అవ్వ డాన్ని రచయిత సంతోషిస్తాడు,బ్రిటిష్ పాలకుల చేత చోరుల కులంగా ముద్ర వేయించుకున్న ఈజాతికి నేటి స్వరాజ్య ప్రజా స్వామ్యంలో కూడా ..కొందరు పోలీసుల దృష్టిలో పాత ముద్ర తొలగిపోకపోవడం పట్ల ఆవేదన వ్యక్తంచేస్తారు ‘మా తప్పు ఏందిసారు?’ కథలో,ధర్నా,అదే ప్రశ్న,గురి,ప్రయత్నం,ఆకలేస్తున్న ప్పుడు,ఎర్రమన్ను ముగ్గు పిండి,మొదలైన కథలన్నీ ఎరుకల జాతి వ్యధలుగా ఆవిష్కరించబడ్డ ఈకథల సంపుటి ఆద్యంతంఆసక్తిగా కుతుహలంగా చది విస్తుంది.
ఏకలవ్య కాలనీ (కథాసంపుటి),రచయిత: పలమనేరు బాలాజి,పేజీలు: 165,వెల: 250, ప్రతులకు: నవోదయ బుక్ హౌస్, హైదరా బాద్, సెల్: 83329 34548.సమీక్షకుడు: డాక్టర్ అమ్మిన శ్రీనివాసరాజు, చరవాణి: 77298 83223.

భయపెడుతున్న ఎల్ నినో ఎంత డేంజర్ అంటే..

భూమిపై అత్యంత శక్తివంతమైన ఎల్‌నినో ఈ ఏడాదిలో ఏర్పడే అవకాశం ఉందని శాస్త్ర వేత్తలు హెచ్చరిస్తున్నారు.దీనిని వారు ‘సూపర్ ఎల్‌నినో’గా పేర్కొంటున్నారు. ఇది జూన్ నెల నుంచి ప్రారంభమయ్యే అవకాశముందని అంచనా.దీని ప్రభావంతో ప్రపంచవ్యాప్తంగా వాతావరణ పరిస్థితుల్లో గణనీయమైన మార్పులు చోటుచేసుకోవచ్చని భావిస్తున్నారు. ఉష్ణోగ్రతలు భారీగా పెరగడంతో పాటు, వర్షాకాల గాలుల స్వభావం అసాధా రణంగా మారే అవకాశం ఉందని సూచిస్తు న్నారు.మే నెలలోనే ఎల్‌నినో ఏర్పడి,ఆగస్టు నాటికి మరింత బలపడుతుందని వాతావరణ పరిశోధ కులు అంచనా వేశారు.ఆగస్టు నాటికి సూపర్ ఎల్‌నినోగా మారే అవకాశాన్ని తక్కువగా అంచనా వేసినా,బలమైన స్థాయిలో ఉండే అవకాశాలు ఎక్కువగా ఉన్నాయని తెలిపారు. సాధారణ స్థాయిలో ఎల్‌నినో ఏర్పడే అవకా శాలు దాదాపు ఖచ్చితమని భావిస్తున్నారు. భూమిపై అత్యంత శక్తిమంతమైన ఎల్‌నినో ఈ ఏడాదిలో ఏర్పడవచ్చని శాస్త్రవేత్తలు హెచ్చ రించారు. దీన్ని సూపర్ ఎల్‌నినోగా వారు అభివర్ణిస్తున్నారు.దీని ప్రభావంతో ప్రపంచ వ్యాప్తంగా వాతావరణ పరిస్థితులు మారిపోతా యని చెబుతున్నారు. ఎల్‌నినో, సూపర్ ఎల్‌నినో అంటే ఏమిటీ. ఇవి ఎలాంటి వాతా వరణ మార్పులు, ప్రభావాలకు గురిచేస్తాయనే అంశాలపై హైదరాబాద్ వాతావరణ శాఖ అధికారి శ్రీనివాస్ రావు వెల్లడించారు.
ఎల్‌నినో అంటే ఏంటి? దీనివల్ల ప్రభావాలు ఏంటి? – జి ఎన్ వి సతీష్ 
వేసవికాలం తర్వాత ఇండియన్ సమ్మర్ మాన్‌సూన్ ప్రారంభమవుతుంది. దీనికి వేసవిలో వేడిమే కారణం. ఉత్తర భారత దేశంలో రాజస్థాన్ ఆ పరిసర ప్రాంతాల్లో తీవ్రమైన వేడి ఉండటంవల్ల అల్పపీడనం ఏర్పడుతుంది. అలాగే దక్షిణ భారతదేశం దాటి భూమధ్య రేఖకు అవతల ఉన్న ఉన్న ప్రాంతానికి శీతాకాలం ఏర్పడుతుంది. మస్కారన్ ఐలాండ్స్ అనే ప్రాంతంలో భూ మధ్యరేఖకు దిగువగా బలమైన అధిక పీడన వాతావరణ పరిస్థితులు ఉంటాయి. అధిక పీడనం నుంచి ఉత్తర భారత్‌లోని అల్పపీడన ప్రాంతం వైపు గాలుల ప్రవాహం ఉంటుంది. పసిపిక్,హిందూమహసముద్రం, బంగాళ ఖాతం మీదుగా వేడిగాలులు ప్రయాణం చేసి రావడం వల్ల చాలా తేమను తీసుకువచ్చి ఒక నాలుగు నెలల పాటు భారత భూభాగంలో వర్షాలు పడుతుంటాయి. అయితే రుతుపవనా లపై ప్రభావం చూపించే రెండు వాతావరణ పరిస్థితులు ఉంటాయి. అవే ఎల్‌నినో, లానినో.
ఎల్‌నినో ప్రభావాలు ఇవే : పసిఫిక్ మహాసముద్రంలో ఉన్న జలాల ఉష్ణోగ్రతలు 0.5 డిగ్రీలు పెరిగినా అది రుతుపవనాలపై ప్రభావం చూపిస్తుంది.ముఖ్యంగా భూమధ్య రేఖకు అనుకుని 5 డిగ్రీ ఉత్తర,5దక్షిణ మధ్య లో ఉన్న పసిఫిక్ జలాల ఉష్ణోగ్రతల్లో పెరుగు దల ఉన్నట్లయితే దానిని ఎల్‌నినో అంటారు. ఎల్‌నినో వల్ల రుతుపవనాలు ఆలస్యం కావ డం,వర్షాలు పడక పోవడం లాంటివి ప్రతి కూల పరిస్థితులు ఉంటాయి.పసిఫిక్ మహా సముద్రం తర్వాత ఆ పవనాలు హిందూ మహాసముద్రం మీదుగా వస్తాయి. ఇండియన్ ఓషియన్ డైపోల్(ఐవోడీ) అనే పరిస్థితి ఉం టుంది. తూర్పు వైపు వేడిగా ఉండి, పశ్చిమ వైపు చల్లగా ఉన్నప్పుడు నెగిటివ్ ఐవోడీ అంటారు. దీనివల్ల మాన్‌సూన్‌మీద ప్రతికూల ప్రభావం చూపుతుంది. పశ్చిమాన వేడి జలాలు ఉండి, తూర్పులో చల్లని జలాలు ఉన్నట్లయితే దానిని పాజిటివ్ ఐవోడీగా పిలుస్తుంటారు.దీనివల్ల ఎల్‌నినో ప్రభావం తటస్థం చేసి రుతుపవనాలు సాధారణంగా ఉంటాయి. ప్రస్తుతం ఎల్‌నినో ఐవోడీ తటస్థంగా ఉన్నాయి. మే చివరి నాటికి ఇది ఎల్‌నినోగా మారొచ్చని ఐఎండీ అంచనా వేస్తుంది.మేలో ఎల్‌నినో ఏర్పడి జూన్‌లో ప్రభా వం ప్రారంభమై అగస్టు నాటికి బలపడు తుందని అంచనా వేస్తున్నారు. వర్షాభావ పరిస్థితులు ఎలా ఉంటాయి? నైరుతి రుతుపవనాల రాక ఆలస్యమవుతుందా? వర్షాలు ఈసారి అనుకున్న స్థాయిలో కురిసే అవకాశం ఉందా? ప్రశ్నించగా..జూన్, జూలై, అగస్టు,సెప్టెంబర్ ఈనాలుగు నెలల్లో వర్షాలు పడే రుతుపవనాల సమయం. ఈ టైమ్‌లో ఏ నెలలో అయినా ఎల్‌నినో,ఐవోడీ నెగిటివ్ ప్రభావం ఉంటే కచ్చితంగా మాన్‌సూన్‌పై ప్రభావం ఉంటుంది. మొదటి నుంచి ఎల్‌నినోగా కొనసాగుతుంటే రుతుపవనాలు ఆలస్యమవ్వొచ్చు. అనుకున్న సమయానికి వర్షాలు పడకపోవడం లాంటి పరిస్థితులు ఉంటాయి. తెలంగాణలో జులై,ఆగస్టు నెలల్లో ఎక్కువగా వర్షం పడుతుంది. ఎల్‌నినో ప్రభావం ఉన్నట్లయితే ఈ పరిస్థితుల్లో మార్పు వస్తుంది. ఒక్కోసారి జూన్‌లో భారీ వర్షాలు పడి, జులై అంతా వర్షాభావ పరిస్థితులు ఏర్పడతాయి. మాన్‌సూన్ వర్షపాతం తగ్గడం లాంటివి ఎల్‌నినో లక్షణాలు.తీవ్ర వర్షాభావ పరిస్థితులు ఏర్పడితే ఎలాంటి కరవు ఛాయలు ఏర్పడే అవకాశం ఉంది? దీని నుంచి జాగ్రత్తలకు ఎలాంటి చర్యలు తీసుకోవాలి? అయితే రుతుపవనాల రాక ఆలస్యమైతే నదీజలాలు కూడా తగ్గే అవకాశం ఉంది. అందువల్ల వర్షపు నీటిని సంరక్షించి భూమి లోకి ఇంకినట్లు చేసినట్లయితే భూగర్భ జలాలు పెరిగుతాయి. దానివల్ల ఒకవేళ రుతుపవా నాలు ఆలస్యమైనా నీటి కరవు సమస్య ఏర్పడకుండా ఉంటుంది.పసిఫిక్‌లో రెండు మూడు డిగ్రీలు పెరిగినట్లయితే అది తీవ్ర ప్రభావం అని అర్థం.రాబోయే రోజుల్లో రాష్ట్రంలో భానుడి నిప్పుల వర్షం-హెచ్చ రించిన ఐఎండీరాష్ట్రంలో వేసవి ప్రారంభంలో అధిక ఉష్ణోగ్రతలు ప్రజలను భయపెట్టాయి. మరికొన్ని రోజులకు ఉరుములు, మెరుపుల వానల కారణంగా వాతావరణం చల్లబడింది. ఈ నేపథ్యంలో మరి కొద్దిరోజుల్లో రాష్ట్రంలో ఎండల తీవ్రత పెరుగతుందని వాతావరణ కేంద్రం ప్రకటించింది. రేపటి నుంచి గరిష్ఠ ఉష్ణోగ్రతలు క్రమంగా పెరుగుతాయని హైదరాబాద్ వాతావరణ శాఖ అధికారి శ్రీనివాస్ రావు తెలిపారు. రెండు నుంచి నాలుగు డిగ్రీల మేర అధిక ఉష్ణోగ్రతలు నమోదయ్యే అవకాశం ఉందన్నారు. ఉత్తర, ఈశాన్య తెలంగాణ జిల్లాలతో పాటు ఉమ్మడి మహబూబ్ నగర్ జిల్లాలో గరిష్ఠ ఉష్ణోగ్రతలు అధికంగా నమోదవుతాయంటున్నారు వాతావరణ శాఖ అధికారి శ్రీనివాస్ రావు.
రాష్ట్రంలో ఏ మేరకు ఉష్ణోగ్రతలు నమోదయ్యే అవకాశం ఉంది?
మార్చి మొదటి రెండు వారాలు ఉష్ణోగ్రతలు బాగా పెరిగాయి.40డిగ్రీలకు పైగానే ఉష్ణోగ్రత లు నమోదయ్యాయి. మార్చి 16నుంచి ఉత్తర భారత్‌లో వెస్ట్రన్ డిస్టబెన్స్ వచ్చాయి. దీంతో మన ప్రాంతంపైనా ప్రభావం చూపింది. ఈ నేపథ్యంలో రాష్ట్రంలోనూ ఉపరితల ఆవర్త నాలు,ధ్రోణులు ఏర్పడ్డాయి.దీంతో ఉరు ములు,మెరుపులు,ఈదురుగాలు,వడగళ్లతో కూడిన వర్షాలు రాష్ట్ర వ్యాప్తంగా కురిశాయి. తెలంగాణలో సాధారణ ఉష్ణోగ్రతలతో పోల్చితే రెండు నుంచి మూడు డిగ్రీల వరకు ఉష్ణోగ్ర తలు తగ్గాయి. ఇదే తరహా ఉష్ణోగ్రతలు మార్చి చివరి వరకు కొనసాగాయి.ఏప్రిల్ మొదటి నుంచి కొద్దికొద్దిగా ఉష్ణోగ్రతలు పెరుగుతున్న ప్పటికీ అక్కడక్కడ వర్షాలు కురుస్తున్నాయి. ప్రస్తుతం 36నుంచి 39 డిగ్రీల వరకు ఉష్ణోగ్రతలు వివిధ ప్రాంతాల్లో నమోదౌ తున్నాయి.
