భలే పసందు బంజారాల పెళ్లి ఆచారాలు
ఒకప్పుడు మౌఖిక సాహిత్యంకే పరిమితమైన… మన ఆదివాసీ సాహిత్యం… అక్షరాస్యతలో వచ్చిన అభివృద్ధిలో భాగంగా .. వివిధ ప్రక్రియలలో పుస్తకాల రూపంలో… వస్తూ ప్రామాణికతకు చోటుచేసు కుం టుంది, ఈ గిరిజన సాహిత్యంలోని… పుస్తకాల వివరాలను ‘‘గవాక్షం’’ శీర్షికన… ‘‘థింసా పాఠకుల’’ కోసం ప్రతి నెల ఒక పుస్తకాన్ని పరిచయం చేస్తున్న పరిశోధక రచయిత డా. అమ్మిన శ్రీనివాసరాజు గారు ప్రముఖ రచయిత డా: అజ్మీర సిల్మా నాయక్ కలం నుంచి జాలువారిన ‘‘బంజారాల వివాహ ఆచార పద్ధతులు’’అనే పుస్తకంపై సమీక్ష -డా. అమ్మిన శ్రీనివాసరాజు
మన మూలవాసులుగా చెప్పబడుతున్న ఆదివాసుల్లో ఒక రకం జనజాతి ‘‘బంజారా’’, వీరిని లంబాడాలు, సుగాలీలు,గా కూడా పిలుస్తారు. ఆదివాసులైన గిరిజన తెగల్లో ఎటువంటి విలక్షణ సంస్కృతి ఆచార పద్ధతులు ఉంటాయో వీరిలో కూడా అదే తీరు విలక్షణ పద్ధతులు కనిపిస్తాయి.ఏ జాతి కైనా దాని ఆచార సాంప్రదాయాలు అగ్రభా గాలు నిలిచే సాంప్రదాయం వివాహ వ్యవస్థ దీనిపైనే మిగతా సాంప్రదాయా లన్నీ ఆధార పడి ఉంటాయి, దానిని అధ్యయనం చేయడం ద్వారా మిగతావి కూడా సులభ గ్రాహ్యం అయిపోతాయి.
తెలంగాణ సారస్వత పరిషత్ చేపట్టిన అనేక విశిష్ట కార్యక్రమాల్లో ఒకటి మేలైన సాహిత్య పుస్తక ప్రచురణలు, దానిలో భాగంగా పరిషత్ ప్రచురించిన ‘‘బంజారాల వివాహ ఆచార పద్ధతులు’’ పుస్తకం ఒకటి, దీని రచయిత డా:అజ్మీర సిల్మా నాయక్. పరిషత్తు ఎలాంటి ప్రచురణలు చేపట్టిన అవి ప్రామాణికంగా పరిశోధనాత్మకంగా ఉంటాయి అదే కోవకు చెందినది ఈ వివాహ ఆచార పద్ధతులు పుస్తకం. దీని రచయిత డా: అజ్మీర అదే సామాజిక వర్గ పరిశోధక విద్యార్థి కావడం వల్ల ఈ రచనకు సంపూర్ణ ప్రామాణికత కలగలిసింది. ‘‘వనచర్ భణ్ జారే’’ అనే హిందీ పదం ఆధారంగా వచ్చిందే బంజారా అనే మాట, భణ్ంజారే అనే పదాల కలయిక కాస్త కాలక్రమంలో మార్పు చెంది బంజారా అనే మాట వ్యవహారం లోకి వచ్చింది. రాజస్థాన్ లోని రాజపుత్ర వంశానికి చెందిన వీరు రాణా ప్రతాప్కు యుద్దసైనికులుగా పనిచేసారు, అక్బర్ రాణాప్రతాప్ ల,మధ్య జరిగిన ‘హల్దీ ఘాట్ యుద్ధం’’లో రాణా ప్రతాప్ పరాజయంతో యుద్ధ సైనికులైన బంజారాలు దిక్కుతోచని స్థితిలో అడవుల్లోకి పారిపోయి దక్షిణ భారతదేశంలో వివిధ ప్రాంతాలకు వలసలు పోయారు అలా వలసపోయిన వీరు జీవనోపాధికి గాను పశువులను పెంచి పోషించుకుంటూ ఉండేవారని, అలాగే ఎడ్లబండ్లపై సరుకులను రవాణా చేస్తుంటే వారని దక్కన్ ప్రాంతానికి వలసలు వచ్చిన బంజారాలు మొగలుల సైన్యానికి ఆహార పదార్థాలు యుద్ధ సామాగ్రిని సరఫరా చేసే వారని ‘‘షేర్ సింగ్ షేక్’’ అనే ఆంగ్ల కవి పేర్కొన్నారు. ఇలా మరికొన్ని చారిత్రక ఆధారాలతో పాటు పురాణ ఆధార విషయాలను కూడా లంబాడాల పుట్టుపూర్వో త్తరాలకు సంబం ధించి ఉపో ద్ఘాతంలో పేర్కొని వీరి సంపూర్ణ చరిత్ర అన్ని కోణాల నుంచి ఆవిష్కరించారు. బంజారాల పుట్టు పూర్వో త్తరాలు మొదలు బంజా రాల వివాహ గేయాలు వరకు మొత్తం నాలుగు విభాగా లుగా విభజించి వ్రాసిన ఈ పరిశో ధనాత్మక రచనలో మనకు అనేక విలువైన విషయాలు తెలుస్తాయి.ఈ బంజారాలు నిత్యసంచార జీవితాలు గడిపిన 15వ శతాబ్దం నుంచి వీరి మనుగడకు చెందిన ఆనవాళ్లు మన చరిత్రలో అగుపిస్తాయి ‘‘బంజారాల సమాజం సంస్కృతి’’ అనే రెండవ విభాగంలో వారి జీవనంలో సంస్కృతి- కట్టుబాట్లు ఎలా మిళితమై జీవిస్తున్నారో స్పష్టం చేయడం జరిగింది. వీరి జీవనంలో ప్రతి విషయం ఒక ప్రత్యేకతను కలిగి ఉం టుంది, తండాలోని ప్రతివారు తమ నాయకుని మాటకు కట్టుబడి తమ జీవితాన్ని సాగించే తీరు నేటికీ అమలులో ఉండటం అందరికీ ఆచరణీయం. బంజారాల్లో కుల వ్యవస్థ కుల వృత్తులు కలిగి ఉండటం విశేషం, అనాదిగా వారు పశుపోషకులుగా ఎడ్లబండ్లు నడిపేవారుగా కూరగాయలు ఆహార ధాన్యాలు పండిరచేవ ారు, వీరిలో ‘‘నావి’’ అనే మంగలి పనివాడు ఉంటాడు తను తండాకు సంబంధించిన అందరి క్షవరాలు చేస్తాడు ఇలాంటి విశేషాలు రెండవ అధ్యాయంలో మనం గమనించవచ్చు. ఇక బంజారాల్లో అంతర్గత న్యాయ తీర్పులు, పంచాయితీలు,గంభీరంగాఉంటాయి దీనిలో వాది ప్రతివాది,సాక్షులు,కూడా ఉంటారు శిక్షలు డబ్బుల రూపంలో గానీ,క్షమ రూపంలో గానీ ఉంటాయి.పంచాయితీ జరిగే సందర్భంలో అందరూ సభ మర్యాదలు పాటించాలి లేకపోతే అందుకుగాను శిక్షలు ఉంటాయి అలాగే పుట్టుక మొదలు పండుగలు జాతరలు వస్త్రధారణ ఆభరణాలు వివర ణలతో పాటు ,పిల్లలు లేని బంజారాలు వారి కులంలో సంతానం కాక వేరే కులం వారి సంతానం పెంచుకునే విధానాన్ని ‘‘జంగడ్’’ అంటారు,ఇలా దీనిలో చాలా ఆసక్తికర అంశాలు చెప్పబడ్డాయి. ఇక ముచ్చటగా మూడవ విభాగం ‘‘బంజారాల వివాహ ఆచార పద్ధతులు’’ వీరి వివాహాల్లో నిశ్చితార్థం ప్రధానపాత్ర పోషిస్తుంది ‘‘సగాయి’’ అని పిలవబడే పెళ్లి సంబంధం కుదుర్చుకునే ఈ తంతులో.. ఇరుపక్షాలకు చెందిన పెద్ద మనుషులంతా ఊరు బయట ఖాళీ ప్రదేశంలో గుమి గూడి మాట్లాడుకోవడం వారిలో ఒక ఆచారం. బంజారాల పెళ్ళి తంతులో ‘‘ధాడి’’ అని పిలవబడే పురోహితుడే పెళ్లి తంతు నిర్వహిస్తాడు అతను లేకపోతే తండా నాయకుడే పెళ్లి తంతు జరిపిస్తాడు. వీరి వివాహాల్లో పూర్వం పశువులు కట్న కానుక లుగా ఉండేవి, ప్రస్తుతం