పరిశోధన దివిటీ తెలగాణా గిరిజనుల సంస్కృతి

నేలతల్లి ముద్దుబిడ్డలు! అడవి తల్లి వరపుత్రులు!! ఈ నేలకు తొలి హక్కుదారులు!!! పంచభూతాలకు ఆది సాక్షులు!!!! అడవి బిడ్డలు అనబడే గిరిజనులు.వీరి జీవనం,సంస్కృతులు,ఎలా విలక్షణమైనవో వీరిపై వస్తున్న పరిశోధనలు అంతే ప్రత్యేకమైనవి… అందులో భాగంగానే తెలంగాణ ప్రభుత్వం భాషా సంస్కృతిక శాఖ వారు వెలువరించిన “తెలంగాణ గిరిజనుల సంస్కృతి…”పుస్తకం,డా:మామిడి హరికృష్ణ సంపాదకత్వంలో పరిశోధక రచయిత్రి ఉస్మానియా విశ్వవిద్యాలయం పూర్వ తెలుగు శాఖ అధ్యక్షులు వాచస్పతి ఆచార్య కె.కుసుమారెడ్డి దీనిని వ్రాసారు,ఆంధ్రప్రదేశ్ పునర్విభజన చట్టం అనుసరించి తెలంగాణ రాష్ట్రంలో గుర్తించబడిన 32గిరిజన తెగల లోని ప్రసిద్ధమైన తెగలను ఎంపిక చేసుకుని సాధికారికంగా, సోదాహరణంగా,సశాస్త్రీయంగా ఈ పుస్తకంలోపొందుపరిచారు,ఎరుకలి,చెంచు, లంబాడి,కోయ,కొండరెడ్లు,నాయకపోడు,గోండు, కోలామీ,తోటి,ప్రధాన్‌ల యొక్క జీవన సంస్కృతుల గురించి ఇందులో క్షుణ్ణంగా వివరించబడింది.
ప్రాచీన చారిత్రక ప్రదేశాలలో గిరిజనుల స్థానంతో పాటు,తెలుగు సాహిత్యంలో గిరిజనుల ప్రస్తావనలు… మహాభారతం నుంచి శశాంక విజయం, వరకు గల కావ్యాలలో గిరిజనుల గురించిన వివరాలు ఆయా రచయితలు పేర్కొన్న తీరు సహేతుకంగా వివరిం చడంలో రచయిత్రి కుసుమగారి కృషి అభినంద నీయం.తెలంగాణ గిరిజనులు-భౌగోళిక, చారిత్రక,సాహిత్య పరిచయం,తెలంగాణలోని వివిధ రకాల గిరిజనులు, అని రెండు విభాగాలుగా విభజించి,తిరిగి మొదటి విభాగంలో ఐదు ఉపవిభాగాలు, రెండవ విభాగంలో 11ఉప విభాగాలుగా విభజించి విషయ వివరణ చేయడం జరిగింది.
గిరిజనుల మÖలాలను పరిశీలించినప్పుడు వీరందరూ హిందూ సాంప్రదాయానికి చెందినవారు అని| ¾స్తుంది.వారి పుట్టుకకు మÖలం లక్ష్మీదేవి,పార్వతి, ఆది శక్తి,కాళికా దేవతలని,వారివారి పురాణాల్లో చెప్పుకుం టున్నప్పటికీ అందరి మÖలం ఒకటే అని అర్థం అవుతుంది.లక్ష్మీదేవికి జన్మించిన ఐదుగురు కొడుకుల్లో ముగ్గురు శాపగ్రస్తులై, చెంచులు, కోయలు, యానాది, గిరిజన జాతులుగా మారినట్టు నాయకపోడు పురాణ గాథలో పేర్కొన్న విషయం ఇందులో చెప్పబడింది. ఇక ఎరుకలు దక్షిణ దేశము నుంచి లంబాడాలు ఉత్తర దేశం నుంచి వచ్చి తెలంగాణలో స్థిరపడినట్టు చెబుతూ..చారిత్రక పరిశీలనలో గిరిజనులు రాజ్య పాలకులుగా ఉన్న విషయం గుర్తు చేశారు.శాత వాహన రాజులు అంత గిరిజన జాతికి చెందిన వారు కాగా హనుమకొండ ప్రాంతాన్ని ఎరుకలు పాలిం చినట్లు శాసనాలవల్ల తెలుస్తున్నట్లు,గోండ్వానా ప్రాం తాన్ని గోండులు పాలించిన విషయం.నాయక పోడులు పద్మనాయకులుగా ప్రోలయ నాయకుని నాయకత్వంలో పరిపాలన చేసిన విషయం కూడా ఇందులో పేర్కొన్నారు, ఉత్తరదేశంలో రాజపుత్రులుగా పరిపాలన చేసి ముస్లింల దండయాత్రలతో పాలన కోల్పోయి వలస వచ్చి తెలంగాణ ప్రాంతంలో లంబా డాలుగా నివసిస్తున్నట్టు పేర్కొంటూ.. గిరిజన తెగల్లో భేదాలకు గల ప్రధాన కారణాలు మత విశ్వాసం, సంగీత, నృత్యాలు, సంగీత వాద్యాలు, అని ఇందులో తెలియజేయడం జరిగింది.
వివిధ గిరిజన తెగలకు చెందిన వారు అంతా కలిగి ఉండే విశిష్టతలను సైతం వివరించి అందుకు గల కారణాలను అందించారు.ప్రకృతిని ఆరాధించటం సమిష్టి కృషి ఐకమత్యం జీవితంలో ప్రతి విషయాన్ని సామÖహిక పండగలుగా నిర్వహించుకోవడం అడవి బిడ్డల విశిష్టతలలో ప్రధానంగా చెప్పడం జరిగింది. రెండవ విభాగంలో తెలంగాణలోని గిరిజనుల రకాలు జీవన విధానం మొదలు… ఆహారం, ఆభరణాలు, వస్త్రధారణ, ఆర్థిక న్యాయవ్యవస్థలు, మత విశ్వాసాలు, జాతరలు, పండుగలు, నృత్యాలు, సంగీత వాద్యాలు, వివాహం, చావు, తదితర అంశాలను సచిత్రంగా విభాగాలు వారీగా సమగ్రంగా అందించారు. సాధార ణంగా గిరిజనులు కొన్ని కొన్ని ప్రత్యేక ప్రాంతాలకే పరిమితమై విభిన్న పేర్లతో జీవనం సాగిస్తుంటారు. కానీ తెలంగాణ రాష్ట్రం అంతటా విస్తరించి ఉన్న ఏకైక గిరిజన జాతి‘ఎరుకల’ ‘కుర్రు’ జాతికి చెందిన వీరిలో స్త్రీలు త్రికాల విషయాలు ‘సోది’ లేదా ‘ఎరుక’గా చెప్పే ప్రతిభ కలిగి ఉండటం వల్ల వారిని ఎరుక చెప్పేవారు…ఎరుకల వారు, అని పిలవడం పరిపాటయింది.
వీరి భాష ప్రత్యేక మాండలికంగా ఉంటుంది ద్రావిడ భాషా కుటుంబానికి చెందిన ఈ లిపిలేని ఎరుకల భాష తెలుగు,తమిళ,కన్నడ,భాషల మిళితంగా ఉం టుంది.కానీ తెలంగాణ ఎరుకల జాతి గిరిజనులు అందరూ అచ్చమైన తెలుగులోనే మాట్లాడుకుంటారు. వీరు వంశపారంపర్యంగా అనేక తెగలు వృత్తుల ఆధా రంగా వేరుపడ్డారు.
తట్టలు బుట్టలు తడికలు తయారు చేసేవారు ‘దబ్బ ఎరుకలు’ ముగ్గు అమ్మేవారు‘ముగ్గు ఎరుకలు’ గరిసెలు గాదెలు తయారు చేసేవారు‘కూటు ఎరుకలు’ పంట చేలు కాపలా కాసేవారు‘కావలిఎరుకలు’పాము లాడిం చేవారు‘పాములఎరుకలు’పిట్టలు కుందేళ్ళు ఉడుములు పట్టేవారు‘పిట్టల ఎరుకలు’అనే పేర్లతో పిలిచే ఎరుకల జాతి రకాలను తెలుపుతూ వారి జీవనవిధానం కట్టు బాట్లు చెప్పటం జరిగింది.