ప్రీ మాన్‌సూన్ ప్రభావం నేటితో తగ్గిపోయే అవకాశం ఉంది. దీంతో వాతారణంలో కాస్త ఉష్ణోగ్రతలు పెరిగే అవకాశం ఉంది. నేటి ఉష్ణోగ్రతతో పోల్చితే రేపటి నుంచి సుమారు 2 నుంచి 4డిగ్రీల వరకు ఉష్ణోగ్రతలు పెరిగే అవకాశం ఉంది.ఉత్తర, తూర్పు తెలంగాణ, రాయలసీమను ఆనుకుని ఉన్న జిల్లాల్లో ఉష్ణో గ్రతలు పెరగనున్నాయి.
ఆ జిల్లాల్లో 41 డిగ్రీల ఉష్ణోగ్రత
నేడు రాష్ట్ర వ్యాప్తంగా అన్ని జిల్లాల్లోనూ 36 నుంచి 40 డిగ్రీల వరకు ఉష్ణోగ్రతలు నమోదవుతున్నాయి.రేపు భద్రాద్రి కొత్తగూడెం, ఖమ్మం, ఉమ్మడి మెహబూబ్‌నగర్ జిల్లాల్లో 41 డిగ్రీల ఉష్ణోగ్రతలు దాటే అవకాశం ఉంది. మరుసటి రెండు రోజులూ ఉమ్మడి ఖమ్మం, ఉమ్మడి మెహబూబ్?నగర్? జిల్లాలతో పాటు ఉమ్మడి ఆదిలాబాద్? జిల్లాలోనూ ఈ తరహా ఉష్ణోగ్రతలు నమోదు కానున్నాయి.
హైదరాబాద్‌లో సాధారణ ఉష్ణోగ్రతలు
నేటి నుంచి ఐదో రోజుకు ఉత్తర తెలంగా ణలోని అన్ని జిల్లాల్లోనూ 41డిగ్రీల ఉష్ణోగ్ర తలు దాటే పరిస్థితులు కనిపిస్తున్నాయి. వాటితో పాటు ఉమ్మడి మహబూబ్‌నగర్ జిల్లాలోనే ఇవే పరిస్థితులు దర్శనమిస్తాయి. మధ్య తెలంగాణ,హైదరాబాద్ ప్రాంతాల్లో 36 నుంచి 40డిగ్రీల ఉష్ణోగ్రతలు నమోదవు తాయి. సాధారణ ఉష్ణోగ్రత కుంటే 5 డిగ్రీలు అధిక ఉష్ణోగ్రతలు ఏర్పడితే వడగాల్పులు వచ్చే అవకాశం ఉంటుంది. ప్రస్తుతానికి సాధారణ ఉష్ణోగ్రత కంటే ఒక డిగ్రీ తక్కువగానే నమోదవుతోంది. దీంతో మన ప్రాంతంలో వడగాల్పులు ఎదుర్కొనే పరిస్థితులు కనిపిం చడంలేదు.ఈ ఐదు రోజుల అనంతరం వాతా రణంలో మార్పులు గురించి నిర్ణయానికి రాలేం.మళ్లీ తక్కువగానే ఉష్ణోగ్రతలు నమోదుకావచ్చు. లేదా అధిక ఉష్ణోగ్రతలు నమోదవవచ్చు. ఇదే జరిగితే వడగాల్పుల ప్రభావం ఉండనుంది. ఆ సమయంలో హీట్ వేవ్ హెచ్చరికలు జారీ చేస్తాం.

పునర్వి భజన ఇప్పట్లో లేనట్టే

లోక్‌సభలో మహిళా రిజర్వేషన్ బిల్లు వీగి పోవడంతో.. నియోజకవర్గాల పునర్విభజన ఇక ఇప్పట్లో ఉండక పోవచ్చునన్న అభిప్రాయాలు వ్యక్తమవుతున్నాయి. ప్రస్తుతం ఉన్న సీట్ల ప్రకారమే వచ్చే సాధారణ ఎన్నికలు జరుగుతాయని, జమిలి ఎన్నికలు కూడా అనుమానమేనని రాజకీయ వర్గాలు పేర్కొంటు న్నాయి. అయితే పునర్విభజన, మహిళా బిల్లులను మళ్లీ పార్లమెంటులో ప్రవేశపెట్టి ఆమోదించుకోవాలన్న పట్టుదలతో కేంద్రం ఉంటే మాత్రం.. ప్రతిపక్షాల సూచనలను పరిగణనలోకి తీసుకుని పెట్టాల్సి ఉంటుందని అంటున్నాయి. మహిళా రిజర్వేషన్ బిల్లును డీలిమిటేషన్‌కు ముడిపెడుతూ ప్రవేశ పెట్టడంతో విపక్షాలు ఏకతాటిపైకి వచ్చి వ్యతిరేకంగా ఓటు వేశాయి. దీంతో లోక్‌సభలో మÖడింట రెండొంతుల మెజార్టీ లేని ఎన్డీయే.. ఏకపక్షంగా పునర్విభజన బిల్లు పెట్టి ఆమోదించుకోవడం సాధ్యం కాదని తేలిపోయింది. దీంతో వచ్చే సాధారణ ఎన్నికల నాటికి డీలిమిటేషన్ లేనట్టేనని రాజకీయ వర్గాలు చెబుతున్నాయి. రాజ్యాంగంలో చేసిన సవరణ, ఇప్పటికే ఆమోదం పొంది ఉన్న మహిళా రిజర్వేషన్ చట్టాల ప్రకారం.. నియోజకవర్గ పునర్విభజన ప్రక్రియ 2026 జనాభా లెక్కల ఆధారంగా చేపట్టాల్సి ఉంటుంది. ప్రస్తుత మోదీ ప్రభుత్వ పదవీకాలం 2029లో ముగియ నుంది. అంటే జనగణన ప్రక్రియ మొత్తం పూర్తి చేసి, పునర్విభజన ప్రక్రియ కోసం కమిషన్ వేసి, ఆ కమిషన్ తన ప్రక్రియను పూర్తి చేయడానికి ఉన్న సమయం మÖడేళ్లు మాత్రమే. జనగణన ప్రక్రియ పూర్తి చేసి గణాంకాలు ప్రకటించడానికే కనీసం రెండేళ్లు పడుతుందని అధికార వర్గాలు చెబుతు న్నాయి. ఆ తర్వాత పునర్విభజనకు కమిషన్ వేయడం, ఆ కమిషన్ ప్రక్రియను పూర్తి చేయడం.. ఏడాది లోపు సాధ్యం కాదని పేర్కొంటున్నాయి.
మహిళా రిజర్వేషన్లు, డీలిమిటేషన్ బిల్లులపై వాస్తవాలు చెప్పాలి
131 రాజ్యాంగ సవరణ (మహిళా రిజర్వే షన్లు-డీలిమిటేషన్) బిల్లుపై ప్రజలకు వాస్త వాలు చెప్పాలని కోరుతూ కేంద్ర మంత్రి రామ్మోహన్‌నాయుడుకు సిపిఎం రాష్ట్ర కార్యదర్శి వి శ్రీనివాసరావు సోమవారం లేఖ రాశారు.ఢిల్లీలో మీడియా సమావేశం ఏర్పాటు చేసి 2014 విభజన చట్టంలో పేర్కొన్న అసెంబ్లీ సీట్ల పెంపుదలకు డీలిమిటేషన్‌కు ఎలా ముడిపెట్టారని ప్రశ్నించారని, ఈ విష యాలు మోకాలికి, బోడిగుండుకు ముడిపెట్టి నట్లు ఉందని పేర్కొన్నారు. అసలు విషయాలు వదిలేసి సంబంధం లేని, సమకాలికత లేని విషయాలు చెప్పి చేసిన తప్పును కప్పిపెట్టు కోవడానికి గట్టిగా ప్రయత్నించినట్లు కనిపిస్తోందని తెలిపారు. మాట తప్పడం, అబద్ధాలు వల్లెవేయడం బిజెపివారికి వెన్నతో పెట్టిన విద్య అని, అలాంటి వారితో కలిసి ఈ అబద్ధ ప్రచారానికి తెరలేపడం దురదృష్ట కరమని పేర్కొన్నారు. పిన్న వయస్సులోనే టిడిపి పార్లమెంటరీ పార్టీ నాయకుడిగా కేంద్రమంత్రిగా ఎదిగారని,ధైర్యంగా నిజాయితీగా నిజాలు చెప్పి యువతకు ఆదర్శంగా నిలవాల్సిన వారు ఇలా బిజెపితో కలిసి అవాస్తవాలు చెప్పడం న్యాయమా అని ప్రశ్నించారు.సీట్ల పెంపుదలకు డీలిమిటేషన్‌కు సంబంధం ఉందని అయితే, మహిళా రిజర్వేషన్‌కు సంబంధం లేదని, రిజర్వేషన్లు అమలు జరిపి అనంతరం డీలిమిటేషన్ చేస్తే దానికి అనుగుణంగా రిజర్వేషన్లు కూడా సవరించవచ్చని తెలిపారు. అలా చేయకుండా డీలిమిటేషన్‌కు ముడిపెట్టి మహిళా రిజర్వేషన్లు అమలు కాకుండా అడ్డుపెట్టింది మోడీ నాయక త్వంలోని మీ ప్రభుత్వమేనని తెలిపారు. 2014 విభజన చట్టంలో ఉన్న సీట్ల పెంపుదల గత 12 సంవత్సరాలుగా రాష్ట్రంలో అమలు జరగకపోవడానికి కారణం ఎవరని శ్రీనివాస రావు ప్రశ్నించారు. అప్పటి నుండి కేంద్రంలో అధికారంలో ఉన్నది మీ ఎన్‌డిఎ కూటమేనని, ఎందుకు అమలు జరపలేకపోయారని ప్రశ్నిం చారు. సీట్ల పెంపు చేసినప్పుడు ఆటోమేటిక్‌గా డీలిమిటేషన్ కూడా జరుగుతుందని, అయితే సీట్లు పెంచకుండా కూడా డీలిమిటేషన్ చేయొ చ్చనే విషయం కేంద్రమంత్రికి తెలుసని పేర్కొన్నారు. అయినా ఒకదానికొకటి ముడి వేసి ఇప్పటి వరకూ రాష్ట్రంలో సీట్లు పెరగకపో వడానికి, మహిళా రిజర్వేషన్లు అమలు జరగక పోవడానికి ఎన్‌డిఎ ప్రభుత్వానిదే బాధ్యతని, దీనికి మంత్రిగా మీరే సమాధానం చెప్పాలని కోరారు.పార్లమెంటులో ఏప్రిల్ 17న జరిగిన చర్చలో పాల్గొన్న తెలుగుదేశం నాయకులు లావు శ్రీకృష్ణదేవరాయలు చెప్పిన విషయాలు ఒకసారి గమనంలోకి తీసుకోవాలని, ఆయన మాటల ప్రకారం కొత్తగా రాబోయే జనాభా లెక్కలను నియోజకవర్గాల పునర్విభజనకు ప్రాతిపదికగా తీసుకుంటే ఎపి తీవ్రంగా నష్టపోతుందని పేర్కొన్నారు.2008లో చివరగా నియోజకవర్గాల పునర్విభజన జరిగినప్పుడు అప్పటి ఉమ్మడి రాష్ట్రంలో ఆంధ్ర ప్రాంతం లోని మÖడు లోక్‌సభ స్థానాలు,ఏడు ఎమ్మెల్యే స్థానాలు తెలంగాణకు వెళ్లాయని,ఆమేరకు ఆంధ్ర ప్రాంతం ప్రాతినిధ్యాన్ని కోల్పోయిందని శ్రీకృష్ణదేవరాయలు తెలిపారు. అందులో రాజకీయాలు లేకపోయినా ఆంధ్రప్రాంతం నుండి తెలంగాణాకు ఎక్కువమంది వలస వెళ్లడం వల్ల అలా జరిగిందని, ఇప్పుడు 2026 జనాభా లెక్కల ఆధారంగా వెళ్తే ఎపికి మరింత నష్టం జరుగుతుందని ఆయన తెలిపారు. గత 15 ఏళ్లుగా ఎపిలో సంతాన సాఫల్య నిష్పత్తి తిరోగమనంలో సాగుతోందని, పైగా రాష్ట్రం నుండి వలసలు పెరిగాయని, ఈ సమయంలో 2026 కాదు కదా 2011జనాభా లెక్కల ప్రాతిపదికగా తీసుకున్నా ఆంధ్రప్రదేశ్ నష్టపో