స్వచ్ఛతలో విశాఖ సత్తా

విశాఖపట్నం: స్వచ్ఛత, పర్యావరణ పరిరక్షణ పరిరక్షణలో విశాఖ తన సత్తా చాటింది.విశాఖపట్నం పోర్టు అథారిటీ మరోసారి తన ప్రత్యేకతను చాటుకుంది. దేశంలోని పోర్టుల్లో తనదైన ముద్ర వేసిన విశాఖ పోర్టు..తాజాగా జాతీయ స్థాయిలో ‘స్వచ్ఛ పఖ్వాడ అవార్డు’ను సొంతం చేసుకుంది. కేంద్ర ప్రభుత్వం నిర్వహించిన ఈ ప్రతిష్టాత్మక కార్యక్ర మంలో పరిశ్రమల విభాగంలో విశాఖ పోర్టు ప్రథమ స్థానంలో నిలిచింది.
జాతీయ స్థాయిలో గుర్తింపుకేంద్ర ప్రభుత్వం చేపడుతున్న ‘స్వచ్ఛ భారత్ మిషన’లో భాగంగా ప్రతి ఏడాది వివిధ రంగాల్లో స్వచ్ఛత కార్యక్రమాలను సమర్థంగా అమలు చేసిన సంస్థలకు ‘స్వచ్ఛ పఖ్వాడ’ అవార్డు లను అందజేస్తున్నారు. ఈ క్రమంలో దేశ వ్యాప్తంగా భారీ పోటీ నెలకొన్నప్పటికీ.. విశాఖ పోర్టు తన సమర్థవంతమైన స్వచ్ఛత కార్యక్రమాలతో అగ్రస్థానాన్ని దక్కించు కుంది.ముంబయిలో నిర్వహించిన జాతీయ స్థాయి అవార్డు కార్యక్రమంలో కేంద్ర ఓడరేవులు,షిప్పింగ్,జలమార్గాలశాఖ మంత్రి సర్బానంద సోనోవాల్ చేతుల మీదుగా విశాఖ పోర్టు అథారిటీ ఛైర్మన్ డాక్టర్ ఎం.అంగముత్తు అవార్డును స్వీక రించారు.ఈ సందర్భంగా డాక్టర్ ఎం. అంగముత్తు మాట్లాడుతూ..పర్యావరణ పరిరక్షణ,పరిశుభ్రతకు విశాఖ పోర్టు ఎల్లప్పుడూ అధిక ప్రాధాన్యం ఇస్తోందని తెలిపారు. స్వచ్ఛత మిషన్ కార్యక్రమా లను ప్రణాళికాబద్ధంగా,సమర్థవం తంగా అమలు చేయడంవల్లే ఈ ప్రతిష్టాత్మక అవార్డు సాధ్యమైందన్నారు.ఈ అవార్డు పర్యావరణ పరిరక్షణతోపాటు స్థిర మైన పోర్టు కార్యకలాపాల నిర్వహణలో విశాఖ పోర్టు నాయకత్వానికి మరింత బలం చేకూర్చిందని పేర్కొన్నారు.
రెండో సారి రాష్ట్రస్థాయి స్వచ్ఛ ఆంధ్ర అవార్డులు అందుకున్న జీవీఎంసీ.
