సింగల్ యుజ్ ప్లాస్టిక్‌పై జీవీఎంసీ పోరాటం
రాష్ట్ర వ్యాప్తంగా సింగిల్ యూజ్ ప్లాస్టిక్‌ను నిషే ధించాలని నిర్ణయించిన రాష్ట్ర ప్రభుత్వం అందుకు తగ్గట్టుగా మహా విశాఖ మునిపల్ కార్పోరేషన్ సంస్థ(జీవీఎంసీ)గత రెండేళ్ల నుంచి పక డ్బందీగా కార్యాచరణ ప్రారంభించింది. ప్రాంతాలవారీగా పలు దశల్లో ప్లాస్టిక్ నిషేధాన్ని అమల్లోకి తీసుకు వస్తోంది. ప్లాస్టిక్ కవర్లు నీటి వనరుల్లో కలిసి వాటి అవశేషాలు మానవ దేహంలోకి వెళ్తున్నాయని ఫలితంగా క్యాన్సర్ బారిన పడుతున్నారని ప్రజలకు అవగాహణ కల్పిస్తున్నారు. ప్రభుత్వ ఆదేశాల మేరకు ప్రజల ఆరోగ్య పరిరక్షణ, పర్యావరణ పరి రక్షణ కోసం ప్లాస్టిక్ వినియోగాన్ని నిషేధానికి జీవీఎంసీ పకడ్బంధీగా చర్యలు తీసుకుంటున్నారు. గత ఏడాది జూన్ 5 నుంచి రాష్ట్ర వ్యాప్తంగా సింగిల్ యూజ్ ప్లాస్టిక్‌ను నిషేధించేందుకు చర్య లు చేపట్టాం. ప్రతి నెల ఒక థీమ్‌ని పెట్టుకొని కొన సాగిస్తున్నాం. ప్రస్తుతం ప్రజలు ప్లాస్టిక్ వాడకాన్ని అధికంగా వినియోగిస్తున్నారు. ఇది ఒక్కసారిగా పూర్తి అయ్యే కార్యక్రమం కాదు. అందుకే అంచెలు అంచెలుగా ప్రణాళికలు చేస్తున్నాం.” – కేతన్ గార్గే,కమీషనర్,జీవీఎంసీ.
‘సింగిల్ యూజ్ ప్లాస్టిక్ వాడకండి.. ప్రకృతిని కాపాడండి’ సింగిల్ యూజ్ ప్లాస్టిక్ కారణంగా దరిత్రితో పాటు, ప్రకృతి పెను విపత్తును ఎదుర్కొంటున్న దని దీనిని దృష్టిలో ఉంచుకుని ప్రతి ఒక్కరూ సింగిల్ యూజ్ ప్లాస్టిక్‌ను నిషేధించాలని మహా విశాఖ నగర పాలక సంస్థ (జీవీఎంసీ)పిలుపునిచ్చింది. సింగిల్ యూజ్ ప్లాస్టిక్ వల్ల ప్రపంచం పెను ప్రమాదంలో చిక్కు కుందని,దీనివల్ల వాతావరణ,జల,భూమి కాలుష్యాలు ఏర్పడుతున్నాయి. మానవ తప్పిదాలు,వివాదాల వల్ల మనుషులతో పాటు,జంతుజాలానికి కూడా ప్రమాదం ఏర్పడుతోంది.ప్లాస్టిక్ వినియోగం అనంతరం డీకం పోస్టు చేయకపోవడం వల్ల ఇది భూమితో పాటు, ప్రకృతిని నాశనం చేస్తుస్తోంది. దీని నుండి బయట పడేందుకు ప్రతి ఒక్కరు పెద్ద ఎత్తున మొక్కలు నాటి దరిత్రిని సంరక్షించు కోవాల్సిన బాధ్యత ఉందని జీవీ ఎంసీ కమిషనర్ కేతన్ గార్గె’ పిలుపు నిచ్చారు.