తుందంటూనే ‘ప్రస్తుతం 50శాతం సీట్ల పెంపునకు సభాముఖంగా ప్రధానమంత్రి, హోంమంత్రి హామీ ఇచ్చినందున మేం మహిళా రిజర్వేషన్లు, డీలిమిటేషన్ బిల్లులకు మద్దతు పలుకుతున్నాము. (ఈనాడు 18, ఏప్రిల్)’ అని చెప్పారని పేర్కొన్నారు. రాష్ట్రానికి నష్టం జరుగుతుందని తెలిసినా అమిత్‌షా మాటలు నమ్మి బిల్లుకు అనుకూలంగా ఓటు వేశారని,గత 12సంవత్సరాల్లో రాష్ట్రానికి ఇచ్చిన హామీల్లో కేంద్రం ఏ ఒక్కటైనా అమలు జరిపిందా అని శ్రీనివాసరావు ప్రశ్నించారు. ప్రత్యేక హోదా, అసెంబ్లీ సీట్ల పెంపుదల మొదలుకొని కడప ఉక్కు ఫ్యాక్టరీ,రాజధానికి నిధులు,వెనుకబడిన ప్రాంతాలకు ప్యాకేజీ ఇలా అన్ని విషయాల్లోనూ వెన్నుపోటులు,మాట తప్పిదాలే కనిపిస్తున్నాయని పేర్కొన్నారు. అలాంటి వారి మాటలు విశ్వసించి జనాన్ని కూడా నమ్మమంటున్నారని, నిర్దిష్టంగా మన రాష్ట్రానికి ఎన్ని సీట్లు పెరుగుతాయి,ఏ ప్రాతి పదికన పెరుగతాయి అన్న విషయం బిల్లులో ఎక్కడా పెట్టలేదని తెలిపారు. ఆవిషయం తెలిసి కూడా 2011 జనాభా ఆధారంగా సీట్ల పెంపు, డీలిమిటేషన్ జరుగుతుందని పేర్కొ న్నారని తెలిపారు. ఒకవైపు 2026 జనాభా లెక్కల సేకరణ జరుగుతుండగా 2011 జనాభా లెక్కల ఆధారంగా ఎలా చేస్తారని ప్రశ్నించారు. దానివల్ల ఎస్‌సి,ఎస్‌టిలకు సీట్లు తగ్గుతాయని,జనాభాను ప్రాతిపదికగా తీసు కుంటే కుటుంబ నియంత్రణ సమర్థవంతంగా అమలు చేసిన ఎపి లాంటి రాష్ట్రాలకు నష్టం కాదా అని ప్రశ్నించారు. ఆవిషయం టిడిపి కూడా చెప్పిందని,దానివల్ల నష్టమని తెలిసే ఎందుకు దాచిపెడుతున్నారో చెప్పాలన్నారు. వాస్తవాలు కప్పిపుచ్చి బిజెపి నాయకుల కపట రాజకీయ నాటకంలో భాగస్వాములు కావడం వల్ల రాష్ట్రానికి అన్యాయం చేసిన వారవుతారని పేర్కొన్నారు. 2023లో మహిళా బిల్లుపై పార్లమెంటులో జరిగిన చర్చలో తెలుగుదేశం పార్లమెంటరీ పార్టీ నాయకుడిగా ఉన్న కనక మేడల రవీంద్రకుమార్ మాట్లాడుతూ మహిళా రిజర్వేషన్ బిల్లుతో జనగణన, డీలిమిటేషన్‌తో ముడి పెట్టడంవల్ల మహిళలకు రిజర్వేషన్ అమలు జరపడం ఆలస్యం అవుతుందని, అందువల్ల అలాంటి లింకు పెట్టవద్దని కోరా రని తెలిపారు. ఒకసారి రికార్డులు తిరగేస్తే వాస్తవాలు తెలుస్తాయని, మరి ఇప్పుడదే చట్టానికి డీలిమిటేషన్ ముడిపెట్టడాన్ని టిడిపి ఎలా బలపరుస్తున్నదని ప్రశ్నించారు. 2024లోనే మహిళా రిజర్వేషన్ అమలు చేసి ఉంటే ఈ పాటికి మహిళలు మÖడోవంతు పార్లమెంటులోనూ,మన అసెంబ్లీలోనూ ఉండే వారని, 2026 తరువాత పెరిగే జనాభాకు అనుగుణంగా సీట్లతోపాటు మహిళల సంఖ్య కూడా పెరిగేదని, దాన్ని అమలు చేయని నేరం ఎవరిదని ప్రశ్నించారు.2023లో మహిళా బిల్లు ఆమోదం పొందిన వెంటనే జనగణన ఎందుకు చేపట్టలేదని, కులగణన కూడా దానితోపాటే చేపట్టాలని వచ్చిన డిమాండును ఆమోదించకుండా అణగదొక్కింది ఎవరో చెప్పాలన్నారు. కులగణన అంటే దేశ విచ్ఛిన్న చర్య అని అన్న ప్రధాని మరలా ఎందుకు అంగీకరించారు?రాజకీయ ప్రయోజనాల కోసమే కదా?అని ప్రశ్నించారు. మహిళా రిజర్వేషన్‌పై రాచమార్గాన్ని వదిలి దొడ్డిదారిన అది అమలు కాకుండా ఆపిన నేరం మీ ప్రభు త్వానికి కాదా చెప్పాలన్నారు. బిల్లులో ఎక్కడైనా (ప్రొరాటా) నిష్పత్తి ప్రకారం సీట్లు పెరుగుతా యని చెప్పారా? కొత్తగా ఏర్పడే డీలిమిటేషన్ కమిషన్ 2011జనాభా లెక్కల ప్రకారం ఆయా రాష్ట్రాలకు సీట్లు కేటాయిస్తుందని అంటే బిజెపి ఇష్టాయిష్టాల ప్రకారం జరగ బోతుందన్నది వాస్తవం కాదా,. ఈ ప్రశ్నలకు టిడిపి నేతలు సమాధానం చెప్పగలరా అని ప్రశ్నించారు. మహిళా రిజర్వేషన్లను డీలిమి టేషన్‌తో నిమిత్తం లేకుండా 2029 ఎన్నికల్లో అమలు జరిపే విధంగా పూనుకోవాలని, ఏదో ఒకసాకు చూపి వాయిదా వేస్తే మీ ప్రభుత్వం ప్రజల ముందు ప్రత్యేకించి మహిళా లోకం ముందు బోనులో నిలబడాల్సి వస్తుందని గమనించాలని తెలిపారు. ఇప్పటికైనా ధైర్యంగా ప్రజలకు వాస్తవాలు చెప్పడానికి ముందుకు రావాలని కోరారు.
ప్రాతినిథ్యం మారదు..నష్టం ఉండదు
మహిళా రిజర్వేషన్ల అమలకు ఇటీవల జరిగిన ప్రయత్నం వెనుక రాజకీయమేమీ లేదని కేంద్రప్రభుత్వం స్పష్టం చేసింది.తదుపరి సార్వత్రిక ఎన్నికల నుంచే అతివలకు ప్రయోజనం అందాలన్న తపన తప్పితే మరో ఉద్దేశం లేదని తేల్చి చెప్పింది. బిల్లులపై వివిధ రాజకీయపార్టీలు,పౌర సమాజం నుంచి వస్తున్న అనేక ప్రశ్నలకు కేంద్రప్రభుత్వం సమాధానాలను విడుదల చేసింది.ఒకేసారి మÖడు బిల్లులు తీసుకురావ డానికి కారణాలు,దానివల్ల కలిగే ప్రయోజనాలను వివరించింది.
కేంద్రప్రభుత్వం పార్లమెంటులో ఇటీవల ప్రవేశ పెట్టిన బిల్లులు
í 131వ రాజ్యాంగ సవరణ బిల్లు2026 í నియోజకవర్గాల పునర్విభజన బిల్లు2026
í కేంద్రపాలిత ప్రాంతాల చట్టాల సవరణ బిల్లు`2026
వీటిని ఒకేసారి ప్రవేశపెట్టడానికి కారణ మేంటి?: 2026తర్వాత నిర్వహించే జనగణన ఆధారంగా నియోజకవర్గాల పునర్విభజన చేపట్టి,దాని ప్రకారం మహిళా రిజర్వేషన్లు అమలు చేయాలని‘నారీశక్తి వందన్ అధినియం చట్టం’ చెబుతోంది.ఒకవేళ ప్రభుత్వం కొత్త జనాభా లెక్కలు,తదితనంతరం చేపట్టే నియోజకవర్గాల పునర్విభజన వరకు వేచి చూస్తే 2029సార్వత్రిక ఎన్నికల్లో మహిళలకు 33శాతం రిజర్వేషన్ల ప్రయోజనం దక్కదు.జనగణన,తదనంతరం చేపట్టే డీ లిమిటేషన్‌కు సమయం తీసుకోవడమే అందుకు కారణం.మహిళలకు సకాలంలో రిజర్వేషన్ల ఫలాలు అందించేందుకు ఆ షర తును చట్టం నుంచి తొలగించాలని నిర్ణయించింది.
అయితే డీలిమిటేషన్ అంటే నియోజకవర్గాల సరిహద్దులను ఖరారు చేయడం.మహిళా రిజర్వేషన్ల అమలుకు అది అత్యవసరం. ఇప్పుడున్న 543లోక్‌సభ సీట్లను 1976లో ఖరారు చేశారు.1971లో దేశ జనాభా 54కోట్లు.ఇప్పుడు అది140కోట్లు.అందువల్ల సీట్లను గరిష్టంగా 850కి పెంచడం ముక్యం. ఇది ప్రజలకు పార్లమెంటులో న్యాయబద్దమైన ప్రాతినిధ్యాన్ని కల్పించింది.డీలిమిటేషన్ కమిషన్ చట్టంలో ఎలాంటి మార్పులూ చేయలేదు.ఇప్పుడున్న చట్టబద్ద స్వరూపం యథాతథంగా ఉంది.కమిషన్ ఏదైనా సిఫార్సులు చేయాలంటే అందుకు పార్లమెంటు అనుమతి,రాష్ట్రపతి ఆమోదం కావాలి.ఈ బిల్లు వల్ల ప్రస్తుత అసెంబ్లీ ఎన్నికలపై ఎలాంటి ప్రభావమÖ ఉండదు.2029 సార్వత్రిక ఎన్నికల వరకు అన్నీ మునుపటిలానే సాగుతాయి.అయితే ఇప్పుడు రాష్ట్రాల వారీగా ఉన్న నియోజకవర్గాలను అదే నిష్పత్తిలో పెంచ డమే ప్రధాన ఉద్దేశం.అంతటా 50శాతం సీట్లను పెంచితే అన్నీ రాష్ట్రాలు,కేంద్రపాలిత ప్రాంతాల్లో ప్రస్తుత ప్రాతినిధ్య నిష్పత్తి అలాగే కొనసాగుతుంది.అందువల్లే రాజ్యాంగంలో ఉన్న గరిష్ట సంఖ్యను 850కి పెంచారు. దీనివల్ల దక్షినాది,చిన్న రాష్ట్రాలపై ఎలాంటి ప్రభావం చూపదు.అన్నీ రాష్ట్రాల్లో సమానంగా 50శాతం సీట్లు పెరుగుతాయి.దక్షిణాది ప్రాతి నిధ్యం ఏమాత్రం తగ్గకుండా స్థిరంగా కొన సాగుతుంది.లోక్‌సభలో ఆ రాష్ట్రాలకున్న 23.76శాతం వాటా 23.87శాతానికి పెరుగుతుంది.అదేవిధంగా కుటుంబ నియంత్రణ పాటించిన రాష్ట్రాలకు ప్రతికూల ప్రభావం ఏమీ ఉండదు.అన్నీ రాష్ట్రాల్లో ఒకేవిధంగా సీట్లు పెంచాలని నిర్ణయించి నందున వాటి నైష్పత్తిక ప్రాతినిధ్యంలో ఎలాంటి మార్పూ ఉండదు.పైగా కొంత మెరుగుపడుతుంది.
ఎస్సీ,ఎస్టీల ప్రాతినిధ్యం దెబ్బతింటుందా?