“స్వచ్ఛ మున్సిపాలిటీస” కేటగిరీలో మహావిశాఖనగర పాలక సంస్థ(జీవీఎంసీ)కి రాష్ట్రస్థాయి అవార్డు రెండోసారి లభించింది. అలాగే“స్వచ్ఛ గవర్నమెంట్ ఆఫీసెస” కేటగిరీలో కూడా జీవీఎంసీకి రాష్ట్రస్థాయి పురస్కారం జీవీఎంసీ కమిషనర్ కమిషనర్ కేతన్ గార్గ్ రాష్ట్ర ముఖ్యమంత్రి నారా చంద్రబాబు నాయుడు చేతుల మీదగా అందుకున్నారు.అలాగే ‘స్వచ్ఛత వారియర్స’ కేటగిరీలో జీవీఎంసీ వెస్ట్ జోన్ వై.నాగ రాజుకు రాష్ట్రస్థాయి అవార్డు లభించింది. విశాఖ నగర ప్రజల భాగస్వామ్యం,పారిశుధ్య కార్మికుల సేవలు,అధికారులు,సిబ్బంది సమష్టి కృషికి లభించిన గుర్తింపు అని కమిషర్ కొనియాడారు.మహాత్మా గాంధీ జయంతిని పురస్కరించుకుని విజయవాడ లో ఏ-కన్వెన్షన్ వేదికగా నిర్వహించిన “స్వర్ణాంధ్ర-స్వచ్ఛాంధ్ర” అవార్డుల ప్రదానోత్సవ కార్యక్రమంలో “స్వచ్ఛ ఆంధ్ర అవార్డ్స్-2026”కు సంబంధించి జీవీఎంసీ రెండు ప్రతిష్టాత్మక రాష్ట్రస్థాయి అవార్డులను అందుకుంది. ఆంధ్రప్రదేశ్ రాష్ట్ర ముఖ్య మంత్రి నారా చంద్రబాబు నాయుడు చేతుల మీదుగా జీవీఎంసీ కమిషనర్ కేతన్ గార్గ్ ఈ అవార్డులను స్వీకరించారు.మూడు లక్షలకు పైబడిన జనాభా కలిగిన పట్టణ స్థానిక సంస్థల విభాగంలో “స్వచ్ఛ మున్సి పాలిటీస” కేటగిరీలో జీవీఎంసీ రాష్ట్రస్థాయి అవార్డును అందుకోగా, “స్వచ్ఛ గవర్న మెంట్ ఆఫీసెస” కేటగిరీలోనూ జీవీఎంసీ రాష్ట్రస్థాయి అవార్డును అందుకుంది. ఈ అవార్డుల ప్రదానోత్సవ కార్యక్రమంలో జీవీఎంసీ కమిషనర్ కేతన్ గార్గ్‌తో పాటు జీవీఎంసీ అదనపు కమిషనర్ పల్లి నల్లన య్య, జీవీఎంసీ వెస్ట్ జోన్ జోనల్ కమిషనర్ బి .హేమావతి పాల్గొన్నారు.అదేవిధంగా “స్వచ్ఛత వారియర్స” కేటగిరీలో జీవీఎంసీ వెస్ట్ జోన్‌కు చెందిన వై.నాగరాజు రాష్ట్ర స్థాయి అవార్డును ముఖ్యమంత్రి చేతుల మీదుగా అందుకున్నారు.ఈ సందర్భంగా జీవీఎంసీ కమిషనర్ కేతన్ గార్గ్ మాట్లా డుతూ, జీవీఎంసీకి లభించిన ఈ రాష్ట్ర స్థాయి స్వచ్ఛ ఆంధ్ర అవార్డులు విశాఖ నగర ప్రజల భాగస్వామ్యం,పారిశుధ్య కార్మికుల నిరంతర సేవలు,అధికారులు, ఉద్యోగులు,స్వచ్ఛత వారియర్స్ సమష్టి కృషికి లభించిన గుర్తింపని పేర్కొన్నారు. నగరాన్ని పరిశుభ్రంగా,ఆరోగ్యకరంగా ఉం చేందుకు క్షేత్రస్థాయిలో నిరంతరం సేవలం దిస్తున్న పారిశుధ్య కార్మికుల కృషి ఈ విజ యానికి ఎంతో కీలకమని పేర్కొంటూ, వారికి ప్రత్యేక అభినందనలు తెలిపారు. “స్వచ్ఛ గవర్నమెంట్ ఆఫీసెస” కేటగిరీలో జీవీఎంసీకి రాష్ట్రస్థాయి అవార్డు లభించడం జీవీఎంసీ ప్రధాన కార్యాలయంతో పాటు కార్యాలయ పరిసరాల్లో పరిశుభ్రత,పారిశుధ్య నిర్వహణకు ఇస్తున్న ప్రాధాన్యతకు నిదర్శనమని కమిషనర్ తెలిపారు. పరిశుభ్రమైన వాతావరణంలో ప్రజలకు మెరుగైన పౌర సేవలు అందించాలనే లక్ష్యంతో అధికారులు, ఉద్యోగులు బాధ్యతతో పనిచేస్తున్నారని పేర్కొన్నారు.రాష్ట్ర ముఖ్య మంత్రి నారా చంద్రబాబు నాయుడు విజన్-2047 లక్ష్యాలకు అనుగుణంగా, స్వచ్ఛ ఆంధ్ర కార్పొరేషన్ ఆధ్వర్యంలో నిర్వహిస్తున్న “స్వర్ణాంధ్ర-స్వచ్ఛాంధ్ర” కార్య క్రమాల ద్వారా ప్రజల్లో పరిశుభ్రత, పారిశుధ్యం,పర్యావరణ పరిరక్షణపై మరింత అవగాహన, బాధ్యత పెరుగుతోందని కమిష నర్ పేర్కొన్నారు.