ఎరుకలి సామాజిక వర్గంలో ఎక్కువగా జరిగే మేనరి కపు వివాహాలు ‘రూకమాడ’అని ప్రత్యేకంగా పిలిచే నిశ్చితార్థం తంతులో మేనమామ తన నిరభ్యంతరం తెలపడం పెళ్లి ఖర్చులు మగ పెళ్ళి వారే భరించటం పెళ్లి సమయంలో వేసే పందిరి రాటలకు పుట్టమన్ను వేయడం వంటి ప్రత్యేక పనులు ఎరుకుల వారి పెళ్లి తంతుల్లో ప్రధాన పాత్ర వహిస్తాయి. ఎరుకలలో విడాకుల సాంప్రదాయం ఉంది కుల పెద్దలు బంధు మిత్రులు సమక్షంలో పురుషుడు మర్రి లేదా వేప చెట్టుకు మÖడుసార్లు కసిగా గాట్లు వేయడంతో ఆభార్యాభర్తలకు ఎలాంటి సంబంధం ఉండదఅని తెలియజేయడం జరిగింది.వీరిలోని కురువంజి, కురువ,కోలాటం,నృత్యాలు ప్రధాన భూమిక వహిస్తా యి.అలాగే వీరు పాడుకునే పాటల గురించిన వివర ణలో పాటలతో పాటు వాటి అర్థ వివరణలు కూడా అందించారు.ఎరుకలవారి పాటల్లో భక్తి,మానవ సంబంధం,సామాజిక అంశాలు గల పాటలు అధికం గా ఉంటాయి. ఈపాటల్లో త్యాగయుతమైన స్త్రీ జీవి తం గమనించవచ్చు. తెలంగాణలోని నల్లమల అడవి ప్రాంతంలో జీవించే చెంచుజాతి గిరిజన జీవన తీరు గురించి చెబుతూ..వీరి సంతానంలో లింగ బేధం చూపించని వైనం, పగటిపూట మాత్రమే పెళ్లి చేసు కునే సంప్రదాయం,బహుభార్య విధానంతో పాటు అక్రమ సంబంధాలకు ఉండే కఠిన శిక్షల వివరాలు, చెంచులు మరణాన్ని సాధారణ ప్రక్రియ గా భావించే పద్ధతి, ఆ విభాగంలో సవివరంగా పొందుపరిచారు. తండాలుగా నివాసాలను ఏర్పాటు చేసుకొని జీవించే లంబాడీల గురించిన విభాగంలో సాధారణ అంశా లతో పాటు వారి నృత్యాలు,సంగీత వాద్యాల గురించి ప్రధానంగా పేర్కొన్నారు,వీటిలో నగారా,సారంగి, రబాబ్, వంటి ప్రత్యేక సంగీత పరికరాల వివరణలు అందించారు.తెలంగాణ రాష్ట్రంలోనే ప్రధానమైన “కోయ” జాతి గిరిజనుల గురించిన వివరణలో కోయ సంస్కృతి మÖలాలను తెలిపే కోయ పురాణ కథ ఇందులో ప్రత్యేకతను సంతరించుకుంది, వీరి కొమ్ముకోయ నృత్యం,రేల నృత్యంతో పాటు, పురుషులు మాత్రమే చేసే కుర్రె నృత్యం గురించి. వీరి ప్రధాన సంగీత వాద్యాలు అయిన తూతకొమ్ము, డోలీ,డోలు కొమ్ము,ల వివరణలు సచిత్రంగా అందించారు. కొండ ప్రాంతాల్లో పోడువ్యవసాయం జీవన వృత్తిగా చేసుకునే కొండ రెడ్డి గిరిజనుల గురించిన వివరణ విభాగంలో పంటల ఆధారిత పండుగలు,పండుగలు జాతర్ల సందర్భంగా చేసే మామిడికోత నృత్యం,సంగీత వాద్యాలైన గిల్ల,జౌజం,మొదలైన వాటి విశేషాలు మనం ఈవిభాగంలో చదవవచ్చు.గిరిజన సామాజిక వర్గాలకే ప్రముఖమైన ఘనమైన పాలనా చరితగల గోండులు వారి ఆశ్రిత కులం వారైనా ప్రధాన్‌లు గురించి చెబుతూ…అదే ఆదిలాబాద్ అడవుల్లో జీవిం చే కోలామీలు,ఆంధ్‌లు,తోటీలు,గురించిన జీవన చిత్రాలు సామాజిక కట్టుబాట్లు గురించిన వివరణలు మిగతా గిరిజన జాతులకు ఇచ్చినట్టే ఇచ్చారు.
పాండవులను కులదైవాలుగా భావించి పూజించే నాయకుడు గిరిజనుల సంస్కృతి వివరణలు సైతం అందించిన ఈ పరిశోధక విశ్లేషణ పుస్తకం ఆసాంతం అన్ని గిరిజన జాతులు నిక్కచ్చిగా హిందూ మతానికి లేదా హిందూ సమాజానికి అవినాభావ సంబంధం కలిగి ఉన్నాయి ఆదివాసులు అక్షరాలా హిందూ బంధువులే అన్న నగ్న సత్యాలను ఆవిష్కరించింది.
తెలంగాణ గిరిజనుల సంస్కృతి (వ్యాస సంపుటి), సంపాదకులు: డా:మామిడి హరికృష్ణ, రచన: ఆచార్య కె .కుసుమారెడ్డి, పేజీలు: 178, వెల:250/-రూ, ప్రతులకు: రవీంద్ర భారతి, హైదరాబాద్ -4, ఫోను: 040- 29703142,