అదేవిధంగా ఎస్సీ,ఎస్టీల ప్రాతినిధ్యం దెబ్బతి నదు.నియోజకవర్గాల పునర్విభజన ప్రక్రియ ఎస్సీ,ఎస్టీలకు నైష్పత్తి రిజర్వేషన్లు కల్పిస్తుంది. సీట్ల సంఖ్య పెరిగి ఉంటే వారి ప్రాతినిధ్యం భారీగా పెరిగేది.దానివల్ల ఆ సామాజిక వర్గాలకు బలం చేకూరేది.కులగణనకు ప్రభుత్వం ఇప్పుడే నిర్ధిష్ట కాలానుగుణ కార్యక్రమం మొదలు పెట్టింది.జనగణనలో వ్యక్తి గత వివరాలు సేకరించేటప్పుడు కుల ఆధారిత లెక్కల సేకరణ జరుగుతుంది. ఈనేపథ్యంలో పార్లమెంటులో ఈ మÖడు బిల్లులు ఆమోదం పొందితే 2029లోక్‌సభ ఎన్నికల్లో మహిళలకు 33శాతం రిజర్వేషన్లు దక్కేవి.- రఘువర్మ కంచికర్ల

అడవులు తరిగిపోతే వర్షాలుండవు

అడవులవల్ల కోట్లసంఖ్యలో వన్యప్రాణులు,వృక్షజాతులు,కీటకాలతోపాటు మానవాళికి ప్రత్యక్షంగా..పరోక్షంగా అనేక ప్రయోజనాలు కలుగుతున్నాయి.వాతావరణ మార్పులను నివారించడమే కాకుండా జీవుల మనుగడకు అవసరమైన స్వచ్ఛమైనగాలి,నీరు,ఆహారం,ఔషధాలను అందించడంలో వనాలు విశేషపాత్ర పోషిస్తున్నాయి.ప్రపంచవ్యాప్తంగా గ్రామీణ, పర్వత ప్రాంతాలకు చెందిన కోట్లాది ప్రజలు తమ ఆహారంలో భాగమైన పండు,కాయలు,గింజలు,పుట్ట గొడుగులు,తేనెవంటి వాటిలో అధికశాతం అడవుల నుంచే సేకరిస్తున్నారు.అవిపేదలకుశక్తిని,ఆహార భద్రతను అందిస్తున్నాయి.ఆహార వైవిధ్యానికి తోడ్పడుతున్నాయి.ప్రపంచఆహార,వ్యవసాయసంస్థ ఎఫఏఓ)గణాంకాల ప్రకారం అరణ్యా లలో లభించే ఆహార,ఔషధ,కలపేతర ఉత్పత్తుల ద్వారా ఏటా రూ.5.86లక్షలకోట్ల ఆదాయం సమకూరుతోంది. అటవీ వనరుల సేకరణ ద్వారా138దేశాల్లో1.25కోట్ల మంది పూర్తిస్థాయి ఉపాధిని పొందుతున్నారు. ప్రపంచ ఆరోగ్యసంస్థ అంచనాల ప్రకారం విశ్వవ్యాప్తంగా ఔషధాలకోసం వినియోగించే అటవీవృక్ష జాతులసంఖ్య యాభైవేల దాకా ఉంటుంది.భూమి మానవులకే కాదు కోట్లాది జీవరాశులకు,మొక్కలకు నిలయం.నేలపై ఏజీవి అయినా ప్రాణంతో ఉండాలంటే గాలి,నీరు,ఆహారం ముఖ్యం.మరిభూమిని నాశనం చేస్తుంటే ఈవనరులన్నీ తరిగిపోతూ ఉంటాయి.ఇప్పటికే నీరు, ఆహారం కొనుక్కుంటున్నాం.భవిష్యత్తులో గాలి కూడా కొనుక్కునే రోజులు వచ్చినా ఆశ్చర్యపోనక్కర్లేదు.అభివృద్ధి పేరుతో ప్రయివేటు,కార్పొరేట్శక్తులు భూమిని నాశనం చేస్తున్నాయి.దీనివల్ల వరదలు,భూకంపాలు,వాతావరణమార్పులు, గ్లోబల్ వార్మింగ్ వంటి అనేక సమస్యలు తలెత్తుతున్నాయి.ఇప్పటికే ఓజోన్‌పొర దెబ్బతిన్నది.దీంతో తీవ్రమైనఎండలు, భారీ వర్షాలు,గడ్డకట్ట్టించేచలి.ఇవన్నీ గతదశాబ్దకాలంగా క్రమక్రమంగా వాతావరణంలో వస్తున్నమార్పులు..మనిషి జీవనంపై తీవ్రప్రభావం చూపుతున్నాయి.ఇప్పటికైనా భూమి సమస్యలు పట్టించుకోకపోతే భవిష్యత్తులో మరెన్నో ప్రమాదాలను చవిచూడాల్సి వస్తుంది.మనుషులు భూతాపాన్ని,కాలుష్యాన్నిపెంచే చర్యలను నిలువరించకపోతే భూమిని కాపాడుకోవడం కష్టం.అందుకే భూమి పరిరణక్షణకోసం ప్రజల్లో అవగాహన కలిగించాలి - పద్మావతి


మానవుల చర్యలతో భూమిని అనారోగ్యానికి గురిచేయడంతో తీవ్రంగా వేడెక్కుతుంది. వాతావరణ కాలుష్యం పెరిగిపోతుంది. వీటిని నివారించే దిశగా చర్యలు చేపడుతూ,పర్యావరణ పరిరక్షణకు ప్రతి ఒక్కరూ పూనుకోవాలి.ఆలక్ష్యంగా ప్రజల్లో అవగాహన పెంచాలి. అంతరించిపోతున్న జీవజాతులను కాపాడు కోవాలి. అప్పుడే ‘ప్రపంచ ధరిత్రి దినోత్సవా’నికి అర్థం ఉంటుంది.
ప్రత్యేకత!..
అమెరికాలో 1969 జనవరి 28న శాంటా బార్బరా సముద్ర తీరం చమురు తెట్టలతో నిండిపో యింది. తీరమే ఆలంబనగా బతకుతున్న వందలాది జీవజాతులు మృత్యువాతపడ్డాయి. సుమారు నాలుగు వేల పక్షులు ఆతెట్టలో చిక్కుకొని, ఎగరలేక ప్రాణా లొదిలాయి. జీవ వైవిధ్యం కొడిగట్టిన ఆనాటి సంఘ టన ఎందరినో కలిచివేసింది. యుఎస్ సెనేటర్, పర్యావరణవేత్త గేలార్డ్ నెల్సన్, హార్వర్డ్ విశ్వవిద్యా లయంలో గ్రాడ్యుయేట్ విద్యార్థి అయిన డెనిస్ హేస్‌లను ఆందోళనకు గురిచేసింది. దీంతో పర్యావర ణంపై ప్రజల్లో అవగాహన పెంచడానికి వీరిద్దరూ 1970లో, ఏప్రిల్ 22న ఎర్త్ డేను ప్రారంభించారు. పర్యావరణ పరిరక్షణకు పిలుపునిచ్చారు. ప్రపంచంలో 175 దేశాల నుంచి దాదాపు 20లక్షల మంది పాల్గొ న్నారు.‘పర్యావరణాన్ని పరిరక్షించుకుందాం!’ అంటూ నినాదాలు చేశారు.ప్రతి సంవత్సరం జరిగే ఈ సదస్సు ల్లో ప్రపంచ దేశాల్లో పర్యావరణంలో వచ్చిన మార్పు లను, భూమి పరిరక్షణకు తీసుకుంటున్న చర్యల గురించి చర్చిస్తారు. ఐక్యరాజ్యసమితి చొరవతో 1990లోఈ కార్యక్రమం ప్రపంచవ్యాప్తమైంది. ఇప్పుడు ఏటా దాదాపు 200 దేశాలలో కోటిమందికి పైగా ప్రజలు ఈ కార్యక్రమంలో పాల్గొంటున్నట్టు నిర్వాహకులు తెలుపుతున్నారు.
ఈ ఏడాది థీమ్
‘అంతర్జాతీయ ఎర్త్ పరిరక్షణ’ సంస్థ ప్రపంచ భూమి దినోత్సవం సందర్భంగా ప్రతి ఏడాది ఒక కొత్త లక్ష్యంతో కార్యక్రమాలు నిర్వహిస్తుంది. ఈ సంవ త్సరం ‘మన శక్తి, మన గ్రహం’ అనే థీమ్‌తో 55వ సారి నిర్వహిస్తుంది. అంటే మనశక్తితో మన భూమిని కాపాడుకుందాం అని.కంపెనీలు,ప్రభుత్వాలు, పౌరు లు..అందరూ పర్యావరణాన్ని పరిరక్షించడానికి ఈ దిశగా చర్యలను చేపట్టాలని ప్రపంచ దేశాలకు పిలుపునిచ్చింది. ప్రతి ఏడాది ఈ రోజున ర్యాలీలు, చెట్ల పెంపకానికి సంబంధించిన కార్యకలాపాలను విస్తృతంగా నిర్వహిస్తారు. ప్రపంచవ్యాప్తంగా వంద కోట్లకు పైగా ప్రజలు ఈరోజు జరిగే కార్యక్రమాల్లో పాల్గొంటారు. ఈ భూమి పరిరక్షణకు మద్దతు తెలుపుతారు. ఈ భూమిని రక్షించడంలో తమ వంతు కృషి చేస్తామని ప్రతిజ్ఞ చేస్తారు. భూమిని కాపాడు కోవాల్సిన బాధ్యత మనందరిపైనా ఉంది. మాటలతో, ప్రతిజ్ఞలతోనే కాకుండా కార్యచరణకు మన వంతుగా చేయాల్సిన కొన్ని పనులు మనం చేయాలి.చెట్లు నాటు దాం..భూమిని చల్లగా, సురక్షితంగా ఉంచుదాం !
పారిస్ ఒప్పందం నిర్లక్ష్యం
ఎర్త్ డే మొదలైన కొన్నేళ్ళకే పర్యావరణ పరిరక్షణ ఏజెన్సీని ఏర్పాటు చేశారు. అనేక పర్యావరణ చట్టా లను తీసుకువచ్చారు.క్లీన్ ఎయిర్ యాక్ట్ లాంటి వాటిని ఏర్పాటుచేసి, వాటిని చెప్పుకోదగ్గ స్థాయిలో బలోపేతం చేశారు.లక్షలాది మొక్కలు నాటడం, సుస్థిర వ్యవసాయ పద్ధతులకు మద్దతుగా నిలవడంతో పాటు,ప్రపంచమంతటా వాతావరణ అవగాహన కార్యక్రమాలను నిర్వహించారు. జాతీయ, అంతర్జా తీయ ఎజెండాలో పర్యావరణ సమస్యలు చోటు దక్కించుకోవడానికి ఎర్త్ డే కీలకపాత్ర పోషిస్తోందని అందరూ అనుకున్నారు. కానీ ఆయా దేశాల్లో ప్రభు త్వాలు ప్రయివేటు వ్యక్తుల ప్రభావంతో పనిచేస్తు న్నాయి. ప్రకృతి చట్టాలు కఠినంగా నిర్వహించడం లేదు. విచ్చలవిడిగా భూమి వినాశకర చర్యలు చేపడుతున్నాయి. ఫలితంగా భూమి కాలుష్యకోరల్లో చిక్కుకుపోతోంది. భవిష్యత్తు ప్రమాదాన్ని గ్రహించిన పర్యావరణవేత్తలు2015లో పారిస్ సదస్సు నిర్వహిం చారు.పర్యావరణ పరిక్షణకోసం కొన్ని నియమ నిబంధనలను ప్రపంచదేశాల ముందు పెట్టాయి. వీటికి 196 దేశాలు కట్టుబడి ఉంటామని ఆమోదిం చాయి. ఇది వాతావరణ మార్పులను ఎదుర్కోవడానికి అంతర్జాతీయంగా కట్టుబడి ఉన్న ఒక ఒప్పందం. ఇది 2016,నవంబర్ 4న అమల్లోకి వచ్చింది. భూమికి చేసిననష్టాన్ని సరిదిద్దుకునేందుకు ఇది మంచి అవకాశం. గ్లోబల్ వార్మింగ్‌ను పరిమితం చేయడానికి ప్రపంచ దేశాలన్నీ సమిష్టిగా అంగీకరించిన మొదటి సందర్భమది.దీనిలో అన్నిదేశాలూ పాటించాల్సిన ముఖ్యమైన నిబంధనలు,లక్ష్యాలు ఉన్నాయి. కానీ, దీనిని అమెరికాతో పాటు అనేక దేశాలు తుంగలో తొక్కుతున్నాయి.దీన్ని చూస్తూ ఊరుకుంటే మన భూమి మనకు మిగలదు. ప్రకృతిని కాపాడుకునే బాధ్యత అందరిపైనా ఉంది. భూమి అంటే మనం ఉంటున్న ఇల్లు, పనిప్రదేశం మాత్రమే అనుకుంటే పొరపాటు మరొకటి ఉండదు. మనచుట్టూ ఉన్న భూమిని, ప్రకృతిని నాశనం చేసే హక్కు ఎవ్వరికీ లేదు. ఎవరైనా సరే భూమికి హాని కలిగించకూడదు అన్న సామాజిక స్పృహ అందరిలోనూ పెరగాలి.