ప్రజల భాగస్వామ్యంతో పరిశుభ్రమైన,ఆరోగ్యకరమైన ఆంధ్రప్రదేశ్ నిర్మాణానికి జీవీఎంసీ తనవంతు బాధ్యతను సమర్థవంతంగా నిర్వర్తిస్తూ, విజన్-2047 లక్ష్యాల సాధనకు నిరంతరం కృషి చేస్తుం దని తెలిపారు.జీవీఎంసీకి ఈ ప్రతిష్టాత్మక రాష్ట్రస్థాయి అవార్డులు రావడానికి కృషి చేసిన అధికారులు,ఉద్యోగులు,పారిశుధ్య కార్మికులు,స్వచ్ఛత వారియర్స్,స్వచ్ఛంద సంస్థలు,వివిధ సంఘాలతో పాటు విశాఖ నగర ప్రజలందరికీ కమిషనర్ అభినంద నలు,కృతజ్ఞతలు తెలియజేశారు. ఈ అవా ర్డులను మరింత బాధ్యతగా స్వీకరించి, విశాఖను మరింత పరిశుభ్రమైన,పచ్చని, ఆరోగ్యకరమైన నగరంగా తీర్చిదిద్దేందుకు సమష్టిగా కృషిచేయాలని కమిషనర్ పిలుపునిచ్చారు.
విశాఖను ప్రపంచ స్థాయికి తీసుకెళ్లాలి : ` జిల్లా కలెక్టర్ ఎం.అభిషిక్త్ కిశోర్
విశాఖపట్నాన్ని దేశంలోనే అత్యుత్తమ నగరంగా తీర్చిదిద్దడంతో పాటు, ప్రపంచ స్థాయి పరిశుభ్రత ప్రమాణాలను సాధించే దిశగా ప్రజలు, ప్రజాప్రతినిధులు, అధికా రులు సమష్టిగా కృషి చేయాలని ఎంపీ శ్రీ భరత్,జిల్లా కలెక్టర్ ఎం.అభిషిక్త్ కిశోర్ పిలుపునిచ్చారు. గాంధీ జయంతిని పురస్క రించుకుని శుక్రవారం వీఎంఆర్డీఏ చిల్డ్రన్ ఏరీనాలో నిర్వహించిన స్వచ్ఛాంధ్ర అవా ర్డుల జిల్లా స్థాయి పురస్కార ప్రదానోత్స వంలో వారు మాట్లాడారు. మహాత్మా గాంధీ జయంతి రోజున స్వచ్ఛత కోసం కృషి చేసిన వ్యక్తులు, సంస్థలను సత్కరించడం ఎంతో సంతోషంగా ఉందన్నారు.అవార్డులు అందుకుంటున్న విజేతలందరూ సమాజా నికి, జిల్లాకు స్ఫూర్తిగా నిలుస్తున్నారని అభినందించారు.విశాఖపట్నంలో ఆధునిక పారిశుధ్య విధానాలు,మెకనైజ్డ్ శానిటేషన్, వేస్ట్ టు ఎనర్జీ ప్లాంట్‌తో పాటు సముద్రం లో వ్యర్థాలను తొలగించే ఆధునిక పరిక రాలు అందుబాటులో ఉన్నాయని జిల్లా కలెక్టర్ తెలిపారు. సుమారు రెండు దశాబ్దాలుగా నగరంలో ఆధునిక పారిశుధ్య విధానాలు అమలవుతున్నాయని చెప్పారు. అయితే కేవలం పారిశుధ్య కార్మికుల కృషి తోనే ప్రపంచస్థాయి పరిశుభ్రత సాధ్యం కాదంటూ ప్రతి ఒక్కరూ తమ ఇంటిని, వీధిని పరిశుభ్రంగా ఉంచుకోవడమే స్వచ్చ Ûతకు అసలైన మార్గమని స్పష్టం చేశారు. 24 గంటలూ పారిశుధ్య సిబ్బంది పని చేసినా,మరిన్ని వేస్ట్ టు ఎనర్జీ ప్లాంట్లు ఏర్పాటు చేసినా ప్రజల ప్రవర్తనలో మార్పు రాకపోతే ఆశించిన ఫలితం సాధ్యం కాద న్నారు.విశాఖను రాబోయే రెండు,మూడు సంవత్సరాల్లో జపాన్ స్థాయి పరిశుభ్రత ప్రమాణాలకు తీసుకెళ్లే లక్ష్యంతో పనిచేయా లన్నారు. జపాన్‌లో చిన్న కాగితం ముక్కను కూడా బహిరంగ ప్రదేశంలో వేయకుండా ప్రజలు పాటించే క్రమశిక్షణను ఆదర్శంగా తీసుకోవాలన్నారు. విశాఖపట్నం ఇప్పటికే దేశంలోని అత్యుత్తమ నగరాల్లో ఒకటిగా ఉందని, రాబోయే రోజుల్లో గ్లోబల్ సిటీగా ఎదగాలంటే పరిశుభ్రతలోనూ ప్రపంచ స్థాయి ప్రమాణాలను సాధించాల్సిన అవ సరం ఉందని పేర్కొన్నారు.