మొక్కలు నాటి సంరక్షించడంతో పాటు, ప్లాస్టిక్ వాడకాన్ని తగ్గించడం, ఒకవేళ వాడినట్లైతే తిరిగి దానిని వినియోగించడం, రీసైకిల్ చేయడం వంటి వాటిపై దృష్టి సారించాలని, ఈ నినాదం ప్రతి గృహానికి వెళ్లేలా చూడాల్సిన బాధ్యత ప్రతి ఒక్కరిపై ఉంది. అప్పుడే మనం భూమిని, ప్రకృతిని కాపాడగలుగుతామన్నారు.సింగిల్ యూజ్ ప్లాస్టిక్ నిషేధంలో భాగంగా ప్రతి ఒక్కరూ బయటికి,లేదా మార్కెట్‌కు వెళ్లేటప్పుడు తప్పని సరిగా కాటన్ చేతి సంచులు వాడాలని, ప్లాస్టిక్ వాటర్ బాటిల్‌కు బదులు స్టీల్ లేదామట్టి బాటిల్స్ వాడడం,ప్లాస్టిక్ మెటీరియల్ వాడకుండా చూడా లని,ఈ విషయంపై అన్ని చోట్ల అవగాహన కల్పిం చాలని తెలిపారు .రాష్ట్ర ప్రభుత్వం అత్యంత ప్రతి ష్టాత్మకంగా చేపట్టిన ప్రజాపాలన-ప్రగతి ప్రణాళి కలో భాగంగా అన్నిచోట్ల సింగిల్ యూజ్ ప్లాస్టిక్ నిషేధం ప్రకృతిని కాపాడే అంశంపై పెద్ద ఎత్తున నగరంలో ప్రచారం నిర్వహిస్తున్నారు..ప్రతి ఒక్కరూ ప్రకృతిని కాపాడుకునే ప్రయత్నం చేయా లని,అప్పుడే మనం అనుకున్న అందమైన జీవితా న్ని గడపగలుగుతారని భావిస్తున్నారు.
రైతు బజార్లో ప్లాస్టిక్ ప్రత్యామ్నాయాలపై అవగా హన కార్యక్రమం.
పర్యావరణహిత వస్తువుల వినియోగంతో ప్లాస్టిక్ వ్యర్థాలకు స్వస్తి పలుకుదాం.సింగిల్ యూజ్ ప్లాస్టిక్ వినియోగం పర్యావరణానికి తీవ్ర హానికర మని,ప్రతి ఒక్కరూ ప్లాస్టిక్ వినియోగాన్ని పూర్తిగా తగ్గించి పర్యావరణహిత ప్రత్యామ్నాయాలను ఉపయోగించాలని జీవీఎంసీ చీఫ్ మెడికల్ ఆఫీ సర్ ఆఫ్ హెల్త్ డాక్టర్ ఈ.ఎన్.వి.నరేష్ కుమార్ పేర్కొన్నారు. సోమవారం ఆయన తూర్పు జోన్ పరిధిలో ప్లాస్టిక్ వ్యర్థాల నియంత్రణ,పర్యావరణ పరిరక్షణపై ప్రజల్లో అవగాహన పెంపొందిం చేందుకు వార్డు నెం.23 పరిధిలోని సీతమ్మధార రైతు బజార్లో “ప్లాస్టిక్ వినియోగాన్ని స్వస్తి పలు కుతూ ప్రత్యామ్నాయ వస్తువులను వినియోగిం చాలని అవగాహన కార్యక్రమం” నిర్వహించారు. ఈ సందర్భంగా మార్కెట్ వ్యాపారులు, దుకాణ దారులు, స్థానిక ప్రజలకు సింగిల్ యూజ్ ప్లాస్టిక్ వల్ల కలిగే హానికర ప్రభావాలపై అవగాహన కల్పించారు. ప్లాస్టిక్ క్యారీ బ్యాగులకు బదులుగా వస్త్ర సంచులు, నార సంచులు, పేపర్ బ్యాగులు, స్టీల్ కంటైనర్లు, బయోడిగ్రేడబుల్ ప్లేట్లు మరియు కప్పులను వినియోగించాలని సూచించారు. మార్కెట్ ప్రాంతాల్లో ప్లాస్టిక్ వ్యర్థాల ఉత్పత్తిని తగ్గించి, సుస్థిరమైన పర్యావరణ పరిరక్షణకు ప్రతి ఒక్కరూ సహకరించాలని కోరారు. పరిశుభ్రమైన, ఆరోగ్యకరమైన నగర నిర్మాణానికి పర్యావరణ హిత అలవాట్లు ప్రతి ఒక్కరూ అలవరుచు కోవాలని తెలిపారు.స్వచ్ఛ సర్వేక్షన్ 2025-26లో విశాఖ నగరం పరిశుభ్ర నగరంగా,ప్లాస్టిక్ రహిత నగరంగా, పర్యావరణహిత నగరంగా దేశంలోనే ప్రథమ స్థానం పొందేందుకు వ్యాపారులు, కొనుగోలు దారులు ,ప్రజలు సహకరించాలని సీఎంహెచ్ కోరారు.- జి.ఆనంద్ సునీల్ కుమార్