ఎండిపోతున్న నదులు
అడవుల నరికివేత, భూమి కాలుష్యంతో వాతావరణ మార్పులు చోటు చేసుకుంటున్నాయి. ప్రపంచవ్యాప్తంగా తీవ్రమైన ఎండలు కాకరేపుతు న్నాయి. వేడి ధాటికి ఒకవైపు అడవులు కాలి బూడిద అవుతుంటే, మరోవైపు నదులు ఎండిపోతున్న పరిస్థితి నెలకొంది. ప్రస్తుతం అమెరికాలోనూ నీటి కొరత ఏర్పడి, కొన్ని రాష్ట్రాలకు నీటి కేటాయింపులు భారీగా తగ్గించారు. విపరీతమైన వేసవి ఉష్ణోగ్రతల నడుమ జర్మనీలోని బ్లాక్ ఫారెస్ట్‌లో పుట్టిన డాన్యూబ్ నది 2022లో అడుగంటింది. అప్పటి నుంచి ప్రతి ఏడాది వేసవిలో ఈనది ఎండిపోతుంది. ఈ నదిపైనే ఆధా రపడి జీవించే జిమినిసియా నౌకాశ్రయ కార్మికులు, రైతులు,నౌకా నిర్మాణ సిబ్బంది, రెస్టారెంట్ల యజమా నులు తదితర ప్రజల మనుగడ ప్రశ్నార్థకంగా మారిం ది. చాలా కుటుంబాలు వలస వెళ్లాయని అక్కడ అధికారులు తెలిపారు. వర్షాకాలంలో అప్పుడప్పుడు పడే వర్షం నీటిని ఒడిసిపట్టి ఇంట్లో అవసరాల కోసం ప్రజలు వాడుకుంటున్నారు. డాన్యూబ్ నీటిని తాగునీటి అవసరాలకు మాత్రమే ఉపయోగిస్తున్నారు. నది ఎండిపోవడంతో కొత్తగా కనిపిస్తున్న మట్టితో నిండిన బీచ్‌లపై పిల్లలు ఆడుకుంటున్నారు. ‘ఇటు వంటి పరిస్థితే చాలా దేశాల్లో ఇప్పుడు కనిపిస్తోందని, ప్రపంచంలో ప్రతి ఏడాది నీటి ఎద్దడి తీవ్రత అసాధా రణంగా కనిపిస్తోంది. ఇలాంటి పరిస్థితులకు మనం అలవాటుపడాల్సి ఉంటుందేమో. ప్రస్తుతం జీవనదు ల్లో నీటి మట్టం పెరుగుతున్నట్లు ఎక్కడా కనిపిం# áలేదు.గత నాలుగైదు ఏళ్లుగా వేసవిలో ఇలాంటి నీటి ఎద్దడివల్ల భూగర్భ జల వనరులు పూర్తిగా అడు గంటాయి. మరోవైపు హిమనీనదాలు కూడా వేగంగా కరిగిపోతున్నాయి. ఇది భవిష్యత్తులో తీవ్ర నీటి ఎద్దడికి ఓ హెచ్చరిక!’ అని జర్మనీకి చెందిన హెల్మోల్ట్జ్ సెంటర్ ఫర్ ఎన్విరాన్‌మెంటల్ రీసెర్చ్ (యÖఎఫ్‌జడ్)కు చెంది న కార్స్‌టెన్ రింక్ ఆందోళన వ్యక్తం చేశారు. మన దేశంలోనూ ఇటువంటి అనుభవాలు ఎదురవుతు న్నాయి. ఇకనైనా భూమిని కాలుష్య కోరల్లో నుంచి రక్షించుకుని, మంచినీటి వనరులైన నదులను కాపాడుకోవాలి.
ప్రభావాలెన్నో..
ప్రపంచవ్యాప్తంగా 90శాతం అడవుల నష్టానికి వ్యవసాయ విస్తరణే కారణమవుతోంది.అటవీయేతర కార్యకలాపాలు కోసం ఆమెజాన్ అడవులు నిర్మూల నకు గురవుతున్నాయి.పశువుల పెంపకం 70శాతం నష్టానికి కారణమవుతోంది.అటవీ నష్టం వల్ల ఆమో జాన్ అడవుల్లో జీవైవిధ్యం దెబ్బతింటోంది.స్థానిక వాతావరణ మార్పులతోపాటు ప్రపంచ శీతోష్టస్థితిలో మార్పులకూ దారితీస్తోంది.ఒక ప్రాంతంలో అడవు లకు నష్టం వాటిల్లితే స్థానికంగా తీవ్ర దుష్ప్రభావం పడటమే కాకుండా,ఇతర ప్రాంతాల్లో సైతం దుష్ఫ రిణామాలు చోటుచేసుకుంటాయని పరిశోధ కులు చెబుతున్నారు.దక్షిణ అమెరికాలోని వర్షార ణ్యాలు అమెరికా వర్షపాతం ప్రభావం చూపుతాయని ఆగ్నేయాసియా అడవులు ఆగ్నేయ ఐరోపా,చైనాల వర్షపాత సరళిని ప్రభావితం చేస్తాయని పరిశోధకులు స్పష్టం చేస్తున్నారు.అడవులకు నష్టం వాటిల్లడం వల్ల స్థాణికంగా,ప్రాంతీయంగా ఉష్ణోగ్రత,వర్షపాతాల మీద గణనీయమైన ప్రభావం చూపుతుంది.
భూమి పరిరక్షణ
ఇప్పటికే భూమికి చాలా నష్టం జరిగింది. దాని ఫలితం ప్రత్యేక్షంగా చూస్తున్నాం. ఇకనైనా ప్రజలు ఏకతాటిపైకి వచ్చి జీవవైవిధ్యం, భూగ్రహాన్ని రక్షించే చర్యలను ప్రారంభించాల్సిన అవసరాన్ని ఈ సంవ త్సరం థీమ్ నొక్కి చెబుతుంది. శీతోష్ణస్థితి మార్పులు ఇకపై సుదూర విషయం కాదు.. వరదలు, అగ్నిప్ర మాదాలు పెరుగుతున్నందున పరిస్థితిని సమీక్షించడం,తదనుగుణంగా వ్యవహరించడం చాలా ముఖ్యం. పారిస్ ఒప్పందం ప్రకారం ప్రపంచ సగటు ఉష్ణోగ్రత పారిశ్రామిక పూర్వస్థాయిల కంటే 1.5 డిగ్రీల సెంటీగ్రేడ్ తగ్గించాలన్న లక్ష్యం పెట్టుకున్నా.. ఇప్పుడు 3డిగ్రీల సెంటీగ్రేడ్ కంటే ఎక్కువ వేడెక్కు తుంది. ఇది పారిస్ ఒప్పందం లక్ష్యం కంటే రెండు రెట్లు అధికమని ఇటీవల ఐపీసీసీ నివేదిక అప్రమత్తం చేసింది.ఈ మార్పులు భూమిపై ఉన్న మానవుల, జీవరాశుల ఉనికిని దుర్భరంగా మారుస్తాయని ఆందో ళన వ్యక్తం చేసింది. కాబట్టి తక్షణ చర్యలు చేపట్టాల్సిన అవసరం ఎంతైనా ఉంది. భూమిని నాశనం చేసే పర్యావరణ పరిరక్షణ వ్యతిరేక విధానాలను పాలకులు విడనాడాలి.భూమి పరిరక్షణ అంటే భూమిని, దాని సహజ వనరులను సంరక్షించడం, దెబ్బతినకుండా కాపాడడం. భూమిని పరిరక్షించడం ద్వారా భూమిని, జీవరాశులను కాపాడగలం. భవిష్యత్ తరాలకు సురక్షితమైన భూమిని అందించగలం. సమస్త జీవకోటి భారాన్ని మోసే భూమి పరిరక్షణ అందరి బాధ్యతగా గుర్తించాలి. భవిష్యత్తు తరాలకు ఆరోగ్యక రమైన భూమిని అందించాలంటే.. భూమిని కాపాడు కునే బాధ్యత మనందరి చేతుల్లోనే ఉంది.
క్లీన్ కేరళ
పర్యావరణ పరిరక్షణలో భాగంగా భూమిని నాశనం చేస్తున్న ప్లాస్టిక్ వ్యర్థాలపై కేరళ ప్రభుత్వం దృష్టి పెట్టింది. ఇళ్లు, పరిశ్రమల నుంచి చెత్తచెదా రంతో పాటు ప్లాస్టిక్, ఎలక్ట్రానిక్ వ్యర్థాల సేకరణ చేపట్టారు. ఇందు కోసం స్థానిక అధికారుల చేత ప్రజలకు అవగాహన కల్పించారు. చాలా తక్కువ సమయంలో సమిష్టికృషితో క్లీన్ కేరళ ద్వారా 61,664 టన్నులకు పైగా ప్లాస్టిక్ తోళ్లు, బ్యాగులు, చెప్పులు వ్యర్థాలను సేకరించి,ప్రాసెస్ చేశారు. అంతే కాదు 89లక్షలకు పైగా ఇళ్ల నుంచి పనికిరాని బట్ట లను, చెత్తను సేకరించి, రీసైక్లింగ్ పద్ధతిలో తిరిగి ఉపయోగించేలా మారుస్తున్నారు.. ఇది దేశానికే మార్గదర్శకం.
ప్లాస్టిక్ భూతం
భూమిని కలుషితం చేసే వాటిలో ప్లాస్టిక్ అత్యంత ప్రమాదకరమైనది. ప్లాస్టిక్‌లో బిస్‌ఫినాల్-ఏ, థాలేట్స్, డయాక్సిన్స్, పాలీసైక్లిక్ ఆరోమాటిక్ హైడ్రోకార్బన్ (పీఏహెచ్), పాలీక్లోరినేటెడ్ బైఫినైల్స్ (పీసీబీస్), స్టైరిన్ మోనోమర్, నానిల్ఫెనాల్ వంటి విష పదార్థాలు ఉంటాయి. ఇవి భూమిని,నీటిని, గాలిని కలుషితం చేస్తూ అత్యంత ప్రమాదకరంగా మారుస్తాయి. భూసారం పెరగకుండా ప్లాస్టిక్ అడ్డుపడతాయని శాస్త్రవేత్తలు చెబుతున్నారు. క్లోరినేటెడ్ ప్లాస్టిక్‌తో మట్టిలో విషరసాయనాలు చేరుతున్నాయి. అవి భూగర్భ జలాల్లో కలిసి మానవాళికి, ప్రాణకోటికి హాని చేస్తున్నాయి. ఏటా పెద్దసంఖ్యలో పక్షులు, చేపలు, జంతువులు ప్లాస్టిక్ వల్ల చనిపోతున్నాయని నిపుణుల నివేదికలు వెల్లడిస్తున్నాయి. అంతరించి పోతున్న ప్రాణుల్లో దాదాపు 700 జాతులు ప్లాస్టిక్ వల్ల ప్రభావితమైనట్లు గుర్తించారు. అంతేకాదు.. మనం తినే జలచరాల్లో మైక్రో ప్లాస్టిక్, నానో ఫైబర్ వ్యర్థాలనూ కనుగొన్నారు. ఇంత ప్రమాదమని తెలిసినా ప్రభుత్వాలు కొన్ని ప్రయివేటు కంపెనీలకు ప్లాస్టిక్ తయారీకి అనుమతులు ఇస్తున్నాయి. బహి రంగ ప్రదేశాల్లో ప్లాస్టిక్ వ్యర్థాలను మండించడం వల్ల ప్రపంచవ్యాప్తంగా ఏటా రెండువేల లక్షల టన్నుల కార్బన్ డై ఆక్సైడ్ ఉత్పత్తవుతోంది. ఇది 60 లక్షల మంది మరణాలకు కారణమవుతున్నట్టు అంచనా. బహిరంగ ప్రదేశాల్లో కాల్చడం వల్ల శ్వాసకోశ రుగ్మతలు వస్తున్నాయి. ప్లాస్టిక్ పాలిమర్ అవశేషాలతో క్యాన్సర్, ఎండోక్రైన్ గ్రంథిó దెబ్బతినడం, చర్మవ్యాధులు సోకుతున్నాయి. ప్లాస్టిక్ వల్ల భూమికి ఎంత నష్టం ఉందో, మానవాళికీ అంతే ప్రమాదం.
దీన్ని ఎర్త్ డే నిర్వాహకులు సీరియస్‌గా తీసుకున్నారు. 2040 నాటికల్లా అన్నిరకాల ప్లాస్టిక్ ఉత్పత్తులను 60 శాతం తగ్గించాలని కోరారు. దీనికి యÖకె సహ 50కు పైగా దేశాలు మద్దతునిచ్చాయి. సాధ్యమైనంత మేరకు అందరూ ప్లాస్టిక్ వాడకం తగ్గించాలి. ప్లాస్టిక్ ప్రత్యామ్నాయంగా వాడుకునేందుకు ప్రభుత్వాలు కాటన్, నారా సంచులను, వస్తువులను ఉత్పత్తి చేయాలి.. అందుబాటులో ఉంచాలి. అప్పుడే భూమిని ప్లాస్టిక్ భూతం నుంచి కాపాడుకోగలం. ప్రమాదంలో అడవులు భూమిలో అధికవేడి తీవ్రతరం కాకుండా ఉండాలంటే అడవులు, మొక్కల పెంపకం, వాటి సంరక్షణ చేపట్టాలి. కానీ ప్రభుత్వాల అంతులేని నిర్లక్ష్యంతో అటవీ వనరులు, జీవవైవిధ్యం విధ్వం సానికి గురవుతున్నాయి. పరిశ్రమలు, గనుల తవ్వ కాలు, అభివృద్ధి ప్రాజెక్టుల పేరుతో సాగుతున్న అడవు ల కోతను నియంత్రించాలనే లక్ష్యంతో ‘అటవీ సంరక్షణ చట్టం-1980’ ని అమలులోకి తీసుకొచ్చా రు. ఈ చట్టానికి తూట్లు పొడుస్తూ, కొత్తగా అటవీ సంరక్షణ చట్టానికి సవరణ చేపట్టడం ఆందోళన కలిగిస్తోంది. గిరిజనులకు ఉపాధి అయిన అడవులను ఆక్రమించడంతో పాటు, ప్రభుత్వ, ప్రైవేటు ప్రాజెక్టు లకు అటవీ భూములను కేటాయిస్తున్నారు.