స్వచ్ఛతను ప్రతి పౌరుడూ సామాజిక బాధ్యతగా భావించాలి: ఎంపీ శ్రీ భరత్
స్వచ్ఛత కేవలం ప్రభుత్వ బాధ్యత కాదని, ప్రతి పౌరుడు సామాజిక బాధ్యతగా స్వీకరించినప్పుడే పరిశుభ్రమైన నగరం సాధ్యమవుతుందని ఎంపీ ఎం.శ్రీభరత్ అన్నారు. ప్రజల భాగస్వామ్యంతో స్వచ్ఛత కార్యక్రమాలను మరింత సమర్థవంతంగా ముందుకు తీసుకెళ్లాలని పిలుపునిచ్చారు. పరిశుభ్రత,పర్యావరణ పరిరక్షణపై ప్రజల్లో అవగాహన పెంచడంతో పాటు స్వచ్ఛతను నిత్యజీవితంలో భాగంగా మార్చుకోవాలని సూచించారు.
కార్మికులపై పూర్తి భారం వేయొద్దు : ఎమ్మెల్యే వెలగపూడి
విశాఖపట్నంలో సుమారు 20లక్షల జనా భాకు పరిమిత సంఖ్యలోనే పారిశుధ్య కార్మికులు ఉన్నారని తూర్పు నియోజకవర్గ ఎమ్మెల్యే వెలగపూడి రామకృష్ణబాబు అన్నారు. నగర పరిశుభ్రత బాధ్యతను కేవలం పారిశుధ్య కార్మికులపైనే వదిలేయ కుండా ప్రతి పౌరుడు తన వంతు బాధ్యత ను నిర్వర్తించాలని కోరారు.ఇళ్ల నుంచి తడి, పొడిచెత్తను సేకరించేందుకు వచ్చే క్లాప్ వాహనాలకు చెత్తను అందించడంలో ప్రజ లు నిర్లక్ష్యం చేయవద్దన్నారు.ఇళ్ల నుంచి రోడ్లపైకి చెత్త, ప్లాస్టిక్ సంచులు విసరకూ డదని సూచించారు.తుఫానులు,వర్షాలు వంటి ప్రతికూల పరిస్థితుల్లోనూ పారిశుధ్య సిబ్బంది, రెవెన్యూ సిబ్బంది అందిస్తున్న సేవలను అభినందించారు.ప్రశాంతమైన నగరం,మహిళలకు భద్రత కలిగిననగరంగా విశాఖకు మంచి పేరుందని,అదే విధంగా పరిశుభ్రతలోనూ అగ్రస్థానంలో నిలిచేం దుకు ప్రజల సహకారం అవసరమన్నారు.
68 మంది, సంస్థలకు అవార్డులు జిల్లా స్థాయి స్వచ్ఛాంధ్ర అవార్డుల కార్యక్ర మంలో వివిధ విభాగాల్లో 68 మంది వ్యక్తులు, సంస్థలకు పురస్కారాలు ప్రధానం చేశారు.రాష్ట్ర, జిల్లా స్థాయిలో అవార్డులు అందుకుంటున్న విజేతలను అతిథులు అభినందించారు. –జి.ఆనంద్ సునీల్ కుమార్