అవి నేటి ఆధునిక విధానాలకు అన్వయం అయి పోయాయి. ఇక బంజారాల పెళ్ళిళ్ళలో అనేక విచిత్రమైన ఆచారాలు వ్యవహారాలు అగుపిస్తాయి వాటికి సంబంధించి సంపూర్ణ వివరాలు మనం ఈ పుస్తకంలో కులంకషంగా చదవ వచ్చు. పెళ్ళికొడుకు దుప్పటి కప్పుకోవడం వంటి ఆశ్చర్యకర విధానాలతో పాటు మొత్తం ఐదు రకాలుగా వీరి వివాహాలు నిర్వహించబడ తాయి, వీరి పెళ్లి తంతులో చివరిగా ఉండే ‘‘పంపకాలు’’ ఘట్టం ఇతర సమాజల వారికి వింతగా ఉంటుంది, కానీ బంజారాలు దానిని నేటికీ పాటించటం విశేషం.‘‘మళెరో’’ అని పిలువబడి ఏడుపు పద్ధతి దీనిలో పెళ్లి కూతురు తన బంధు వర్గాన్ని అందరినీ వదిలి అత్తవారింటికి వెళ్లే సందర్భంలో ఏ విధంగా ఏడవాలోశిక్షణ ఇస్తారు.పాటల రూపంలో ఉండే ఈతంతు చూపరులందరికీ కరుణ రసాత్మకంగా ఉం టుంది. శుభోదయం బంజారాల్లో తాళిబొట్టు స్థానంలో రెట్ట గాజులు ముఖ్యపాత్ర వహి స్తాయి, అత్తవా రింటికి వెళ్లిన పెళ్లికూతురు తండాలోని ఇంటింటికి తిరిగి ‘‘పళ్ళ పుల్ల’’ ఇత్తడి చెంబులో పెట్టి ఇచ్చి ఆ ఇంటి పెద్దల కాళ్ళు మొక్కి ఆశీర్వాదాలు తీసుకుంటుంది, ఇది చక్కని పరిచయ కార్యక్రమం దీనిలో పెళ్లికూతురు వెంట తోటి కోడలు కానీ ఆడబిడ్డ కానీ ఉంటుంది. ఇలాంటి అనేక తంతులు ఈ బంజారాల పెళ్ళిళ్ళల్లో మనం గమనించవచ్చు, వీరి పెళ్లిలలో పాటలు ప్రధాన పాత్ర పోషిస్తాయి, అలాగే చివరిదైన నాలుగో విభాగంలో ఈ వివాహ గేయాలు గురించిన పూర్తి వివరణ ఇవ్వబడిరది. ప్రతి పాట దాని సందర్భంతో అని పాటు లంబాడా భాషలో సాగే ఈ పాటలను తెలుగు లిపిలో రాసి అనంతరం తెలుగులో ప్రతి పాట దిగువ న భావం అందించడం ద్వారా పాఠకులకు సంపూర్ణ సౌకర్యంగా ఉంది. ప్రతి పాటలో వారిదైన సంస్కృతి సాంప్రదాయాల గురించి పుష్కలంగా సవివరంగా చెప్పబడ్డాయి. ఇక ఈ పరిశోధక పుస్తకం ముగింపు, అనుబంధాల్లో, అనేక విలువైన సమాచారం సమగ్రంగా అందించడంలో దీని పరిశోధక రచయిత నాయక్ కృషి అద్భుతం, ఆచరణీయం, అభినందనీయం, అయ్యింది.‘‘కొండ అద్దమందు అన్న చందంగా’’ఈ బుల్లి పుస్తకంలోనే బోలెడు విలువైన బంజారా సమగ్ర చరిత్రను అందించిన రచయిత , ప్రచురణ కర్త తెలంగాణ సారస్వత పరిషత్తు , సంపూర్ణ అభినందనీయులు. ప్రతి పరిశోధక విద్యార్థి తప్పక దాచు’’కొని’’ చదవాల్సిన పరిశోధక పుస్తకం ఇది.
పుస్తకం:- బంజారాల వివాహ ఆచార పద్ధతులు, రచన:- డా:అజ్మీర సిల్మా నాయక్, పేజీలు:148, వెల:- 120/- రూ, ప్రతులు:- తెలంగాణ సారస్వత పరిషత్ తిలక్ రోడ్ ఆబిడ్స్ హైదరాబాద్ -1, ఫోను:- 040 – 24753724. సమీక్షకుడు:- డా:అమ్మిన శ్రీనివాసరాజు, సెల్:7729883223.