‘అటవీ పరిరక్షణ చట్టం సవరణ బిల్లు-2023’ ద్వారా అటవీ భూములను అనేక అటవీయేతర ప్రయోజనాల కోసం స్వేచ్ఛగా బదలాయించేందుకు అవకాశం కల్పిస్తుంది. ఇది గిరిజనులకే కాదు.. దేశప్రజలకే ప్రమాదకరం. జాతీయ భద్రత, ఇతర వ్యూహాత్మక అవసరాల కోసం దేశ సరిహద్దుల్లో వంద కిలోమీటర్ల లోపు అటవీ భూముల బదలాయింపునకు స్వేచ్ఛ కల్పించారు. దీంతో కార్పొరేట్ వ్యక్తులు పెద్ద పెద్ద వృక్షాలను, అడవులను విచక్షణారహితంగా కూల్చి వేస్తున్నారు. పచ్చని అడవులు అంతరించిపో తున్నాయి. ఫలితంగా వర్షాలు లేక కరువుకాటకాలు సంభవిస్తాయి. సవరణలు చేసిన కొత్త చట్టంలో ఈశాన్యంతో పాటు ఉత్తరాఖండ్, ఇతర రాష్ట్రాల్లో విలువైన జీవవైవిధ్య సంపద ఉన్న అడవులపై పెను ప్రభావం చూపే అవకాశం ఉంది. దీంతో పశ్చిమ, తూర్పుకనుమల్లో అత్యంత దట్టమైన అటవీ ప్రదేశా లకు నష్టం వాటిల్లే ప్రమాదం ఉంది.
అడవులు తరిగిపోతే వర్షాలు ఉండవు. గిరిజనులకు ఉపాధి ఉండదు. జీవకోటికి కావాల్సిన ఆహారం, గాలి, నీరు దొరకవు. వీటన్నింటినీ దృష్టిలో పెట్టుకుని కొత్తగా ప్రవేశపెట్టిన సవరణ చట్టాలను రద్దు చేయాలి. మన అడవులను మనమే కాపాడు కోవాలి. అడవులను పరిరక్షించుకుంటే భూమిని కొంతమేరకు కాపాడుకోగలం.భూమి పరిరక్షణ ద్వారా సహజవనరుల లభ్యతా పెరుగుతుంది. అడవుల పరిరక్షణలో ప్రజల భాగస్వామ్యాన్ని పెంచేందుకు ప్రపంచ బ్యాంక్ సాయంతో రెండు దశాబ్దాల క్రితం పలు కార్యక్రమాలు చేపట్టారు.వాటిలో ఉమ్మడి అటవీ యాజమాన్యం,సామాజిక అటవీ యాజమాన్యం వంటి పథకాలు మంచి ఫలితాలను ఇచ్చాయి.వాటి కింద పెంచిన అడవుల నుంచి వచ్చే ఉత్పత్తులు,కలప దిగుబడిపై ఆదాయాన్ని స్థానిక ప్రజలకే కేటాయిస్తా మన్న హామీ మాత్రం అనేక రాష్ట్రాల్లో అమలుకు నోచుకోలేదు.

కార్పొరేట్ విధానాలపై పెరుగుతున్న ప్రతిఘటన

ఉత్తర భారతదేశంలో పలు రాష్ట్రాల్లో ఇటీవల జరిగిన కార్మిక పోరాటాలు, ఆందోళనలు, నిరసనలు ఇవన్నీ సామాన్యుల సంక్షేమం కన్నా కార్పొరేట్ ప్రయోజనాలే మిన్నగా భావించే బిజెపి ప్రభుత్వం అనుసరించే విధానాలకు వ్యతిరేకంగా బలమైన సందేశాన్ని పంపించాయి. కార్మిక వర్గంలో ముఖ్యంగా జాతీయ రాజధాని ప్రాంతం (ఎన్.సి.ఆర్) వంటి పారిశ్రామిక ప్రాంతాల్లో పెరుగుతున్న తీవ్రమైన అసంతృప్తిని ఈ నిరసనలు ప్రముఖంగా చాటి చెప్పాయి.
ఎన్.సి.ఆర్ లోని అనేక ఫ్యాక్టరీల్లో చాలా మంది కార్మికులు ఆర్థికంగా వెనుకబడిన గ్రామాలకు చెందిన వలస కార్మికులే.తమ జీవనోపాధులను వెతుక్కుంటూ వచ్చినవారే. అయితే వారు ఇక్కడకు వచ్చిన తర్వాత బానిస తరహా పని పరిస్థితుల్లో చిక్కుకు పోతున్నారు.బహుళ జాతి కంపెనీలు, ప్రధానమైన భారతీయ సంస్థలకు చెందిన ఫ్యాక్టరీల్లో ఎక్కువమంది కాంట్రాక్ట్ కార్మికులుగా పనిచేస్తుంటారు. వీరికి మౌలికమైన కార్మిక హక్కులేవీ వర్తించవు.
కార్మిక చట్టాలు విస్తారంగా ఉల్లంఘించబడతాయి. నెలవారీ వేతనాలు రూ.10వేలు నుండి రూ.12వేలు మధ్యలో వుంటాయి. తరచుగా నిర్దేశిత కనీస వేతనాల కంటే ఇవి తక్కువగానే వుంటాయి. అనేక ఫ్యాక్టరీల్లో కార్మికులకు కార్మిక సంఘాల్లో చేరే లేదా సంప్రదించే వెసులుబాటు వుండదు, దీంతో వారికి సమిష్టి బేరసారాల శక్తి లేకుండా పోతోంది. చాలా తరచుగా వారు రోజుకు 13గంటలు పనిచేయాల్సిన పరిస్థితులు వుంటాయి. దీనికి తోడు పెరుగుతున్న ద్రవ్యోల్బణం వారి పరిస్థితిని మరింత అధ్వాన్నం చేస్తుంది. ఇక దాదాపు రెండు దశాబ్దాల క్రితం చివరిసారిగా సవరించిన కనీస వేతనాలు ఇప్పటికీ కాలం చెల్లినవిగానే మిగిలిపోయాయి. ఇఎసఐ, ప్రావిడెంట్ ఫండ్ లేదా గ్రాట్యుటీ వంటి చట్టబద్ధమైన ప్రయోజనాల గురించి చాలామంది కార్మికులు కనీసం వినను కూడా వినలేదు !
ఇలాంటి అమానవీయ పని పరిస్థితులన్నీ కలిసి ఒక్కసారిగా విస్తృతమైన నిరసనలు, ఆందోళనలకు దారి తీశాయి. కార్మికులు ఎదుర్కొంటున్న ఈ ఇబ్బందులు, సమస్యలను పరిష్కరించడానికి బదులుగా ప్రభుత్వ కార్మిక శాఖ నిష్క్రియాపరంగా వుండిపోయింది. కార్మికులు సాగించే పోరాటాలను, నిరసనలను అణచివేయడానికి బిజెపి ప్రభుత్వం పోలీసు బలగాలను ప్రయోగించింది.
కార్పొరేట్ ప్రయోజనాలు, కార్మికుల మధ్య జరుగు తున్న ఈఘర్షణలో సిఐటియు (దిసెంటర్ ఆఫ్ ఇండియన్ ట్రేడ్ యూనియన్స్) కీలకమైన మద్దతును అందించింది. కార్మికుల కాంట్రాక్టీకరణను సిఐటియు ఎల్లప్పుడూ తీవ్రంగా వ్యతిరేకిస్తూనే వచ్చింది. కానీ, యజమానులకు మాత్రం ఉపాధి భద్రతను, కార్మికుల ప్రయోజనాలను నిరాకరిం చడానికి ఇదొక సాధ నంగా మారింది. కాంట్రాక్ట్ కార్మికులపై ఆధార పడడం ఎక్కువైన కొద్దీ యావత్ కార్మిక లోకం హక్కులకు ఎదురుదెబ్బ తగులుతుందని, కార్మికులు విభజనకు గురవుతారని ఏళ్ళ తరబడి సిఐటియు హెచ్చరిస్తూనే వచ్చింది.కాంట్రాక్ట్ కార్మికు లతో పోలిస్తే పర్మినెంట్ ఉద్యోగులు కొంత మెరుగైన పరిస్థి తులతో లబ్ది పొందుతారు.అదే సమయంలో కాంట్రాక్ట్ కార్మికులు మాత్రం దాడులను ఎదుర్కొం టూనే వుంటారు.
బిజెపి నేతృత్వంలోని కేంద్ర ప్రభుత్వం తీసుకువచ్చిన కొత్త లేబర్ కోడ్‌లను సిఐటియు తీవ్రంగా వ్యతిరేకి స్తోంది. చాలా చట్టాలు అమల్లో వున్నప్పటికీ పాలక వర్గాల మద్దతు కలిగిన బహుళజాతి కంపెనీలు, భారత కార్పొరేట్ సంస్థలు కార్మికులను దోపిడీ చేస్తూనే వున్నాయి. లేబర్ కోడ్‌లను తీసుకురావడంతో, ఇక కార్పొరేట్ సంస్థలు కార్మికులను ఉక్కిరిబిక్కిరి చేయడం మరింత ఉధృతమైంది. తద్వారా కార్మికులు మరింత దోపిడీకి గురవుతున్నారు.కార్మికుల భద్రతను, బేరాసారాల శక్తిని పణంగా పెట్టి యజమానులకు వెసులుబాటును పెంపొందిం చడం ద్వారా లేబర్ కోడ్‌లు ప్రధానంగా కార్పొ రేట్ ప్రయోజనాలనే నెరవేరుస్తున్నాయని సిఐటియు భావిస్తోంది.ఈ లేబర్ కోడ్‌లను పూర్తిగా రద్దు చేయాలని సిఐటియు డిమాండ్ చేస్తోంది.ఆస్థానంలో పటిష్టమైన రక్షణాత్మక చట్టాన్ని పునరుద్ధరించాలని కోరింది.కాంట్రాక్టు కార్మికులు,స్కీమ్ వర్కర్లతో సహా మొత్తంగా కార్మికులందరికీ కనీస వేతనాలకు హామీ కల్పించా లన్నది ప్రస్తుతం సాగుతున్న కార్మిక పోరాటాల్లో సిఐటియు కీలక డిమాండ్‌గా వుంది. ప్రతి ఒక్క కార్మికుడు గౌరవప్రదమైన జీవితాన్ని గడిపేందుకు,ఆహారం,నివాసం,విద్య,ఆరోగ్య సంరక్షణ వంటి మౌలిక అవసరాలు తీరేందుకు సరిపడా వేతనాన్ని అందుకోవాలని సిఐటియు కోరుతోంది. పెరుగుతున్న ద్రవ్యోల్బణం,ఖర్చులకు అనుగుణంగా కనీస వేతనాలను క్రమం తప్ప కుండా సవరించాలని,ఈ రక్షణను అన్ని కేటగిరీల కార్మికులకు ఎలాంటి మినహాయింపు లేకుండా వర్తింపు చేయాలని సిఐటియు పదే పదే పిలుపిస్తోంది.ఎక్కడ నిరసనలు జరిగినా సిఐటి యు అనుబంధ సంఘాలు, కిసాన్ సభ, డివై ఎఫఐ, ఎసఎఫఐ కార్యకర్తలు, సభ్యులందరూ నిరసనలకు దిగిన కార్మికులకు తోడ్పాటునంది స్తుంటారు. సిపిఎం ప్రధాన కార్యదర్శి, ఇతర నేతల జోక్యం కార్మిక శక్తి మనోధైర్యాన్ని పెంపొందించింది.ఫిబ్రవరి 12న పిలుపు ఇచ్చిన జాతీయ సమ్మె ప్రాంతాల వారీగా కార్మికులందరినీ సమీకరించి, సమాయత్తపరిచింది. సమ్మె సందర్భంగా ఇచ్చిన నినాదాలు అనేకమందికి స్ఫూర్తినిచ్చాయి. మోడీ ప్రభుత్వ కార్పొరేట్ అనుకూల విధానాలను అలాగే మతోన్మాద ధోరణులతో కార్మిక వర్గం ఐక్యతను బలహీనపరిచే ప్రయత్నాలను బట్టబయలు చేయడానికి దోహదపడ్డాయి.సంఘీభావాన్ని ప్రదర్శించాలంటూ సిఐటియు ఇచ్చిన పిలుపునకు అత్యధికంగా స్పందన లభించింది. అనేక రాష్ట్రాల్లో కార్మికులు మద్దతుగా వీధుల్లోకి వచ్చారు. ఈ ఉద్యమం కార్మిక వర్గం ఐక్యతను ప్రదర్శించింది. కొత్త రకమైన దిశా నిర్దేశాన్ని అందించింది. ఉత్తర భారతంలో కార్మికులు సాగిస్తున్న పోరాటాలు ఒక ప్రాథమిక వాస్తవాన్ని నొక్కి చెప్పాయి. సమైక్యతే కార్మిక శక్తి యొక్క అత్యంత గొప్ప బలం. సంఘటితం అయినపుడు,ఏ శక్తి కూడా వారి గళాన్ని నిలువరించలేదు. ఈ నిరసనలు, కాంట్రాక్టీకరణకు వ్యతిరేకంగా నిరంతరంగా సాగుతున్న ప్రతిఘటనను చూపించాయి. దీనితో పాటుగా కార్మిక వ్యతిరేక చట్టాల పట్ల గల దృఢమైన వ్యతిరేకతను వ్యక్తం చేశాయి. ఇది ప్రభుత్వాలపై, యజమానులపై వాస్తవ ఒత్తిడిని తీసుకురాగలుగుతుంది.మరింత మెరుగైన వేతనాలు, మౌలిక హక్కుల సాధన కోసం జరుపుతున్న పోరు క్రమంగా గౌరవం, న్యాయం, మరింత మెరుగైన భవితవ్యం కోసం సాగించే విస్తృత పోరాటంగా రూపుదాల్చింది. ఈ పోరాటంలో సిఐటియు దృఢమైన స్తంభంగా నిలిచింది. కార్మికులందరినీ సమీకరిస్తోంది. కార్మిక విధానాలను అస్థిరపరిచే, కార్మిక సంఘాల కార్యకలాపాలను అణచివేసే లక్ష్యం కలిగిన విధానాలకు వ్యతిరేకంగా స్పష్టమైన దిశా నిర్దేశాన్ని అందిస్తోంది.ముందున్న మార్గం అనేక సవాళ్ళతో కూడుకున్నదే, అయితే, స్థిరమైన, సమైక్య కార్యాచరణతో పాతుకుపోయిన అన్యాయాన్ని సవాలు చేయవచ్చని ఉత్తర భారతంలో కార్మికులు ప్రదర్శించిన కృత నిశ్చయం రుజువు చేసింది. దోపిడీతో కూడిన కాంట్రాక్టీకరణకు స్వస్తి చెప్పాలని డిమాండ్ చేయడం, కొత్త లేబర్ కోడ్‌లను తిరస్కరించడం, సార్వత్రిక కనీస వేతనాల కోసం పట్టుబట్టడం ద్వారా కార్మిక వర్గం తక్షణ ఉపశమనం కావాలని కోరడమే కాదు, మొత్తంగా దేశంలోని కార్మిక సంబంధాల భవిష్యత్‌ను కూడా పునర్నిర్మిస్తోంది. ఈ పరిణామాలన్నీ కార్మిక హక్కుల పునరుద్ఘాట నకు సంకేతం. ఇటువంటి ఉద్యమాలు విజయ వంతం కావడమనేది ప్రాంతాలవారీగా,రంగాల వారీగా కార్మికులు కొనసాగించే ఐక్యత, సంఘటితమవడంపై ఆధారపడి వుంటుంది.ఈ పోరాటం ఉధృత రూపాన్ని సంతరించుకుం టున్నందున సమిష్టి కార్యాచరణతో అర్ధవంతమైన మార్పును తీసుకురావచ్చన్న ఆశను కలిగిస్తోంది. అలాగే కొద్దిమంది కార్పొరేట్ల కన్నా పెద్ద సంఖ్యలోని కార్మిక లోకానికి ఆర్థిక పురోభివృద్ధి ప్రయోజనాలు అందేలా చూడాలని హామీ కల్పిస్తోంది.సంక్షోభ కాలంలో ప్రజల మీద ఫాసిస్టు పాలకుల నిర్బంధం పెరగడమే కాదు, ప్రజలు ఉవ్వెత్తున తిరగబడి చరిత్ర తిరగరాసే అవకాశం కూడ పెరుగుతుంది. ఆకలి నుంచి ఉక్రోశం, అణచివేత నుంచి ప్రతిఘటన పెరుగుతుంది. మార్పులు తీవ్రమైన వేగంతో సంభవిస్తాయి. అభ్యుదయ శక్తులు సంక్షోభ కారణాలను, స్వరూపాన్ని సక్రమంగా అవగతం చేసుకుని స్ఫూర్తితో జోక్యం చేసుకోవల్సిన సమయం ఇది. అన్ని విధాలుగా విఫలమైన పెట్టుబడిదారీ వ్యవస్థ స్థానంలో మెరుగైన ప్రత్యామ్నాయ వ్యవస్థను, దోపిడీ లేని సమసమాజాన్ని నిర్మించుకునే దిశగా ప్రజాతంత్ర ఉద్యమం ముందడుగు వేయాల్సిన అవసరం ఉంది. దుష్ట మాంత్రికుడి ప్రాణం చిలకలో ఉన్నట్లు ఈ ‘హిందూత్వ’ అంతం ప్రజా ప్రతిఘటనలో ఉంది. అంతిమంగా పై చేయి సాధించేది అదే. 2022 నాటికి దేశ జిడిపిలో పారిశ్రామిక ఉత్పత్తి రంగం వాటాను 25 శాతానికి పెంచే విధంగా మేక్ ఇన్ ఇండియా పథకాన్ని 2014లో ప్రధాని నరేంద్ర మోడీ ప్రకటించారు. జిడిపిలో పారిశ్రామిక ఉత్పత్తి వాటా 25 శాతానికి చేరే సంగతి అటుంచి మోడీ ఏలుబడిలోకి వచ్చేనాటికి ఉన్న 16.3 శాతం కాస్తా 2020-21 నాటికి 14.3 శాతానికి దిగజారింది. మేకిన్ ఇండియా పథకాన్ని ఉపాధి పెంపుదల, విదేశాలకు వస్తు ఎగుమతులు, మన దిగుమతులు తగ్గించే లక్ష్యంతో ప్రకటించారు. మన దిగుమతుల బిల్లు తగ్గిన దాఖలాలుగానీ, ఎగుమతులు పెరిగిన అనవాలు గానీ కనిపించటం లేదు. 2022 నాటికి రైతుల ఆదాయాన్ని రెట్టింపు చేస్తామన్న వాగ్దానం నెరవేర్చకపోగా రైతాంగానికి ఎసరు పెట్టి వ్యవసాయాన్ని కార్పొరేట్లకు కట్టబెట్టేందుకు దుర్మార్గమైన మూడు వ్యవసాయ చట్టాలు తీసుకొచ్చి అబాసుపాలైన విషయం తెలిసిందే. మద్దతు ధరకు చట్టం తీసుకొస్తామని హామీ ఇచ్చిన మోడీ కాలయాపన చేస్తూ మీన మేషాలు లెక్కిస్తున్నాడు.- జి ఎన్ వి సతీష్ 

పది తర్వాత ఏమి చేయాలని ఆలోచిస్తున్నారా..?

విద్యార్థి దశలో పదోతరగతి అత్యంత కీలక మైంది.ఇటీవలే పదోతరగతి ఫలితాలు విడుదలయ్యాయి.తదనంతరం ఏకోర్సు చదవాలనే ఆలోచ నలు అనేక మందిలో మొదలయ్యాయి.చక్కగా ఆలోచించి సరైననిర్ణయం తీసుకుంటే భవిష్యత్తు బంగారుమయం అవుతుంది.విద్యార్థులు తమశక్తి సామర్థ్యాలు,అభిరుచులకు అనుగుణంగా కోర్సులను ఎంచుకోవాలని విద్యానిపుణులు సూచిస్తున్నారు.ఇంటర్మీడియట్ విద్యలో చేరేందుకు ప్రభుత్వ పరంగా ఏఏ కళాశాలలు,కోర్సులు అందుబాటులో ఉన్నాయనే వివరాలు మీకోసం.- జి.ఆనంద్ సునీల్ కుమార్

గురుకులాలు ఆహ్వానిస్తున్నాయ్ గురుకుల(రెసిడెన్షియల్) విద్యను ప్రభుత్వం ప్రతి ష్ఠాత్మకంగా తీసుకుంటోంది. ప్రవేశ పరీక్షల్లో (ఎంట్రన్స్ టెస్ట్) ఉత్తమ ఫలితాలను సాధించిన వారు వీటిలో చేరవచ్చు.ఆంగ్ల విద్యతో పాటు వసతి సౌకర్యం కూడా ఉంటుంది. ఈ గురు కులాల్లో రుచికరమైన భోజనాన్ని అందిస్తారు. కార్పొరేట్ కళాశాల తరహాలో ఎప్‌సెట్,నీట్ తదితర వాటి కోసం విద్యార్థులను సన్నద్ధం చేస్తారు.
వృత్తి విద్యా కోర్సులతో ఉపాధి
తక్కువ సమయంలో ఉపాధి అవకాశాల కోసం వృత్తివిద్యా(వొకేషనల్) కోర్సులను ఎంచుకోవటం ఉత్తమం. పదోతరగతి పాసైనవారు ఐటీఐ కాలేజీల్లో చేరవచ్చు. తమ ఆసక్తికి అనుగుణంగా కోర్సులను ఎంచుకోవచ్చు. ఐటీఐ చేసిన వారికి పరిశ్రమల్లో మంచి డిమాండ్ ఉంది. నైపుణ్యాలు ఉంటే కొలువు సంపాదించడం సులువే.
పాలిటెక్నిక్‌తో బీటెక్‌కు దగ్గరి దారి!
పాలిసెట్ ప్రవేశపరీక్షలో మంచి ర్యాంకులు సాధించినవారు పాలిటెక్నిక్ కోర్సులో చేరాలి.3 ఏళ్ల పాటు శిక్షణ తీసుకోవాలి. పూర్తిచేసిన వారు నేరుగా బీటెక్ సెకండ్ ఇయర్‌లో చేరవచ్చు. ఈ కోర్సులు పూర్తి చేసిన వారికి ప్రభుత్వ, ప్రైవేట్ రంగాల్లో ఉద్యోగావకాశాలు పుష్కలంగా లభించే అవకాశం ఉంది. మరోవైపు వ్యవసాయ పాలిటెక్నిక్ కళాశాలలు కూడా ఉన్నాయి. వ్యవసాయ రంగంపై ఆసక్తి కలిగిన విద్యార్థులు ఈ కోర్సుల్లో చేరవచ్చు. ఇది ఇంటర్మీడియట్ విద్యతో సమానం. వ్యవసాయ పాలిటెక్నిక్ కోర్సు వ్యవధి రెండేళ్లు ఉంటుంది. కోర్సు పూర్తయి నట్లయితే వ్యవసాయ విస్తరణ అధికారుల కొలువులు సాధించవచ్చు.
ఆర్జీయూకేటీ పిలుస్తోంది
పదోతరగతిలో ఉత్తమ ఫలితాలు సాధించే గ్రామీణ విద్యార్థులకు ట్రిపుల్ ఐటీ విద్య ఒక మంచి అవకాశం అని చెప్పవచ్చు. బాసరలోని రాజీవ్‌గాంధీ యూనివర్సిటీ ఆఫ్ నాలెడ్జ్ టెక్నాలజీస్ (ఆర్జీయూకేటీ)లో 6ఏళ్ల సమీకృత ఇంజినీరింగ్ కోర్సు ఉంటుంది.పదోతరగతి మార్కుల ఆధారంగా ట్రిపుల్ ఐటీల్లో ప్రవేశం పొందవచ్చు. విద్యార్థులు తమ అభిరుచులకు అనుగుణమైన కోర్సులను ఎంపిక చేసుకోవచ్చు. అన్ని సామాజికవర్గాల వారికీ వీటిలో అవకాశం ఉంటుంది.
ఏకలవ్య, ఆదర్శ స్కూల్స్
ఇంగ్లిష్ మీడియంలో ఇంటర్ విద్యనభ్యసించా లనుకునే గ్రామీణ ప్రాంత విద్యార్థులకు ఏకలవ్య, ఆదర్శ విద్యాలయాలు(మోడల్ స్కూల్‌లు) అందుబాటులో ఉన్నాయి. ఎంట్రన్స్ టెస్ట్‌లో మంచి ర్యాంకులు వస్తే వీటిలో చేరవచ్చు. సాధారణ ఇంటర్ చదువులతో పాటు వృత్తివిద్యా కోర్సులను కూడా ఇక్కడ బోధిస్తారు.
కేజీబీవీలు బాలికలకు వరం
కస్తూర్బాగాంధీ బాలికా విద్యాలయాలు విద్యార్థినులకు వరం లాంటివి అని చెప్పవచ్చు. ఈ కేజీబీవీల్లో ఇంటర్ విద్య కొనసాగుతోంది. ప్రవేశ పరీక్షలు లేకుండా పదోతరగతి ఉత్తీర్ణత సాధించిన విద్యార్థినులు వీటిలో చేరవచ్చు. ఎంపీసీ, బైపీసీ,సీఈసీ, మల్టీపర్పస్ హెల్త్ వర్కర్ (ఎంపీహెచ్‌డబ్ల్యూ) వంటి కోర్సులు ఈ కేజీబీవీల్లో అందుబాటులో ఉంటాయి.
పదో తరగతి తర్వాత ఎన్నో కోర్సులు!
వీటితో వేల సంఖ్యలో కెరియర్లకు మార్గం సుగమం చేసుకోవచ్చు. ఎంపికలో మాత్రం గుంపులో గోవింద అని, అందరు అందులో చేరుతున్నారని, స్నేహితులు చెప్పారని, అమ్మానాన్నల ఆశయమని, అవకాశాలు మెండుగా ఉన్నాయని నిర్ణయానికి రాకూడదు. ఇవేవి మీకు సరైనవి కాకపోవచ్చు. వీటి ఎంపికలో మీ ముద్ర లేకోపోవడమే ఇందుకు కారణం. మీ దారి మహోన్నతం కావాలంటే నిర్ణయం తీసుకోవాల్సింది మీరే!.ఎవరి మార్గాన్ని వారు నిర్ణయించుకునే అవకాశం పదో తరగతి తర్వాత వస్తుంది. ఉన్న వాటిలో గమ్యాన్ని చేర్చేదాన్ని ఎంచుకోవడమే ప్రధానం. ఇందుకు స్వీయ సామర్థ్యాలే కొలమానం. ప్రతి విద్యార్థీ ఎవరికి వారే ప్రత్యేకం. అందువల్ల నైపుణ్యాలు, ఆసక్తులు గుర్తించి, సరైన కోర్సు ఎంచుకుంటే మేటి భవిష్యత్తు దిశగా మొదటి అడుగు పడినట్లే!
నిర్ణయం మీదే
మీ గురించి మీకంటే ఎక్కువగా మరెవరికీ తెలీదు. స్వీయ సమీక్షే కీలకం. ఇందుకోసం మీ సామర్థ్యం, ఆసక్తులను పరిగణనలోకి తీసుకోండి. మీ బలహీనతలేమిటో గుర్తించి, వాటి ప్రకారం పది తర్వాత ఉన్న కోర్సుల జాబితాలో కొన్నింటిని వదిలేయండి. మిగిలినవాటిలో మీకు సరిపోయేది ఏదో ఎంచుకోవాలి. ఈ క్రమంలో సమగ్రత కొరవడకుండా చూసుకోండి. పది తర్వాత ఉన్న అన్ని కోర్సులు, మార్గాలపైనా అవగాహన పెంచుకోవాలి.
సరిపోయేవి ఎంచుకోవాలి
పది తరగతి పూర్తిచేసుకున్న వారికోసం ఇంటర్మీడియట్, పాలిటెక్నిక్, డిప్లొమాలు,ఐటీఐ, వొకేషనల్ కోర్సులు,ఉద్యోగాలు, ప్రత్యేక డిప్లొమాలు అందుబాటులో ఉన్నాయి. ఇవన్నీ ప్రాధాన్యం ఉన్నవే. అయితే మీకు సరిపోయేవి ఏవో మీరే గుర్తించాలి. ఉన్న వాటిలో ఏదో ఒక్కటి మాత్రమే ఎంచుకునే అవకాశం ఉంటుంది. అందువల్ల బాగా ఆలోచించి,విశ్లేషించుకుని నిర్ణయం తీసుకోవాలి.
సబ్జెక్టు రాదని మరో కోర్సు వద్దు
మ్యాథ్స్ అంటే భయం కాబట్టి బైపీసీ,సైన్స్‌పై ఆసక్తి లేక సీఈసీ ఇలా వేరే కోర్సులు తీసుకుంటే రాణించలేరు.ఎందుకంటే బైపీసీ తీసుకోవడానికి మ్యాథ్స్ రాకపోవడం కారణం కాకూడదు. సైన్స్ అంశాల్లో పట్టు లేదు, అందుకే ఆర్ట్స్ కోర్సుల్లో చేరాలని నిర్ణయించుకోవద్దు. ఏఅంశాల్లో ప్రావీణ్యం ఉందో గుర్తించి,సంబంధిత కోర్సులు ఎంచుకోవాలి. ఒక సబ్జెక్టులో ఆసక్తి, ప్రావీణ్యం లేదనే కారణంతో ఇంకో కోర్సు ఎంచుకోవద్దు. అన్ని కోణాల్లోనూ ఆలోచించి నిర్ణయానికి రావాలి.
ఎవరికోసం కోర్సులు వద్దు
చదువులో రాణించలేని ఎక్కువమంది విద్యార్థులు చెప్పే ప్రధాన కారణం ఫలానా వాళ్ల ఒత్తిడితో ఇష్టం లేకుండా ఈకోర్సులో చేరి నష్టపోయానని అంటారు. అందువల్ల తెలిసినవాళ్లు, బంధువులు సూచించారనో,స్నేహితులతో కలిసి ఉండొచ్చనో, ఎక్కవ డబ్బులు సంపాదించవచ్చనో, సులువుగా ఉత్తీర్ణత సాధించవచ్చనో, ఎక్కువ మంది చేరుతు న్నారనో ఇలాంటి కారణాలతో కోర్సు, గ్రూపులను ఎంచుకోవద్దు. చేరిన కోర్సులో రాణించాల్సిన బాధ్యత మీదేనని మర్చిపోవద్దు. అందుకే ఎవరి భవిష్యత్తుని వాళ్లే నిర్ణయించుకుని కెరియర్ సౌధాన్ని నిర్మించుకోవాలి. పిల్లల సామర్థ్యాన్ని పరిగణనలోకి తీసుకుని తల్లిదండ్రులు వారికి సరిపోయే కోర్సులను ఎంపిక చేయాలి. వ్యక్తిగత ఆశయాలను రుద్దితే భవిష్యత్తులో ఇద్దరికీ సమస్యే. కొన్నిసార్లు తీవ్ర ఒత్తిడితో అనుకోని పరిణామాలూ ఎదుర్కోవాల్సి రావచ్చు. పిల్లలపై వ్యక్తిగత ఆశయా లను రుద్దకూడదు. ఆసక్తి లేకుండా, తల్లిదండ్రుల ఇష్ట ప్రకారమే చదవాల్సి వస్తే వాళ్లు ఒత్తడికి గురవుతారు.
ఈ షార్ట్ టర్మ్‌కోర్సులు నేర్చుకుంటే సూపర్ బెనిఫిట్స్! :
సాంకేతిక నైపుణ్యాలు, ఆరోగ్య సంరక్షణ సేవలు కలయికగా రూపొం దించిన కోర్సు ఇది. హైదరా బాద్, విజయవాడ ల్లోని గవర్నమెంట్ డెంటల్ మెడికల్ ఎడ్యు¹ ¿షన్‌తో పాటు పలు ప్రైవేటు దంత వైద్య కాలేజీలు రెండేళ్ల కోర్సును అంది స్తున్నాయి. డెంటల్ ప్రోథెస్టిక్స్,అసిస్ట్ డెంటిస్ట్, ల్యాబ్ పరికరాల నిర్వహణ లాంటి నైపుణ్యాలను శిక్షణలో భాగంగా నేర్పుతారు. కోర్సు పూర్తి చేసిన వారికి డెంటల్ ల్యాబ్‌లు, క్లినిక్‌ల్లో ఉద్యోగ అవకాశాలు ఉంటాయి. ఇందులో అనుభవం గడించి, విద్యార్హత పెంచుకుంటే సొంతంగా ప్రాక్టీస్ ప్రారంభించవచ్చనని విద్యవేత్తలు సూచిస్తున్నారు.
ఆకర్షించే స్టాక్ ట్రేడింగ్
ప్రస్తుతం అనూహ్యంగా పెరుగుతూ, అందరినీ ఆకర్షిస్తున్న రంగం స్టాక్ మార్కెట్ అప్‌స్టాక్, జెరోదా,ఫైనాన్షియల్ ట్రేడింగ్ లాంటి కొత్తతరం ట్రేడింగ్ కంపెనీల రాకతో ఆన్‌లైన్‌లో స్టాక్స్ కొనడం,అమ్మడం, పెట్టుబడి పెట్టడం ఈజీ అయిపోయింది. నేటి ట్రెండ్‌కు తగినట్లుగా యువతరానికి ట్రేడింగ్ ప్రాథమిక అంశాలు, ఫైనాన్షియల్ ప్లానింగ్, పెట్టుబడుల విశ్లేషణ నేర్పే కోర్సులు అందుబాటులో వచ్చాయి. (నేషనల్ ఇనిస్టిట్యూట్ ఆఫ్ ఫైనాన్సియల్ మార్కెట్ (ఎనఐఎఫఎం) సంస్థతో పాటు యుడెమీ, జెరోదా వర్సిటీ లాంటి ఆన్‌లైన్ వేదికల్లోనూ స్వల్పకాల సర్టిఫికేట్ కోర్సులున్నాయి.స్టాక్ ట్రేడింగ్‌లో ప్రాథమిక అంశాల నుంచి నష్టభయం నియం త్రణ, పోర్ట్‌ఫోలియో నిర్మాణం వరకు అన్ని అంశాలు నేర్పుతారు. ఈ నైపుణ్యాలతో ఫైనాన్స్ సంస్థల్లో ఎంట్రీలెవల్ ఉద్యోగాలను అందుకోవచ్చు లేదా సొంత అవకాశాలను సృష్టించుకోవచ్చనని కెరియర్ కౌన్సెలర్లు చెబుతున్నారు.
దూసుకొస్తున్న గిగ్ ఉద్యోగాలు
నేటి యువతరాన్ని గిగ్ రంగం అమితంగా ఆకట్టుకుంటూ మంచి అవకాశాలు చూపుతోందని విద్యా నిపుణులు పేర్కొంటున్నారు. ఇవి టాస్క్ బేస్డ్? ఉద్యోగాలు (నిర్ణీత పని ఆధారితం). అమెజాన్ ప్లెక్స్, స్విగ్గీ, అర్బన్ కంపెనీ లాంటివన్నీ గృహోపకరణాలు, అలంకరణ సేవలు, డ్రైవింగ్, సరకు డెలివరీ, ఎలక్ట్రానిక్ పరికరాల మరమ్మత్తులో నైపుణ్యం ఉన్నవారిపైనే ఆధారపడతాయి. ఈ రంగాన్ని ప్రభుత్వాలు కూడా గుర్తించి ప్రోత్సహిస్తున్నాయని నిపుణులు వివరిస్తున్నారు. ఇందుకు అనుగుణంగా ఆంధ్రప్రదేశ్ స్టేట్ స్కిల్ డెవలప్‌మెంట్ కార్పొరేషన్ తెలంగాణ అకాడమీ ఫర్ స్కిల్ అండ్ నాలెడ్జ్ (TASఖ) ఉచితంగా స్వల్పకాల శిక్షణ ఇస్తున్నాయి. ప్రాథమిక ఐటీ సేవలు, మొబైల్ ఫోన్ రీపేర్, డిజిటల్ మార్కెటింగ్ లాంటి కోర్సులు నేర్పిస్తూ గిగ్ రంగానికి పనికొచ్చేలా మారుస్తున్నాయి.

నీరు.. సమానత్వానికి ప్రవహించే దారి

తెల్లవారుజామున నాలుగు గంటలు. ఇంకా చీకటి వీడలేదు. ఒక మారుమÖల గిరిజన గ్రామంలో ఆమె నిద్ర లేచింది.ఆమె మొదటి పని- కిలో మీటర్ల దూరంలో ఉన్న నీటి బావికి పయనం. తలపై కుండ, చేతిలో పిల్లవాడు. ఈ చిత్రం భారత దేశంలోనే కాదు, ప్రపంచ వ్యాప్తంగా లక్షలాది మంది మహిళల దైనందిన జీవితం అంటే ఆశ్చర్యపోవాల్సిన పనిలేదు. ప్రపంచ వ్యాప్తంగా 180 కోట్ల మంది ప్రజలకు ఇంటి ఆవరణలో తాగునీరు అందుబాటులో లేదు. ఈ పరిస్థితిలో మÖ డింట రెండు వంతుల కుటుంబాల్లో నీటి సేకరణ బాధ్యత మహిళలదే. 53 దేశాల్లోని గణాంకాలు చెప్పేదేమిటంటే-మహిళలు, బాలికలు అందరూ కలిసి ప్రతిరోజూ నీటి కోసం కేటాయించే గంటలను లెక్కిస్తే.. 25కోట్ల గంటలు కేటాయిస్తున్నట్లు తేలింది. ఇది పురుషులు, బాలురు కేటాయించే సమయం కంటే మÖడు రెట్లు ఎక్కువ. ఇన్నేళ్ల ప్రపంచాభివృద్ధిలో నేటికీ తాగునీటికి కటకటలాడే పరిస్థితి. ఇప్పుడు వేసవి కాలం.. ఈ సమస్య మరింత జఠిలంగా మారుతుంది. మంచినీటి సమస్యఅనేది మహిళల వెత లు, అసమానతలకు అద్దంపడుతోంది.నీటి కోసం మహిళలు పడే ఈవెతలు వారిని అనేక రకాల అసమానతలకు గురిచేస్తున్నాయి.అందులో విద్యాపరమైన అసమానత ఒకటి. నీటి కోసం గంటల కొద్దీ ప్రయాణించాల్సి రావడంతో బాలికలు చదువుకు దూరమవుతున్నారు. పాఠశాలకు వెళ్లాల్సిన వాళ్ల రోజంతా నీటి వెతుకులాటలోనే గడిచిపోతోంది. ఆరోగ్యపరమైన ప్రభావం రెండోది. నీటి భారాన్ని మోస్తూ కిలోమీటర్లు నడవడం వల్ల వెన్నునొప్పి, గర్భసంబంధ సమస్యలు, ఇతర శారీరక సమస్యలు మహిళలను వెంటాడుతున్నాయి. అంతేకాదు, కలుషిత నీటి వల్ల ప్రతిరోజూ ఐదేళ్ల లోపు 1,000 మంది పిల్లలు మరణిస్తున్నారు. శరీరానికి అవసరమైనంత నీటిని తాగకపోవడం వల్ల మరెన్నో అనారోగ్య సమస్యలకు గురవుతున్నారు.-` శాంతిశ్రీ
1 … 5 6 7 8 9 … 87